ਪਾਕਿਸਤਾਨੀ ਗਧਿਆਂ 'ਤੇ ਚੀਨ ਦੀ ਅੱਖ

ਰਿਪੋਰਟ ਅਨੁਸਾਰ ਇਸ ਮਹੀਨੇ ਚੀਨ ਵਿੱਚ ਜੋ ਦੋ ਦਿਨਾਂ ਦਾ ਰੋਡ ਸ਼ੋਅ ਹੋਵੇਗਾ, ਇਸ ਵਿੱਚ ਗਧਿਆਂ ਬਾਰੇ ਪ੍ਰਸਤਾਵ ਨੂੰ ਚੀਨ ਨਿਵੇਸ਼ਕਾਂ ਦੇ ਸਾਹਮਣੇ ਰੱਖਿਆ ਜਾਵੇਗਾ। ਪ੍ਰਸਤਾਵ ਅਨੁਸਾਰ ਇਸ ਨਾਲ ਪਾਕਿਸਤਾਨ ਵਿੱਚ ਗਧਿਆਂ ਦੀ ਨਸਲ ਵਿੱਚ ਸੁਧਾਰ ਆਵੇਗਾ।

ਯਾਦ ਰਹੇ ਕਿ ਖੈਬਰ-ਪਖਤੂਨਖਵਾ ਇਲਾਕੇ ਵਿੱਚ 46 ਅਰਬ ਡਾਲਰ ਦਾ ਚੀਨ-ਪਾਕਿਸਤਾਨ ਆਰਥਿਕ ਕੋਰੀਡੋਰ ਬਣ ਰਿਹਾ ਹੈ। ਇਸ ਵਿੱਚ ਚੀਨ ਕਾਫ਼ੀ ਪੈਸਾ ਨਿਵੇਸ਼ ਕਰ ਰਿਹਾ ਹੈ।

ਪਾਕਿਸਤਾਨ ਅਖ਼ਬਾਰ ‘ਐਕਸਪ੍ਰੈੱਸ ਟ੍ਰਿਬਿਊਨ’ ਅਨੁਸਾਰ ਇੱਕ ਅਰਬ ਰੁਪਏ ਦਾ ਇਹ ਨਿਵੇਸ਼ ਖੈਬਰ-ਪਖਤੂਨਖਵਾ ਇਲਾਕੇ ਵਿੱਚ ਚੀਨ ਦੇ ਨਿਵੇਸ਼ ਨੂੰ ਵਧਾਉਣ ਲਈ ਕੀਤੇ ਜਾਣ ਵਾਲੇ ਉਪਰਾਲਿਆਂ ਦਾ ਇੱਕ ਹਿੱਸਾ ਹੈ।

ਚੀਨ ਵਿੱਚ ਗਧਿਆਂ ਦੀ ਖੱਲ ਦਾ ਇਸਤੇਮਾਲ ਆਮ ਚੀਜ਼ਾਂ ਤੋਂ ਇਲਾਵਾ ਦਵਾਈਆਂ ਬਣਾਉਣ ਵਿੱਚ ਵੀ ਇਸਤੇਮਾਲ ਕੀਤਾ ਜਾਂਦਾ ਹੈ।

ਪਾਕਿਸਤਾਨ ਦੇ ਅਧਿਕਾਰਤ ਦਸਤਾਵੇਜ਼ਾਂ ਅਨੁਸਾਰ ਇਸ ਸੂਬੇ ਵਿੱਚ ਗਧਿਆਂ ਦੀ ਤਾਦਾਦ ਵਧਾਉਣ ਦੀ ਪਹਿਲ ਇਸ ਲਈ ਕੀਤੀ ਗਈ ਹੈ ਕਿਉਂਕਿ ਚੀਨ ਵਿੱਚ ਇਨ੍ਹਾਂ ਦੀ ਖੱਲ ਕਾਫ਼ੀ ਉਪਯੋਗੀ ਹੈ।

ਪਾਕਿਸਤਾਨ ਵਿੱਚ ਗਧਿਆਂ ਦੀਆਂ ਕੀਮਤਾਂ ਹੁਣ ਵਧਣ ਵਾਲੀਆਂ ਹਨ। ਇਸ ਦਾ ਕਾਰਨ ਇੱਥੋਂ ਦੇ ਗਧਿਆਂ ਦੀ ਚੀਨ ਵਿੱਚ ਭਾਰੀ ਮੰਗ ਹੈ। ਚੀਨ ਦੀ ਪੂਰਤੀ ਕਰਨ ਲਈ ‘ਪਾਕਿਸਤਾਨ ਗਧਾ ਵਿਕਾਸ ਪ੍ਰੋਗਰਾਮ’ ਵਿਭਾਗ ਬਣਾਇਆ ਗਿਆ ਹੈ।

ਇਸ ਵਿੱਚ ਇੱਕ ਅਰਬ ਰੁਪਏ ਦਾ ਨਿਵੇਸ਼ ਕੀਤਾ ਜਾਵੇਗਾ। ਪੀਟੀਆਈ ਅਨੁਸਾਰ ਇਹ ਸਭ ਕੁਝ ਖੈਬਰ-ਪਖਤੂਨਖਵਾ ਵਿੱਚ ਚੀਨ ਦੇ ਨਿਵੇਸ਼ਕਾਂ ਨੂੰ ਅਕ੍ਰਿਸ਼ਤ ਕਰਨ ਲਈ ਕੀਤਾ ਜਾ ਰਿਹਾ ਹੈ।