ਵਟਸਐਪ ਦਾ ਵੱਡਾ ਫੈਸਲਾ, ਫੇਸਬੁੱਕ ਨਾਲ ਜੁੜੇਗਾ

ਗਲੋਬਲ ਮੈਸੇਜਿੰਗ ਸਰਵਿਸ ਵਟਸਐਪ ਨੇ ਦੱਸਿਆ ਹੈ ਕਿ ਜਲਦੀ ਹੀ ਉਹ ਆਪਣੇ ਗਾਹਕਾਂ ਦਾ ਮੋਬਾਈਲ ਨੰਬਰ ਆਪਣੀ ਓਨਰ ਕੰਪਨੀ ਫੇਸਬੁੱਕ ਨਾਲ ਸਾਂਝਾ ਕਰੇਗਾ।

ਇਸ ਦੀ ਮਦਦ ਨਾਲ ਵਟਸਐਪ ਗਾਹਕ ਹੁਣ ਫੇਸਬੁੱਕ ਜ਼ਰੀਏ ਹੋਰ ਵੀ ਜ਼ਿਆਦਾ ਟਾਰਗੇਟ ਇਸ਼ਤਿਹਾਰ ਲੈ ਸਕਣਗੇ। ਇਹ ਇਸ਼ਤਿਹਾਰ ਫੇਸਬੁੱਕ 'ਤੇ ਹੋਣਗੇ। ਇਸ ਜਾਣਕਾਰੀ ਵਿੱਚ ਵਟਸਐਪ ਐਡ ਦੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।

ਇਹ ਕਦਮ ਚੁੱਕਣ ਦੇ ਨਾਲ ਹੀ ਵਟਸਐਪ ਦੀ ਵੱਡੀ ਜਿੰਮੇਵਾਰੀ ਹੋਵੇਗੀ ਕਿ ਉਹ ਦੁਨੀਆ ਭਰ ਵਿੱਚ ਆਪਣੇ 1 ਬਿਲੀਅਨ ਉਪਭੋਗਤਾਵਾਂ ਨੂੰ ਉਨ੍ਹਾਂ ਦੇ ਡਾਟਾ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾ ਸਕੇ।

ਵਟਸਐਪ ਨੇ ਦੱਸਿਆ ਕਿ ਇਸ ਅਦਲਾ-ਬਦਲੀ ਨਾਲ ਫੇਸਬੁੱਕ ਮੈਪਿੰਗ ਦੇ ਜ਼ਰੀਏ ਚੰਗੇ ਫ੍ਰੈਂਡ ਸਜੈਸ਼ਨ ਤੇ ਜਿਆਦਾ ਸਟੀਕ ਇਸ਼ਤਿਹਾਰ ਯੂਜਰਜ਼ ਦੇ ਸਕੇਗਾ।

ਕੰਪਨੀ ਦੇ ਇਸ ਕਦਮ ਤੋਂ ਐਪ ਤੇ ਉਪਭੋਗਤਾਵਾਂ ਦੀ ਡਾਟਾ ਪ੍ਰਾਈਵੇਸੀ ਦੀ ਚਿੰਤਾ ਗਾਹਕਾਂ ਨੂੰ ਰਹੇਗੀ।

ਕੰਪਨੀ ਨੇ ਸਾਫ ਕਿਹਾ ਹੈ ਕਿ ਫੇਸਬੁੱਕ ਨੂੰ ਦਿੱਤਾ ਗਿਆ ਤੁਹਾਡਾ ਨੰਬਰ ਸੁਰੱਖਿਅਤ ਰਹੇਗਾ।

ਇਸ ਸਫਾਈ ਦੇ ਬਾਵਜੂਦ ਵਟਸਐਪ ਯੂਜਰਜ਼ ਨੂੰ ਕੰਪਨੀ ਦੀ ਇਹ ਪਹਿਲ ਚੰਗੀ ਨਹੀਂ ਲੱਗ ਰਹੀ।