ਰੁਪਇਆ ਡਿੱਗਣ ਨਾਲ ਇੰਝ ਪਏਗੀ ਜਨਤਾ 'ਤੇ ਮਾਰ

ਰੁਪਏ ਦਾ ਪੱਧਰ ਹੇਠਾਂ ਆਉਣ ਨਾਲ ਸਾਰੇ ਆਯਾਤ ਮਹਿੰਗੇ ਹੋਣਗੇ, ਜਿਵੇਂ ਤੇਲ ਦਾ ਆਯਾਤ, ਸੋਨੇ ਦਾ ਆਯਾਤ ਆਦਿ।

ਡਾਲਰ ਦੇ ਮਹਿੰਗਾ ਹੋਣ ਨਾਲ ਸ਼ੋਅਰ ਬਾਜ਼ਾਰ 'ਚ ਵੀ ਭਾਰੀ ਗਿਰਾਵਟ ਦੇਖੀ ਜਾ ਸਕਦੀ ਹੈ ਕਿਉਂਕਿ ਵਿਦੇਸ਼ੀ ਨਿਵੇਸ਼ਕ ਭਾਰਤ ਤੋਂ ਪੈਸਾ ਕੱਢ ਕੇ ਅਮਰੀਕਾ ਜਿਹੇ ਦੇਸ਼ਾਂ 'ਚ ਪਾ ਸਕਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਡਾਲਰਾਂ 'ਚ ਜ਼ਿਆਦਾ ਕਮਾਈ ਮਿਲ ਸਕਦੀ ਹੈ।

ਰੁਪਏ ਦੀ ਗਿਰਾਵਟ ਨਾਲ ਵਿਦੇਸ਼ਾਂ 'ਚ ਪੜ੍ਹਾਈ ਵੀ ਮਹਿੰਗੀ ਹੋਵੇਗੀ।

ਤੁਹਾਡਾ ਵਿਦੇਸ਼ ਘੁੰਮਣ ਦਾ ਖਰਚਾ ਵੀ ਵਧ ਜਾਵੇਗਾ ਕਿਉਂਕਿ ਵਿਦੇਸ਼ 'ਚ ਸਾਰਾ ਖਰਚਾ ਡਾਲਰ 'ਚ ਹੋਵੇਗਾ ਤੇ ਤਹਾਨੂੰ ਰੁਪਏ 'ਚ ਗਿਰਾਵਟ ਦੇ ਚੱਲਦਿਆਂ ਵਿਦੇਸ਼ ਯਾਤਰਾ ਤੇ ਜਾਣ ਲੱਗਿਆ ਜੇਬ ਤੇ ਜ਼ਿਆਦਾ ਬੋਝ ਸਹਿਣਾ ਪਏਗਾ।

ਰੁਪਏ ਦੇ ਕਮਜ਼ੋਰ ਹੋਣ ਨਾਲ ਕਾਰ, ਕੰਪਿਊਟਰ, ਸਮਾਰਟਫੋਨ ਜਿਹੀਆਂ ਚੀਜ਼ਾਂ ਵੀ ਮਹਿੰਗੀਆਂ ਹੋਣਗੀਆਂ।

ਕੱਚੇ ਤੇਲ ਦਾ ਇੰਪੋਰਟ ਵਧਨ ਨਾਲ ਦੇਸ਼ 'ਚ ਸਰਕਾਰ ਦਾ ਇੰਪੋਰਟ ਦਾ ਖਰਚਾ ਵੀ ਬਹੁਤ ਵਧ ਜਾਵੇਗਾ। ਕਿਉਂਕਿ ਦੇਸ਼ ਦੀ ਜ਼ਰੂਰਤ ਦਾ 80 ਫੀਸਦੀ ਤੇਲ ਆਯਾਤ ਕੀਤਾ ਜਾਂਦਾ ਹੈ। ਇਸ ਦੇ ਚੱਲਦਿਆਂ ਰੁਪਏ ਦੇ ਭਾਅ 'ਚ ਵੀ ਭਾਰੀ ਗਿਰਾਵਟ ਆਵੇਗੀ।

ਰੁਪਏ ਦੀ ਭਾਰੀ ਗਿਰਾਵਟ ਨਾਲ ਮਹਿੰਗਾਈ 'ਚ ਵਾਧਾ ਹੋਵੇਗਾ। ਤੇਲ ਦੇ ਭਾਅ ਵਧਣਗੇ ਤੇ ਨਾਲ ਹੀ ਫਲ ਸਬਜ਼ੀਆਂ ਤੇ ਖਾਣ-ਪੀਣ ਦੀਆਂ ਚੀਜ਼ਾਂ ਵੀ ਮਹਿੰਗੀਆਂ ਹੋਣਗੀਆਂ।

ਰੋਜ਼ਾਨਾ ਜ਼ਿੰਦਗੀ 'ਚ ਕੰਮ ਆਉਣ ਵਾਲਾ ਰੁਪਇਆ ਹੇਠਾਂ ਡਿੱਗ ਕੇ ਪਿਛਲੇ 15 ਦਿਨਾਂ ਦੇ ਹੇਠਲੇ ਪੱਧਰ 'ਤੇ ਆ ਗਿਆ। ਕੱਲ੍ਹ ਸ਼ਾਮ ਰੁਪਇਆ 67.26 ਰੁ. ਪ੍ਰਤੀ ਡਾਲਰ ਤੱਕ ਹੇਠ ਆ ਗਿਆ ਸੀ। ਰੁਪਇਆ 68 ਰੁ. ਪ੍ਰਤੀ ਡਾਲਰ ਦੇ ਕਰੀਬ ਪਹੁੰਚ ਚੁੱਕਾ ਹੈ। ਜੇਕਰ ਰੁਪਏ ਦੀ ਕੀਮਤ ਲਗਾਤਾਰ ਇਸੇ ਤਰ੍ਹਾਂ ਹੇਠਾਂ ਆਉਂਦੀ ਰਹੀ ਤਾਂ ਇਸ ਦਾ ਅਸਰ ਬੁਰਾ ਹੋਣ ਵਾਲਾ ਹੈ।