20 ਕਿੱਲੋਮੀਟਰ ਦੀ ਦੂਰੀ ਲਈ ਲਾੜੇ ਨੇ ਖ਼ਰਚੇ ਪੰਜ ਲੱਖ

ਹਨੂਮਾਨਗੜ੍ਹ ਜ਼ਿਲ੍ਹੇ ਵਿੱਚ ਇੱਕ ਲਾੜਾ ਮਹਿਜ਼ 20 ਕਿੱਲੋਮੀਟਰ ਦੂਰ ਆਪਣੀ ਬਰਾਤ ਹੈਲੀਕਾਪਟਰ ਉੱਤੇ ਲੈ ਗਿਆ। ਇਸ ਦੇ ਲਈ ਲਾੜੇ ਨੇ ਪੰਜ ਲੱਖ ਰੁਪਏ ਖ਼ਰਚ ਕੀਤੇ।

ਹੈਲੀਕਾਪਟਰ ਲਈ ਖੇਤਾਂ ਵਿੱਚ ਹੈਲੀਪੈਡ ਬਣਾਇਆ ਗਿਆ ਸੀ।

ਅਸਲ ਵਿੱਚ ਇੱਥੋਂ ਨੇੜਲੇ ਪਿੰਡ ਰਾਮਪੁਰਾ ਮਟੋਰੀਆ ਦੇ ਗੋਦਾਰਾ ਪਰਿਵਾਰ ਦੇ ਲੜਕੇ ਸ਼ਿਵ ਪ੍ਰਕਾਸ਼ ਦਾ ਵਿਆਹ ਜ਼ੋਰਾਵਰ ਪੁਰਾ ਵਿਖੇ ਤੇਹ ਹੋਇਆ ਸੀ।

ਵਿਆਹ ਦੀਆਂ ਰਸਮਾਂ ਪੂਰੀਆਂ ਹੋਣ ਤੋਂ ਬਾਅਦ ਡੋਲੀ ਲਈ ਲਾੜੇ ਨੇ ਹੈਲੀਕਾਪਟਰ ਮੰਗਵਾਇਆ ਅਤੇ ਇਸ ਰਾਹੀਂ ਆਪਣੀ ਪਤਨੀ ਨੂੰ ਘਰ ਲੈ ਕੇ ਗਿਆ।

ਖ਼ਾਸ ਗੱਲ ਇਹ ਹੈ ਕਿ ਲਾੜਾ ਖੇਤੀਬਾੜੀ ਕਰਦਾ ਹੈ ਅਤੇ 20 ਕਿਲੋਮੀਟਰ ਦੀ ਦੂਰੀ ਤੇਹ ਕਰਨ ਲਈ ਉਸ ਨੇ ਪੰਜ ਲੱਖ ਰੁਪਏ ਖਰਚ ਕਰ ਦਿੱਤੇ।