ਕੋਟਕਪੂਰਾ 'ਚ ਕਸ਼ਮੀਰੀ ਸੇਬਾਂ ਮਚਾਈ ਦਹਿਸ਼ਤ, ਪੁਲਿਸ ਜਾਂਚ 'ਚ ਜੁਟੀ

ਇਸ ਸਬੰਧੀ ਫਲ ਵਿਕਰੇਤਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸ਼ਹਿਰ ਦੇ ਥੋਕ ਫਲ ਵਪਾਰੀ ਤੋਂ 10 ਪੇਟੀਆਂ ਸੇਬ ਖਰੀਦੇ ਸਨ ਜਿਨ੍ਹਾਂ ਵਿੱਚੋਂ ਪੰਜ ਪੇਟੀਆਂ ਜਦ ਖੋਲ੍ਹੀਆਂ ਤਾਂ ਉਨ੍ਹਾਂ ਵਿੱਚੋਂ ਇਹ ਦੋ ਸੇਬ ਨਿਕਲੇ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਸਾਰੇ ਸੇਬ ਕਸ਼ਮੀਰ ਤੋਂ ਆਏ ਹਨ।

ਇਹ ਸਾਰਾ ਮਾਮਲਾ ਪੰਜਾਬ ਪੁਲਿਸ ਦੇ ਅਧਿਕਾਰੀਆਂ ਤੇ ਜਿਲ੍ਹਾ ਪ੍ਰਸ਼ਾਸਨ ਦੇ ਧਿਆਨ ਵਿੱਚ ਲਿਆਂਦਾ ਗਿਆ ਹੈ। ਖਰੀਦਦਾਰ ਨਰੇਸ਼ ਕੁਮਾਰ ਨੇ ਦੱਸਿਆ ਕਿ ਉਸ ਨੇ ਇਹ ਨਾਅਰੇ ਲਿਖੇ ਸੇਬ ਕੋਟਕਪੂਰਾ ਦੇ ਡੀਐਸਪੀ ਤੇ ਐਸਪੀ ਡੀ ਨੂੰ ਸੌਂਪ ਦਿੱਤੇ ਹਨ ਪਰ ਪੁਲਿਸ ਇਸ ਨੂੰ ਹਲਕੇ ਵਿੱਚ ਲੈ ਰਹੀ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾਵੇ ਤੇ ਦੇਸ਼ ਦਾ ਮਾਹੌਲ ਖਰਾਬ ਕਰਨ ਵਾਲਿਆਂ ਖਿਲਾਫ ਸਖ਼ਤ ਕਾਰਵਾਈ ਕੀਤੀ ਜਾਵੇ।

ਸੇਬਾਂ 'ਤੇ ਪਾਕਿਸਤਾਨ ਜ਼ਿੰਦਾਬਾਦ ਤੇ ਹਿੰਦੁਸਤਾਨ ਮੁਰਦਾਬਾਦ ਦੇ ਨਾਅਰੇ ਲਿਖੇ ਹੋਏ ਸਨ। ਇਹੀ ਨਹੀਂ ਇੱਕ ਸੇਬ 'ਤੇ ਮੂਸਾ ਮੂਸਾ ਜਾਕਿਰ ਮੂਸਾ ਵੀ ਅੰਗਰੇਜ਼ੀ ਦੇ ਵੱਡੇ ਸ਼ਬਦਾਂ ਵਿੱਚ ਲਿਖਿਆ ਹੋਇਆ ਸੀ।

ਕੋਟਕਪੂਰਾ: ਮੋਗਾ ਜ਼ਿਲ੍ਹੇ 'ਚ ਹੋਏ ਕੁਰੀਅਰ ਧਮਾਕੇ ਤੇ ਜ਼ਿੰਦਾ ਬੰਬ ਮਿਲਣ ਤੋਂ ਬਾਅਦ ਹੁਣ ਕੋਟਕਪੂਰਾ 'ਚ ਅਜਿਹੇ ਸੇਬ ਮਿਲੇ ਹਨ ਜਿਨ੍ਹਾਂ 'ਤੇ ਪਾਕਿਸਤਾਨ ਜ਼ਿੰਦਾਬਾਦ ਤੇ ਹਿੰਦੁਸਤਾਨ ਮੁਰਦਾਬਾਦ ਦੇ ਨਾਅਰੇ ਲਿਖੇ ਹੋਏ ਹਨ। ਸ਼ਹਿਰ ਵਿੱਚ ਫਰੂਟ ਦੀ ਦੁਕਾਨ ਤੋਂ ਮਿਲੇ ਇਨ੍ਹਾਂ ਸੇਬਾਂ ਕਾਰਨ ਪੂਰੇ ਜ਼ਿਲ੍ਹੇ 'ਚ ਸਹਿਮ ਦਾ ਮਹੌਲ ਹੈ।

ਜ਼ਿਕਰਯੋਗ ਹੈ ਕਿ ਫਰੀਦਕੋਟ ਤੋਂ ਸਿਰਫ 12 ਕਿਲੋਮੀਟਰ ਦੀ ਦੂਰੀ 'ਤੇ ਪੈਂਦੇ ਕੋਟਕਪੂਰਾ ਵਿੱਚ ਅੱਜ ਸਵੇਰੇ ਸ਼ਹਿਰ ਵਾਸੀ ਨਰੇਸ਼ ਕੁਮਾਰ ਨੇ ਫਲਾਂ ਦੀ ਦੁਕਾਨ ਤੋਂ ਸੇਬ ਖਰੀਦੇ। ਜਦ ਉਸ ਨੂੰ ਸੇਬ ਕੁਝ ਅਜੀਬ ਲੱਗੇ ਤਾਂ ਉਸ ਨੇ ਗੌਹ ਨਾਲ ਵੇਖਿਆ ਤਾਂ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਨਿਕਲ ਗਈ।