ਪੜਚੋਲ ਕਰੋ

ਵੱਡੀ ਜਿੱਤ, ਰਾਤ ਨੂੰ ਕਾਰ ਲੈ ਕੇ ਸੜਕਾਂ 'ਤੇ ਨਿਕਲੀਆਂ ਸਾਊਦੀ ਅੌਰਤਾਂ

Written By : ਏਬੀਪੀ ਸਾਂਝਾ | Updated at : 28 Sep 2017 12:10 PM (IST)

1/15

ਇਨ੍ਹਾਂ ਦੀਆਂ ਕਾਰ ਚਲਾਉਂਦਿਆਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ ਹਾਲਾਂਕਿ ਇਹ ਕਾਨੂੰਨ ਅਗਲੇ ਸਾਲ ਜੂਨ ਤਕ ਲਾਗੂ ਹੋਵੇਗਾ ਪ੍ਰੰਤੂ ਔਰਤਾਂ ਖ਼ੁਸ਼ੀ ਵਿਚ ਆਪਣੇ ਨੂੰ ਰੋਕ ਨਹੀਂ ਸਕੀਆਂ।

2/15

3/15

ਸਾਊਦੀ ਅਰਬ ਦੀਆਂ ਔਰਤਾਂ ਲਈ ਬੁੱਧਵਾਰ ਦੀ ਸਵੇਰ ਖ਼ੁਸ਼ੀਆਂ ਦੀ ਸੌਗਾਤ ਲੈ ਕੇ ਆਈ। ਸਾਊਦੀ ਕਿੰਗ ਨੇ ਮੰਗਲਵਾਰ ਸ਼ਾਮ ਜਿਵੇਂ ਹੀ ਔਰਤਾਂ ਦੇ ਵੀ ਗੱਡੀ ਚਲਾਉਣ ਸਬੰਧੀ ਆਦੇਸ਼ 'ਤੇ ਦਸਤਖਤ ਕੀਤੇ, ਪੂਰੇ ਦੇਸ਼ ਵਿਚ ਜਸ਼ਨ ਦਾ ਮਾਹੌਲ ਬਣ ਗਿਆ। ਕੁਝ ਔਰਤਾਂ ਤਾਂ ਰਾਤ ਨੂੰ ਹੀ ਕਾਰ ਲੈ ਕੇ ਸੜਕਾਂ 'ਤੇ ਨਿਕਲ ਗਈਆਂ।

4/15

5/15

ਸਾਊਦੀ ਅਰਬ ਵਿਚ ਹੁਣ ਤਕ ਆਦਮੀਆਂ ਨੂੰ ਹੀ ਡਰਾਈਵਿੰਗ ਲਾਇਸੈਂਸ ਜਾਰੀ ਕੀਤਾ ਜਾਂਦਾ ਸੀ। ਸੋਸ਼ਲ ਮੀਡੀਆ 'ਤੇ 'ਆਈ ਐੱਮ ਮਾਈ ਔਨ ਗਾਰਜੀਅਨ' ਅਤੇ 'ਸਾਊਦੀ ਵੂਮੇਨ ਕੇਨ ਡ੍ਰਾਈਵ' ਹੈਸ਼ਟੈਗ ਤੁਰੰਤ ਛਾ ਗਿਆ। ਸਾਊਦੀ ਸ਼ੂਰਾ ਕੌਂਸਲ ਮੈਂਬਰ ਸਤਿਫਾਹ ਅਲਸ਼ਾਲਾਨ ਨੇ ਟਵੀਟ ਕਰ ਕੇ ਕਿਹਾ 'ਇਕ ਸ਼ਾਨਦਾਰ ਦਿਨ। ਮੈਂ ਆਪਣੇ ਹੰਝੂ ਨਹੀਂ ਰੋਕ ਪਾਈ। ਮੇਰੇ ਦੇਸ਼ ਦੀਆਂ ਔਰਤਾਂ ਨੂੰ ਵਧਾਈ।

6/15

ਸਾਊਦੀ ਅਰਬ ਦੇ ਧਾਰਮਿਕ ਪ੍ਰਤੀਨਿਧੀ ਮੰਨਦੇ ਰਹੇ ਸਨ ਕਿ ਕਾਰ ਚਲਾਉਣ ਵਾਲੀਆਂ ਔਰਤਾਂ ਸਮਾਜਿਕ ਮੁੱਲਾਂ ਦਾ ਉਲੰਘਣ ਕਰਦੀਆਂ ਹਨ। ਦੁਨੀਆ ਵਿਚ ਸਾਊਦੀ ਅਰਬ ਹੀ ਇਕ ਅਜਿਹਾ ਦੇਸ਼ ਹੈ ਜਿਥੇ ਔਰਤਾਂ ਨੂੰ ਕਾਰ ਚਲਾਉਣ ਦੀ ਇਜਾਜ਼ਤ ਨਹੀਂ ਸੀ।

7/15

ਸਾਊਦੀ ਅਰਬ ਦੀ ਗਿਣਤੀ ਕੱਟੜਪੰਥੀ ਦੇਸ਼ ਦੇ ਤੌਰ 'ਤੇ ਹੁੰਦੀ ਰਹੀ ਹੈ। ਇਥੇ ਔਰਤਾਂ ਲਈ ਕਾਫ਼ੀ ਪਾਬੰਦੀਆਂ ਹਨ। ਔਰਤਾਂ ਲਈ ਪਰਿਵਾਰ ਦੇ ਮਰਦ ਦਾ ਨਾਲ ਹੋਣਾ ਜ਼ਰੂਰੀ ਹੈ। ਔਰਤਾਂ ਨੂੰ ਸਿੱਖਿਆ, ਨਿਕਾਹ, ਨੌਕਰੀ ਤੋਂ ਲੈ ਕੇ ਇਲਾਜ ਕਰਾਉਣ ਤਕ ਵਿਚ ਮਰਦ ਦੀ ਇਜਾਜ਼ਤ ਜ਼ਰੂਰੀ ਹੁੰਦੀ ਹੈ।

8/15

ਰਿਆਧ : ਸਾਊਦੀ ਅਰਬ ਵਿਚ ਆਖ਼ਿਰਕਾਰ ਔਰਤਾਂ ਦਾ ਸੰਘਰਸ਼ ਰੰਗ ਲਿਆਇਆ। ਇਥੇ ਹੁਣ ਔਰਤਾਂ ਕਾਰ ਚਲਾ ਸਕਣਗੀਆਂ। ਇਸ ਸਬੰਧ ਵਿਚ ਸਾਊਦੀ ਅਰਬ ਦੇ ਕਿੰਗ ਸਲਮਾਨ ਨੇ ਆਦੇਸ਼ ਜਾਰੀ ਕਰ ਦਿੱਤਾ ਹੈ। ਸਾਊਦੀ ਅਰਬ ਦੀਆਂ ਰੂੜ੍ਹੀਵਾਦੀ ਮਾਨਤਾਵਾਂ ਤਹਿਤ ਔਰਤਾਂ ਦੇ ਕਾਰ ਚਲਾਉਣ 'ਤੇ ਰੋਕ ਸੀ।

9/15

ਹੁਣ ਸਾਊਦੀ ਅਰਬ 'ਵਿਜ਼ਨ 2030' ਤਹਿਤ ਪੁਰਾਣੇ ਨਿਯਮ ਤੇ ਕਾਨੂੰਨਾਂ ਨੂੰ ਬਦਲਣ ਵਿਚ ਲੱਗਾ ਹੋਇਆ ਹੈ। ਤਿੰਨ ਦਿਨ ਪਹਿਲਾਂ ਹੀ ਸਾਊਦੀ ਅਰਬ ਨੇ ਆਪਣੇ ਸਥਾਪਨਾ ਦਿਵਸ 'ਤੇ ਪਹਿਲੀ ਵਾਰ ਔਰਤਾਂ ਨੂੰ ਸਟੇਡੀਅਮ 'ਚ ਹੋ ਰਹੇ ਸੰਗੀਤ ਪ੍ਰੋਗਰਾਮ ਵਿਚ ਦਾਖ਼ਲ ਹੋਣ ਦੀ ਇਜਾਜ਼ਤ ਦਿੱਤੀ ਸੀ।

10/15

ਸਾਲ 2011 ਦੇ 'ਵੂਮੈਨ2ਡ੍ਰਾਈਵ' ਅੰਦੋਲਨ ਦੀ ਅਗਵਾਈ ਕਰਨ ਵਾਲੀ ਕਾਰਕੁੰਨ ਮਨਾਲ ਅਲ ਸ਼ਰੀਫ਼ ਨੇ ਟਵੀਟ ਕੀਤਾ 'ਅੱਜ ਔਰਤਾਂ ਨੂੰ ਗੱਡੀ ਚਲਾਉਣ ਦੀ ਇਜਾਜ਼ਤ ਦੇਣ ਵਾਲਾ ਧਰਤੀ ਦਾ ਆਖਰੀ ਦੇਸ਼, ਅਸੀਂ ਕਰ ਵਿਖਾਇਆ।' ਸਾਲ 2014 ਵਿਚ ਸਾਊਦੀ ਨਿਯਮਾਂ ਨੂੰ ਤੋੜਨ ਵਿਚ 73 ਦਿਨਾਂ ਦੇ ਕੈਦ ਦੀ ਸਜ਼ਾ ਕੱਟਣ ਵਾਲੀ ਅੰਦੋਲਨਕਾਰੀ ਲੁਈਜੇਨ ਅਲ-ਹੈਥਲਾਲ ਨੇ 'ਥੈਂਕ ਗਾਡ' ਕਹਿ ਕੇ ਪ੍ਰਸੰਨਤਾ ਪ੍ਰਗਟਾਈ।

11/15

12/15

13/15

ਔਰਤਾਂ ਦੇ ਅਧਿਕਾਰਾਂ ਲਈ ਸੰਘਰਸ਼ ਕਰਨ ਵਾਲੀ ਨਸੀਫ ਨੇ ਟਵੀਟ ਕੀਤਾ, 'ਬਹੁਤ-ਬਹੁਤ ਰੋਮਾਂਚਿਤ, ਖ਼ੁਸ਼ੀ ਨਾਲ ਉੱਛਲ ਤੇ ਹੱਸ ਰਹੀ ਹਾਂ।' ਐਮਨੈਸਟੀ ਇੰਟਰਨੈਸ਼ਨਲ ਨੇ ਵੀ ਸਾਊਦੀ ਸ਼ਾਸਨ ਦੇ ਫ਼ੈਸਲੇ ਦਾ ਸਵਾਗਤ ਕੀਤਾ ਹੈ। ਐਮਨੈਸਟੀ ਦੇ ਨਿਰਦੇਸ਼ਕ ਫਿਲਿਪ ਲੂਥਰ ਨੇ ਕਿਹਾ, 'ਇਹ ਔਰਤਾਂ ਦੀ ਬਹਾਦਰੀ ਦਾ ਸਬੂਤ ਹੈ ਜੋ ਕਈ ਸਾਲਾਂ ਤੋਂ ਅੰਦੋਲਨ ਚਲਾ ਰਹੀਆਂ ਸਨ। ਇਸ ਨਾਲ ਅਖ਼ੀਰ ਸਾਊਦੀ ਸਰਕਾਰ ਨੂੰ ਝੁਕਣਾ ਪਿਆ ਅਤੇ ਅੌਰਤਾਂ ਨੂੰ ਡਰਾਈਵਿੰਗ ਦੀ ਇਜਾਜ਼ਤ ਦੇਣੀ ਪਈ।

14/15