ਕਪਿਲ ਸ਼ਰਮਾ ਨੂੰ ਇੱਕ ਹੋਰ ਵੱਡਾ ਝਟਕਾ

ਕਪਿਲ ਦੇ ਸ਼ੋਅ ਦੇ 'ਬੰਪਰ' ਤੇ 'ਬੱਚਾ ਯਾਦਵ' ਦੇ ਮਕਬੂਲ ਕਿਰਦਾਰ ਨਿਭਾਉਣ ਵਾਲੇ ਕੀਕੂ ਸ਼ਾਰਦਾ ਨੇ ਸੁਨੀਲ ਗਰੋਵਰ ਨਾਲ ਹੋਏ ਝਗੜੇ ਵਿੱਚ ਕਪਿਲ ਦਾ ਹੀ ਸਾਥ ਦਿੱਤਾ ਸੀ। ਇਸ ਝਗੜੇ ਤੋਂ ਬਾਅਦ ਸੁਗੰਧਾ ਮਿਸ਼ਰਾ ਤੇ ਅਲੀ ਅਸਗਰ ਨੇ ਕਪਿਲ ਦਾ ਸ਼ੋਅ ਛੱਡਣ ਦਾ ਫੈਸਲਾ ਕਰ ਲਿਆ ਸੀ।

ਕੀਕੂ ਨੇ ਦੱਸਿਆ ਕਿ ਪਹਿਲਾਂ ਕਪਿਲ ਦੇ ਸ਼ੋਅ ਨੂੰ ਵੀ ਨਾਲ-ਨਾਲ ਹੀ ਕਰੇਗਾ ਪਰ ਹੁਣ ਉਹ ਨਵੇਂ ਸ਼ੋਅ 'ਤੇ ਹੀ ਆਪਣਾ ਧਿਆਨ ਕੇਂਦਰਤ ਕਰੇਗਾ।

ਕੀਕੂ ਨੇ ਦੱਸਿਆ ਕਪਿਲ ਦੀ ਸਿਹਤ ਖਰਾਬ ਹੋਣ ਕਾਰਨ 'ਦ ਕਪਿਲ ਸ਼ਰਮਾ ਸ਼ੋਅ' ਰੁਕ ਗਿਆ ਹੈ। ਉਸ ਦੇ ਨਵੇਂ ਸ਼ੋਅ ਦੀ ਸ਼ੂਟਿੰਗ ਸਤੰਬਰ ਦੇ ਤੀਜੇ ਹਫਤੇ ਤੋਂ ਸ਼ੁਰੂ ਹੈ।

ਕਪਿਲ ਸ਼ਰਮਾ ਦੇ ਸ਼ੋਅ ਵਿੱਚ ਹਰਫਨਮੌਲਾ ਕਿਰਦਾਰ ਨਿਭਾਉਣ ਵਾਲੇ ਕੀਕੂ ਹੁਣ ਕਾਮੇਡੀ ਸਟਾਰ ਜਾਨੀ ਲੀਵਰ ਨਾਲ ਇੱਕ ਨਵਾਂ ਕਾਮੇਡੀ ਸ਼ੋਅ ਲਿਆਉਣ ਜਾ ਰਹੇ ਹਨ।

ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਤੇ ਸੋਨੀ ਟੀ.ਵੀ. ਨੇ ਕੁਝ ਸਮੇਂ ਲਈ ਬਰੇਕ ਲਾ ਦਿੱਤੀ ਹੈ। ਕਪਿਲ ਦੇ ਔਖੇ ਸਮੇਂ ਵਿੱਚ ਇੱਕ-ਇੱਕ ਕਰਕੇ ਗਏ ਸਾਥੀਆਂ ਤੋਂ ਬਾਅਦ ਹੁਣ ਕੀਕੂ ਸ਼ਾਰਦਾ ਨੇ ਵੀ ਆਪਣਾ ਅੱਗੇ ਦੇ ਰਾਹ ਤਲਾਸ਼ ਲਿਆ ਹੈ। ਸੁਨੀਲ ਗਰੋਵਰ, ਅਲੀ ਅਸਗਰ ਤੇ ਸੁਗੰਧਾ ਮਿਸ਼ਰਾ ਤੋਂ ਬਾਅਦ ਹੁਣ ਕੀਕੂ ਦਾ ਜਾਣਾ ਕਪਿਲ ਲਈ ਕਿਸੇ ਵੱਡੇ ਝਟਕੇ ਤੋਂ ਘੱਟ ਨਹੀਂ।