ਅੱਜ ਤੋਂ ਪਹਿਲਾਂ ਕਦੇ ਇੰਝ ਨਹੀਂ ਸਜਿਆ ਪਟਨਾ ਸ਼ਹਿਰ

ਸ਼ਤਾਬਦੀ ਸਮਾਗਮਾਂ ਦੇ ਮੱਦੇਨਜ਼ਰ ਤਖਤ ਸ੍ਰੀ ਹਰਿੰਮਦਰ ਜੀ ਦੀ ਇਮਾਰਤ ਦਾ ਕਾਫੀ ਵਿਸਥਾਰ ਕੀਤਾ ਗਿਆ ਹੈ, ਤਖਤ ਸਾਹਿਬ ਦੀ ਬਾਹਰੀ ਦਿੱਖ ਨੂੰ ਸੰਵਾਰਨਾ, ਯਾਤਰੀ ਨਿਵਾਸਾਂ ਦਾ ਆਧੁਨਿਕੀਕਰਨ, ਨਵੇਂ ਨਿਵਾਸ ਘਰਾਂ ਦਾ ਨਿਰਮਾਣ, ਗੁਰੂ ਸਾਹਿਬ ਨਾਲ ਸਬੰਧਿਤ ਹਰ ਗੁਰੂ ਘਰ ਦੀ ਇਮਾਰਤ ਦੀ ਲੋੜੀਂਦੀ ਮੁਰੰਮਤ ਕੀਤੀ ਗਈ ਹੈ।

ਸ਼ਤਾਬਦੀ ਸਮਾਗਮਾਂ ਮੌਕੇ ਪਟਨਾ ਸਾਹਿਬ ਵਿਖੇ ਸੁਸ਼ੋਭਿਤ ਤਖਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਪਹੁੰਚਣ ਵਾਲੀ ਸੰਗਤ ਦੇ ਹਰ ਸੁਯੋਗ ਪ੍ਰਬੰਧ ਲਈ ਬਿਹਾਰ ਸਰਕਾਰ ਨੇ ਦਿਲ ਖੋਲ ਕੇ ਖਰਚਾ ਕੀਤਾ ਹੈ।

ਪਟਨਾ ਸ਼ਹਿਰ ਦੀ ਗੱਲ ਕਰ ਲਈਏ ਤਾਂ ਪੂਰੇ ਸ਼ਹਿਰ ਦੀਆਂ ਸੜਕਾਂ ਦੀ ਮੁਰੰਮਤ, ਸ਼ਹਿਰ ਦੇ ਅੰਦਰ ਸਿੱਖੀ ਸੱਭਿਆਚਾਰ ਦੀ ਝਲਕ ਪੇਸ਼ ਕਰਦੀ ਸਜਾਵਟ, ਬਜ਼ਾਰਾਂ ਦੀ ਸਜਾਵਟ ਆਦਿ ਬਿਹਾਰ ਸਰਕਾਰ ਦੇ ਨਾਲ ਹਰ ਨਿਵਾਸੀ ਨੇ ਪੂਰੇ ਮਨ ਨਾਲ ਕੀਤੀ ਹੈ।

ਪਟਨਾ ਸਾਹਿਬ ਸ਼ਹਿਰਵਾਸੀਆਂ ਮੁਤਾਬਕ ਉਨਾਂ ਨੇ ਅੱਜ ਤੋਂ ਪਹਿਲਾਂ ਕਦੇ ਵੀ ਉਹਨਾਂ ਨੇ ਪਟਨੇ ਨੂੰ ਇਸ ਕਦਰ ਸਜਿਆ ਨਹੀਂ ਦੇਖਿਆ। ਪਟਨਾ ਸ਼ਹਿਰ ਦੇ ਬਜ਼ਾਰਾਂ ਦੀ ਰੌਣਕ ਅਤੇ ਸ਼ਹਿਰ ਦੀਆਂ ਹੋਰ ਥਾਵਾਂ ਦੇ ਤੁਸੀਂ ਵੀ ਦਰਸ਼ਨ ਕਰ ਸਕਦੇ ਹੋ।