ਵਿਦਿਆ ਨੂੰ ਦਰਸ਼ਕ ਕਿਉਂ ਸਮਝਦੇ ਬੰਗਾਲਨ?

ਵਿਦਿਆ ਬਾਲਨ ਦਾ ਮੰਨਣਾ ਹੈ ਕਿ ਜਦੋਂ ਉਹ ਕੋਲਕਾਤਾ ਆਉਂਦੀ ਹੈ ਤਾਂ ਉਹ ਆਪਣੇ ਘਰ ਨੂੰ ਕਦੇ ਮਿਸ ਨਹੀਂ ਕਰਦੀ। ਵਿਦਿਆ ਬਾਲਨ ਦੀ ਫਿਲਮ 'ਕਹਾਨੀ 2' ਤੇ 'ਤੀਨ' ਦੀ ਸ਼ੂਟਿੰਗ ਬੰਗਾਲ ਵਿੱਚ ਹੋਈ ਸੀ। ਇੱਥੇ ਲੋਕ ਵਿਦਿਆ ਨੂੰ ਬੰਗਾਲੀ ਸਮਝ ਕੇ ਬੰਗਾਲੀ ਭਾਸ਼ਾ ਵਿੱਚ ਗੱਲ ਕਰਨਾ ਸ਼ੁਰੂ ਕਰ ਦਿੰਦੇ ਹਨ।

'ਪਰਿਨੀਤਾ' ਦੇ ਬਾਅਦ, ਉਹ ਫਿਲਮ 'ਕਹਾਣੀ' ਵਿੱਚ ਗਰਭਵਤੀ ਬੰਗਾਲੀ ਔਰਤ ਦੇ ਰੂਪ ਵਿੱਚ ਦੇਖੀ ਗਈ ਸੀ ਜੋ ਆਪਣੇ ਪਤੀ ਦੀ ਮੌਤ ਦਾ ਬਦਲਾ ਲੈਣ ਲਈ ਲੜਾਈ ਲੜਦੀ ਸੀ।

ਫ਼ਿਲਮਾਂ ਦੀ ਸ਼ੂਟਿੰਗ ਦੌਰਾਨ ਵਿਦਿਆ ਬਾਲਨ ਦਾ ਬੰਗਾਲ ਆਉਣਾ ਜਿਵੇਂ ਦੂਜੇ ਘਰ ਆਉਣਾ ਜਾਪਦਾ ਸੀ।

ਜਦੋਂ ਵਿਦਿਆ ਬਾਲਨ ਨੇ ਪਹਿਲੀ ਵਾਰ ਬਾਲੀਵੁੱਡ ਵਿੱਚ ਕਦਮ ਰੱਖਿਆ, ਉਹ ਬੰਗਾਲੀ ਔਰਤ ਦੀ ਭੂਮਿਕਾ ਵਿੱਚ ਬਹੁਤ ਮਸ਼ਹੂਰ ਹੋ ਗਈ।

ਉਸ ਨੇ 2003 ਵਿੱਚ ਆਪਣੀ ਪਹਿਲੀ ਬਾਲੀਵੁੱਡ ਫਿਲਮ ਪਰਿਨੀਤਾ ਵਿੱਚ ਬੰਗਾਲੀ ਦਾ ਕਿਰਦਾਰ ਅਦਾ ਕੀਤਾ ਸੀ। ਉਹ ਪਿਛਲੇ ਸਾਲ ਫਿਲਮ 'ਤੀਨ' ਵਿੱਚ ਵੀ ਬੰਗਾਲੀ ਔਰਤ ਦੀ ਭੂਮਿਕਾ ਵਿੱਚ ਸੀ।

ਵਿਦਿਆ ਬਾਲਨ ਦੇ ਫੈਨਸ ਸੋਚਦੇ ਹਨ ਕਿ ਉਹ ਬੰਗਾਲ ਦੇ ਰਹਿਣ ਵਾਲੇ ਹਨ। ਵਿਦਿਆ ਦਾ ਕਹਿਣਾ ਹੈ ਕਿ ਉਹ ਅਜਿਹੇ ਦਰਸ਼ਕਾਂ ਨੂੰ ਬਹੁਤ ਪਸੰਦ ਕਰਦੇ ਹਨ ਕਿਉਂਕਿ ਉਨ੍ਹਾਂ ਦੀ ਪਹਿਲੀ ਫਿਲਮ 'ਭਾਲੋ ਥੇਕੋ' ਵੀ ਬੰਗਾਲੀ ਫਿਲਮ ਸੀ।