ਅਸ਼ਵਿਨ ਤੋਂ ਬਗ਼ੈਰ ਹੋਵੇਗਾ ਧਰਮਸ਼ਾਲਾ 'ਚ ਮੁਕਾਬਲਾ

ਧਰਮਸ਼ਾਲਾ ਦੇ ਕ੍ਰਿਕਟ ਸਟੇਡੀਅਮ 'ਚ ਦੇਵਧਰ ਟਰਾਫੀ 2017-18 ਕੱਲ੍ਹ ਸ਼ੁਰੂ ਹੋ ਰਹੀ ਹੈ। ਫਾਈਨਲ ਮੈਚ 8 ਮਾਰਚ ਨੂੰ ਖੇਡਿਆ ਜਾਵੇਗਾ। ਇਹ ਸਾਰੇ ਮੈਚ ਇੱਕ-ਰੋਜ਼ਾ ਮੈਚ ਹੋਣਗੇ। ਇਸ ਟੂਰਨਾਮੈਂਟ ਵਿੱਚ ਫਾਈਨਲ ਸਮੇਤ ਕੁੱਲ 4 ਮੈਚ ਖੇਡੇ ਜਾਣਗੇ। ਇਨ੍ਹਾਂ ਸਾਰੇ ਇਕ ਰੋਜ਼ਾ ਮੈਚਾਂ ਵਿਚ ਭਾਰਤ-ਏ, ਇੰਡੀਆ-ਬੀ ਅਤੇ ਵਿਜੈ ਹਜ਼ਾਰੇ ਟਰਾਫੀ ਜੇਤੂ (ਕਰਨਾਟਕ ਜਾਂ ਸੌਰਾਸ਼ਟਰ) ਵਿਚਾਲੇ ਖੇਡਿਆ ਜਾਵੇਗਾ। ਇਸ ਟੂਰਨਾਮੈਂਟ ਦੇ ਸਾਰੇ ਚਾਰ ਮੈਚ, ਕੱਲ ਤੋਂ ਉਸੇ ਸਟੇਡੀਅਮ ਵਿਚ ਖੇਡੇ ਜਾਣਗੇ। ਇਹ ਸਾਰੇ ਮੈਚ ਹਿਮਾਚਲ ਪ੍ਰਦੇਸ਼ ਦੇ ਧਰਮਸ਼ਾਲਾ ਵਿਚ ਐਚਪੀਸੀਏ ਸਟੇਡੀਅਮ ਵਿੱਚ ਖੇਡੇ ਜਾਣਗੇ। ਟੂਰਨਾਮੈਂਟ ਦਾ ਪਿਛਲੇ ਸਾਲ ਦਾ ਖ਼ਿਤਾਬ ਤਾਮਿਲਨਾਡੂ ਦੀ ਟੀਮ ਨੇ ਜਿੱਤਿਆ ਸੀ। ਕੱਲ੍ਹ ਭਾਰਤ ਏ ਅਤੇ ਭਾਰਤ ਬੀ ਵਿਚਾਲੇ ਮੁਕਾਬਲਾ ਹੋਵੇਗਾ। ਮੈਚ ਦੁਪਹਿਰ 1.30 ਵਜੇ ਖੇਡਿਆ ਜਾਵੇਗਾ। ਭਾਰਤ-ਏ ਟੀਮ ਦੇ ਕਪਤਾਨ ਰਵੀਚੰਦਰਨ ਅਸ਼ਵਿਨ ਦੇ ਪੈਰ 'ਚ ਤਕਲੀਫ ਕਾਰਨ ਦੇਵਧਰ ਟਰਾਫੀ ਨਹੀਂ ਖੇਡ ਰਹੇ ਹਨ।