ਪੰਜਾਬੀਆਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੀ ਗੱਡੀ ਦਾ ਆਇਆ ਨਵਾਂ ਰੂਪ

ਨਵੀਂ ਡਸਟਰ ਦਾ ਡਿਜ਼ੀਟਲ ਕਲਾਈਮੇਟ ਕੰਟ੍ਰੋਲ, ਸਕ੍ਰੀਨ ਤੇ ਰੋਟਰੀ ਡਾਇਲ ਨਾਲ ਦਿੱਤਾ ਗਿਆ ਹੈ। ਆਰਾਮ ਨੂੰ ਧਿਆਨ ਵਿੱਚ ਰੱਖਦਿਆਂ ਤਿੰਨ ਗੋਲਾਕਾਰ ਏ.ਸੀ. ਵੈਂਟਸ ਵੀ ਦਿੱਤੇ ਗਏ ਹਨ। ਇੱਥੇ ਮੌਜੂਦ ਬਟਨਾਂ ਦੀ ਸ਼ਕਲ ਹਵਾਈ ਜਹਾਜ਼ ਤੋਂ ਪ੍ਰੇਰਿਤ ਹੈ। ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਇਸ ਦੀਆਂ ਸੀਟਾਂ ਪਹਿਲਾਂ ਨਾਲੋਂ ਜ਼ਿਆਦਾ ਆਰਾਮਦਾਇਕ ਹਨ।

ਪੁਰਾਣੇ ਮਾਡਲ ਦੀ ਤੁਲਨਾ ਵਿੱਚ ਨਵੀਂ ਡਸਟਰ ਵਿੱਚ ਇਨਫੋਟੇਨਮੈਂਟ ਸਿਸਟਨ ਨੂੰ ਪਹਿਲਾਂ ਥੋੜ੍ਹਾ ਜਿਹਾ ਉੱਪਰ ਵੱਲ ਚੁੱਕਿਆ ਗਿਆ ਹੈ। ਇਹ ਗੱਲ ਹਾਲੇ ਸਾਫ ਨਹੀਂ ਕਿ ਕੰਪਨੀ ਆਪਣੀ ਇਸ ਨਵੀਂ ਪੇਸ਼ਕਸ਼ ਵਿੱਚ ਨੈਵੀਗੇਸ਼ਨ ਸਿਸਟਮ ਤੇ ਸਮਾਰਟਫੋਨ ਕੁਨੈਕਟੀਵਿਟੀ ਦਿੰਦੀ ਹੈ ਕਿ ਨਹੀਂ।

ਡੈਸ਼ਬੋਰਡ ਦੀ ਖਾਸੀਅਤ ਇਹ ਹੈ ਕਿ ਇਸ ਦਾ ਸੈਂਟਰਲ ਕੰਸੋਲ ਦਾ ਝੁਕਾਅ ਚਾਲਕ ਵੱਲ ਰੱਖਿਆ ਗਿਆ ਹੈ। ਇਸ ਦਾ ਸਟੀਅਰਿੰਗ ਵ੍ਹੀਲ ਵੀ ਨਵਾਂ ਹੈ। ਇੰਸਟਰੂਮੈਂਟ ਕਲੱਸਟਰ ਦਾ ਡਿਜ਼ਾਈਨ ਸਾਫ ਸੁਥਰਾ ਦੇ ਚੰਗੀ ਬਣਤਰ ਵਿੱਚ ਹੈ।

ਆਓ ਹੁਣ ਦੱਸਦੇ ਹਾਂ ਕੈਬਿਨ ਦੀਆਂ ਖੂਬੀਆਂ ਬਾਰੇ। ਨਵੀਂ ਡਸਟਰ ਦੇ ਡੈਸ਼ਬੋਰਡ ਵਿੱਚ ਕਾਫੀ ਕੁਝ ਨਵਾਂ ਹੈ। ਪੁਰਾਣੀ ਦੇ ਮੁਕਾਬਲੇ ਇਹ ਕਾਫੀ ਮਾਡਰਨ ਵੀ ਹੈ। ਕੰਪਨੀ ਨੇ ਇਸ ਵਿੱਚ ਚੰਗੀ ਗੁਣਵੱਤਾ ਵਾਲੇ ਮਟੀਰੀਅਲ ਦੀ ਵਰਤੋਂ ਕੀਤੀ ਹੋਈ ਹੈ।

ਸਾਈਡ ਵਾਲੇ ਪਾਸੇ ਚੌੜੇ ਵ੍ਹੀਲਆਰਚ, 17 ਇੰਚ ਵਾਲੇ ਨਵੇਂ ਅਲਾਏ ਵ੍ਹੀਲ, ਨਵੀਂ ਐਲੂਮੀਨੀਅਨ ਰੂਫ ਬਾਰ, ਬਲੈਕ ਵਿੰਗ ਆਰਚ ਤੇ ਕਰਵ ਲਾਈਨਜ਼ ਦਿੱਤੀਆਂ ਗਈਆਂ ਹਨ। ਪਿਛਲੇ ਪਾਸੇ ਚੌੜੀ ਸਕਿੱਡ ਪਲੇਟ ਦੇ ਨਾਲ-ਨਾਲ ਕ੍ਰੋਮ ਫਿਨੀਸ਼ਿੰਗ ਤੇ ਚਾਰ ਪੱਟੀਆਂ ਵਾਲੇ ਟੇਲ ਲੈਂਪਸ ਦਿੱਤੇ ਗਏ ਹਨ।

ਨਵੀਂ ਡਸਟਰ ਦਾ ਡਿਜ਼ਾਇਨ ਅਸਲ ਵਿੱਚ ਪੂਰੀ ਤਰ੍ਹਾਂ ਨਵਾਂ ਹੈ। ਅੱਗੇ ਕ੍ਰੋਮ ਗ੍ਰਿੱਲ, ਥ੍ਰੀ-ਬੈਰਲ ਹੈਡਲੈਂਪਸ, ਡੇਅ ਟਾਈਮ ਰਨਿੰਗ ਲਾਇਟਸ, ਬੋਨਟ 'ਤੇ ਸਪੋਰਟੀ ਕਰਵ ਲਾਈਨਾਂ ਤੇ ਵੱਡੀ ਸਕਿੱਡ ਪਲੇਟ ਦਿੱਤੀ ਗਈ ਹੈ।

ਰੈਨੋ ਦੀ ਅਗਵਾਈ ਵਾਲੀ ਰੋਮਾਨਿਆਈ ਕੰਪਨੀ ਡਾਸਿਆ ਨੇ ਜਰਮਨੀ ਵਿੱਚ ਕਰਵਾਏ ਗਏ ਫ੍ਰੈਂਕਫਰਟ ਮੋਟਰ ਸ਼ੋਅ-2017 ਦੌਰਾਨ ਨਵੀਂ ਡਸਟਰ ਦੀ ਘੁੰਡ ਚੁਕਾਈ ਕੀਤੀ ਹੈ।