ਯੁਵਰਾਜ ਸਿਰ ਨਵੀਂ ਮੁਸੀਬਤ

ਇਹ ਕੇਸ ਗੁਰੂਗ੍ਰਾਮ 'ਚ ਦਰਜ ਕੀਤਾ ਗਿਆ ਹੈ।

ਅਕਾਂਕਸ਼ਾ ਦੀ ਵਕੀਲ ਸਵਾਤੀ ਨੇ ਇਹ ਵੀ ਕਿਹਾ ਕਿ ਜਦੋਂ ਜੋਰਾਵਰ ਤੇ ਉਸ ਦੀ ਮਾਂ ਅਕਾਂਕਸ਼ਾ 'ਤੇ ਬੱਚਾ ਪੈਦਾ ਕਰਨ ਦਾ ਦਬਾਅ ਪਾ ਰਹੇ ਸੀ ਤਾਂ ਉਸ ਦੌਰਾਨ ਯੁਵੀ ਵੀ ਇਸ 'ਚ ਸ਼ਾਮਲ ਸੀ। ਯੁਵਰਾਜ ਨੇ ਵੀ ਅਕਾਂਕਸ਼ਾ ਨੂੰ ਬੱਚਾ ਪੈਦਾ ਕਰਨ ਲਈ ਕਿਹਾ ਸੀ।

ਵਕੀਲ ਸਵਾਤੀ ਨੇ ਯੁਵਰਾਜ ਦੇ ਇਸ ਕੇਸ 'ਚ ਦੋਸ਼ੀ ਹੋਣ ਬਾਰੇ ਕਿਹਾ ਕਿ ਜ਼ਰੂਰੀ ਨਹੀਂ ਕਿ ਘਰੇਲੂ ਹਿੰਸਾ ਦਾ ਮਤਲਬ ਸਿਰਫ ਸ਼ਰੀਰਕ ਹਿੰਸਾ ਹੀ ਹੈ, ਇਸ ਦਾ ਮਤਲਬ ਮਾਨਸਿਕ ਤੇ ਵਿੱਤੀ ਤੌਰ 'ਤੇ ਪ੍ਰੇਸ਼ਾਨ ਕਰਨਾ ਵੀ ਹੈ। ਸਵਾਤੀ ਨੇ ਕਿਹਾ ਕਿ ਯੁਵਰਾਜ ਨੂੰ ਇਸ ਕਾਰਨ ਜਿੰਮੇਵਾਰ ਠਹਿਰਾਇਆ ਗਿਆ ਹੈ ਕਿਉਂਕਿ ਯੁਵਰਾਜ ਉਸ ਦੌਰਾਨ ਮੂਕ ਦਰਸ਼ਕ ਹੀ ਸੀ। ਇਸ ਦੌਰਾਨ ਉਸ ਦੇ ਭਰਾ ਜੋਰਾਵਰ ਤੇ ਉਸ ਦੀ ਮਾਂ ਮੇਰੇ ਕਲਾਇੰਟ ਨਾਲ ਦੁਰਵਿਵਹਾਰ ਕਰ ਰਹੇ ਸੀ।

ਸਵਾਤੀ ਨੇ ਕਿਹਾ, ਅਕਾਂਕਸ਼ਾ ਨੇ ਯੁਵਰਾਜ, ਜੋਰਾਵਰ ਤੇ ਉਨ੍ਹਾਂ ਦੀ ਮਾਂ ਸ਼ਬਨਮ ਸਿੰਘ ਖਿਲਾਫ਼ ਘਰੇਲੂ ਹਿੰਸਾ ਦੇ ਮਾਮਲਾ ਦਰਜ ਕਰਵਾਇਆ ਹੈ।

ਇਸ ਕੇਸ ਦੀ ਪਹਿਲੀ ਸੁਣਵਾਈ 21 ਅਕਤੂਬਰ ਨੂੰ ਰਾਖਵੀਂ ਰੱਖੀ ਗਈ ਹੈ। ਅਕਾਂਕਸ਼ਾ ਨੇ ਹੁਣ ਤੱਕ ਇਸ ਬਾਰੇ ਜਨਤਕ ਤੌਰ 'ਤੇ ਕੁਝ ਨਹੀਂ ਕਿਹਾ ਪਰ ਉਸ ਦੀ ਵਕੀਲ ਸਵਾਤੀ ਸਿੰਘ ਨੇ ਇਸ ਕੇਸ ਦੀ ਪੁਸ਼ਟੀ ਕੀਤੀ ਹੈ।

ਭਾਰਤੀ ਟੀਮ 'ਚੋਂ ਫਿਟਨੈੱਸ ਕਾਰਨ ਬਾਹਰ ਚੱਲ ਰਿਹਾ ਯੁਵਰਾਜ ਸਿੰਘ ਵੱਡੀ ਮੁਸੀਬਤ 'ਚ ਫਸ ਗਿਆ ਹੈ। ਯੁਵੀ 'ਤੇ ਉਸ ਦੀ ਭਾਬੀ ਨੇ ਘਰੇਲੂ ਹਿੰਸਾ ਦਾ ਕੇਸ ਦਰਜ ਕਰਵਾਇਆ ਹੈ। ਆਕਾਂਕਸ਼ਾ ਸ਼ਰਮਾ ਜੋ ਯੁਵਰਾਜ ਦੇ ਛੋਟੇ ਭਰਾ ਜੋਰਾਵਰ ਸਿੰਘ ਦੀ ਪਤਨੀ ਹੈ, ਨੇ ਉਨ੍ਹਾਂ ਦੀ ਮਾਂ ਸ਼ਬਨਮ ਸਿੰਘ 'ਤੇ ਵੀ ਮਾਮਲਾ ਦਰਜ ਕਰਵਾਇਆ ਹੈ।