ਕਾਲਾ ਜਾਦੂ ਕਰਨ ਵਾਲੇ ਚੌਥੀ ਪਾਸ ਆਸਾਰਾਮ ਨੇ ਕਿੰਝ ਖੜ੍ਹੀ ਕੀਤੀ 10,000 ਕਰੋੜ ਦੀ ਸਲਤਨਤ

ਇਹੋ ਉਹ ਗੁਰੂ ਸਨ ਜਿਨ੍ਹਾਂ ਨੇ 1964 ਵਿੱਚ ਉਸ ਨੂੰ ਆਸਾਰਾਮ ਦਾ ਨਾਂ ਦਿੱਤਾ। ਇਸ ਤੋਂ ਬਾਅਦ ਆਸਾਰਾਮ ਅਹਿਮਦਾਬਾਦ ਆਇਆ ਤੇ ਉਸ ਨੇ ਮੋਤੇਰਾ ਇਲਾਕੇ ਨੇੜੇ ਸਾਬਰਮਤੀ ਦੇ ਕਿਨਾਰੇ ਤਪੱਸਿਆ ਸ਼ੁਰੂ ਕਰ ਦਿੱਤੀ। ਅਧਿਆਤਮਕ ਗੁਰੂ ਦੇ ਰੂਪ ਵਿੱਚ ਉਸ ਦਾ ਸਫ਼ਰ 1972 ਵਿੱਚ ਸ਼ੁਰੂ ਹੋਇਆ ਤੇ ਉਸ ਨੇ ਨਦੀ ਦੇ ਕੰਢੇ ਮੋਕਸ਼ ਕੁਟੀਰ ਸਥਾਪਤ ਕੀਤੀ। ਸਾਲ-ਦਰ-ਸਾਲ ਸੰਤ ਆਸਾਰਾਮ ਬਾਪੂ ਦੀ ਪ੍ਰਸਿੱਧੀ ਹੁੰਦੀ ਗਈ ਤੇ ਉਸ ਦੀ ਛੋਟੀ ਜਿਹੀ ਝੌਂਪੜੀ ਆਸ਼ਰਮ ਵਿੱਚ ਤਬਦੀਲ ਹੋ ਗਈ। ਸਿਰਫ਼ ਚਾਰ ਦਹਾਕਿਆਂ ਵਿੱਚ ਉਸ ਨੇ ਦੇਸ਼ ਤੇ ਵਿਦੇਸ਼ ਵਿੱਚ ਤਕਰੀਬਨ 400 ਆਸ਼ਰਮ ਖੋਲ੍ਹ ਲਏ। ਉਸ 'ਤੇ ਸੂਰਤ ਤੇ ਅਹਿਮਦਾਬਾਦ ਵਿੱਚ ਆਪਣੇ ਆਸ਼ਰਮਾਂ ਲਈ ਜ਼ਮੀਨਾਂ ਹੜੱਪਣ ਦਾ ਵੀ ਇਲਜ਼ਾਮ ਹੈ।

1947 ਵਿੱਚ ਦੇਸ਼ ਦੀ ਵੰਡ ਤੋਂ ਬਾਅਦ ਆਸੁਮਲ ਆਪਣੇ ਮਾਂ-ਪਿਓ ਨਾਲ ਅਹਿਮਦਾਬਾਦ ਆ ਗਿਆ ਤੇ ਉਹ ਮਣੀਨਗਰ ਇਲਾਕੇ ਵਿੱਚ ਇੱਕ ਸਕੂਲ ਵਿੱਚ ਸਿਰਫ਼ ਚੌਥੀ ਜਮਾਤ ਤਕ ਪੜ੍ਹਿਆ। ਡੌਕਿਊਮੈਂਟਰੀ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜਵਾਨੀ ਵਿੱਚ ਕੁਝ ਕੁ ਨੌਕਰੀਆਂ ਤੋਂ ਬਾਅਦ ਆਸੁਮਲ ਅਧਿਆਤਮਕ ਖੋਜ ਲਈ ਹਿਮਾਲਿਆ ਵੱਲ ਨਿਕਲ ਪਿਆ ਤੇ ਉੱਥੇ ਆਪਣੇ ਗੁਰੂ ਲੀਲਾ ਸ਼ਾਹ ਬਾਪੂ ਨੂੰ ਮਿਲਿਆ।