ਮਹਾਤਮਾ ਗਾਂਧੀ ਦੀ ਹੱਤਿਆ ਨੂੰ ਬੀਤੇ 69 ਸਾਲ

30 ਜਨਵਰੀ 1948 ਉਹ ਦਿਨ ਸੀ ਜਦੋਂ ਬਿਰਲਾ ਹਾਊਸ ਵਿੱਚ ਪ੍ਰਾਰਥਨਾ ਸਭਾ ਲਈ ਪਹੁੰਚੇ ਮਹਾਤਮਾ ਗਾਂਧੀ ਦੀ ਨੱਥੂ ਰਾਮ ਗੋਂਡਸੇ ਨੇ 3 ਗੋਲੀਆਂ ਦਾਗ ਕੇ ਹੱਤਿਆ ਕਰ ਦਿੱਤੀ ਸੀ।

30 ਜਨਵਰੀ ਦੇ ਦਿਨ ਸ਼ਾਮ ਦੇ ਤਕਰੀਬਨ 5.15 ਵਜੇ ਜਦੋਂ ਜਦੋਂ ਮਹਾਤਮਾ ਗਾਂਧੀ ਬਿਰਲਾ ਹਾਊਸ ਤੋਂ ਪ੍ਰਾਰਥਨਾ ਸਭਾ 'ਚ ਸ਼ਾਮਿਲ ਹੋਣ ਲਈ ਬਾਹਰ ਨਿਕਲੇ ਤਾਂ ਨੱਥੂ ਰਾਮ ਗੋਂਡਸੇ ਨੇ ਗੋਲੀ ਚਲਾ ਦਿੱਤੀ, ਪਹਿਲੀ ਗੋਲੀ ਚੱਲਣ ਨਾਲ ਸਭ ਨੂੰ ਲੱਗਿਆ ਕਿ ਕਿਤੇ ਪਟਾਖਾ ਚੱਲਿਆ ਹੈ, ਦੂਜੀ ਗੋਲੀ ਤੋਂ ਬਾਅਦ ਲੋਕਾਂ ਨੇ ਨੱਥੂ ਰਾਮ ਗੋਂਡਸੇ ਨੂੰ ਫੜ ਲਿਆ ਇਸਤੋਂ ਬਾਅਦ ਉਸਨੇ ਤੀਜੀ ਗੋਲੀ ਚਲਾਈ।

ਇਸ ਮੌਕੇ ਲੱਕਾਂ ਲੋਕਾਂ ਦੀ ਭੀੜ ਉਮੜੀ ਹੋਈ ਸੀ। ਗਾਂਧੀ ਦੇ ਦੋਵੇਂ ਪੁੱਤਰਾਂ ਰਾਮਦਾਸ ਅਤੇ ਦੇਵਦਾਸ ਨੇ ਪਿਤਾ ਦੀ ਚਿਖਾ ਨੂੰ ਅਗਨੀ ਦਿੱਤੀ। ਅੱਜ ਮਹਾਤਮਾ ਗਾਂਧੀ ਦੀ 69ਵੀਂ ਬਰਸੀ ਹੈ, ਇਸ ਦਿਨ ਰਾਜਘਾਟ ਸਥਿਤ ਮਹਾਤਮਾ ਗਾਂਧੀ ਦੀ ਸਮਾਧੀ 'ਤੇ ਸ਼ਰਧਾਂਜਲੀ ਭੇਂਟ ਕੀਤੀ ਜਾਂਦੀ ਹੈ।

ਨੱਥੂ ਰਾਮ ਗੋਂਡਸੇ ਨੇ ਭੱਜਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਸੀ ਬਲਕਿ ਆਤਮ ਸਮਰਪਣ ਕਰ ਦਿੱਤਾ ਸੀ। ਨੱਥੂ ਰਾਮ ਗੋਂਡਸੇ ਨੂੰ ਗ੍ਰਿਫਤਾਰ ਕਰਕੇ ਉਸਤੇ ਕਤਲ ਦਾ ਮੁਕੱਦਮਾ ਚਲਾਇਆ ਗਿਆ। 31 ਜਨਵਰੀ ਨੂੰ ਮਹਾਤਮਾ ਗਾਂਧੀ ਦੀ ਮ੍ਰਿਤਕ ਦੇਹ ਨੂੰ ਬਿਰਲਾ ਹਾਊਸ ਤੋਂ ਜਨਪਥ, ਕਨਾਟ ਪਲੇਸ. ਆਈਟੀਓ ਹੁੰਦੇ ਹੋਏ ਰਾਜਘਾਟ ਲਿਜਾਇਆ ਗਿਆ।