ਅਕਾਲੀ ਵਰਕਰਾਂ ਵੱਲੋਂ ਫਾਇਰਿੰਗ, ਸੀਸੀਟੀਵੀ 'ਚ ਕੈਦ

ਸੀਸੀਟੀਵੀ ‘ਚ ਕੈਦ ਹੋਈਆਂ ਤਸਵੀਰਾਂ ਮੁਤਾਬਕ ਅੰਮ੍ਰਿਤਸਰ ਦੇ ਰਾਜਾਸਾਂਸੀ ਹਲਕੇ ਦੇ ਪਿੰਡ ਚੋਗਾਵਾਂ ‘ਚ ਕੁਝ ਲੋਕ ਰਾਤ ਵੇਲੇ ਇੱਕ ਘਰ ‘ਚ ਦਾਖਲ ਹੁੰਦੇ ਹਨ ਤੇ ਹਵਾ ‘ਚ ਕਈ ਰਾਊਂਡ ਫਾਇਰਿੰਗ ਕਰਦੇ ਹਨ। ਇਲਜ਼ਾਮ ਹਨ ਕਿ ਫਾਇਰਿੰਗ ਕਰਨ ਵਾਲੇ ਇਹ ਲੋਕ ਅਕਾਲੀ ਦਲ ਦੇ ਵਰਕਰ ਹਨ। ਜਿਸ ਘਰ ਵਿੱਚ ਇਨ੍ਹਾਂ ਫਾਇਰਿੰਗ ਕੀਤੀ, ਉਸ ਪਰਿਵਾਰ ਨੇ ਇਨ੍ਹਾਂ ਦੇ ਕਹਿਣ ਮੁਤਾਬਕ ਵੋਟ ਨਹੀਂ ਪਾਏ ਸਨ।

ਘਟਨਾ ਤੋਂ ਬਾਅਦ ਪਿੰਡ ‘ਚ ਵੀ ਦਹਿਸ਼ਤ ਦਾ ਮਾਹੌਲ ਹੈ। ਪੁਲਿਸ ਨੇ ਸੀਸੀਟੀਵੀ ਦੀ ਫੁਟੇਜ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ।

4 ਫਰਵਰੀ ਨੂੰ ਹੋਈ ਵੋਟਿੰਗ ਤੋਂ ਬਾਅਦ ਵੀ ਪਾਰਟੀਬਾਜ਼ੀ ਦਾ ਕਲੇਸ਼ ਖਤਮ ਹੋਣ ਦਾ ਨਾਮ ਨਹੀਂ ਲੈ ਰਿਹਾ। ਤਾਜ਼ਾ ਮਾਮਲਾ ਅੰਮ੍ਰਿਤਸਰ ਦੇ ਚੋਗਾਵਾਂ ਪਿੰਡ ਦਾ ਹੈ। ਜਿੱਥੇ ਕੁਝ ਅਕਾਲੀ ਵਰਕਰਾਂ ‘ਤੇ ਕਾਂਗਰਸੀ ਵਰਕਰ ਦੇ ਘਰ ਫਾਇਰਿੰਗ ਕਰਨ ਦਾ ਇਲਜ਼ਾਮ ਲੱਗਾ ਹੈ। ਘਟਨਾ ਸੀਸੀਟੀਵੀ ‘ਚ ਕੈਦ ਹੋਈ ਹੈ।

ਇਲਜ਼ਾਮ ਹਨ ਕਿ ਪੀੜਤ ਪਰਿਵਾਰ ਵਾਲਿਆਂ ਨੂੰ ਸਬਕ ਸਿਖਾਉਣ ਦੇ ਇਰਾਦੇ ਨਾਲ ਅਕਾਲੀ ਵਰਕਰ ਦੇਰ ਰਾਤ ਇਸ ਘਰ ਵਿੱਚ ਦਾਖਲ ਹੋ ਕੇ ਗੋਲੀਆਂ ਚਲਾ ਕੇ ਗਏ। ਘਟਨਾ ਰਾਤ ਕਰੀਬ 10 ਤੋਂ 11 ਵਜੇ ਦੇ ਵਿਚਕਾਰ ਵਾਪਰੀ ਹੈ ਪਰ ਮੁਲਜ਼ਮ ਇਸ ਗੱਲੋਂ ਅਣਜਾਣ ਸਨ ਕਿ ਘਰ ਦੇ ਸੀਸੀਟੀਵੀ ‘ਚ ਉਨ੍ਹਾਂ ਦੀ ਹਰਕਤ ਕੈਦ ਹੋ ਗਈ ਹੈ।