ਰੋਡੀਜ਼ ਦੇ ਜੱਜ ਬਣੇ ਭੱਜੀ

ਨਵੀਂ ਦਿੱਲੀ - ਟੈਲੀਵਿਜਨ ਸ਼ੋਅ 'ਮਜਾਕ-ਮਜਾਕ ਮੇਂ' ਦੇ ਜੱਜ ਰਹਿ ਚੁੱਕੇ ਦਿੱਗਜ ਭਾਰਤੀ ਸਪਿਨ ਗੇਂਦਬਾਜ਼ ਹਰਭਜਨ ਸਿੰਘ ਇੱਕ ਵਾਰ ਫਿਰ ਛੋਟੇ ਪਰਦੇ 'ਤੇ ਵਾਪਸੀ ਕਰ ਰਹੇ ਹਨ। ਭੱਜੀ ਨੂੰ ਟੀ.ਵੀ. ਰਿਐਲਿਟੀ ਸ਼ੋਅ 'ਰੋਡੀਜ਼' ਦੇ ਅਗਲੇ ਸੀਜ਼ਨ 'ਚ ਜੱਜ ਦੀ ਭੂਮਿਕਾ 'ਚ ਵੇਖਿਆ ਜਾਵੇਗਾ। 

   

 

ਭੱਜੀ 'ਰੋਡੀਜ਼' ਦੇ ਅਗਲੇ ਸੀਜ਼ਨ 'ਰੋਡੀਜ਼ ਰਾਈਜਿੰਗ' 'ਚ ਨੇਹਾ ਧੂਪੀਆ ਨਾਲ ਜੱਜ ਦੀ ਭੂਮਿਕਾ 'ਚ ਨਜਰ ਆਉਣਗੇ। ਆਪਣੇ ਇੱਕ ਬਿਆਨ 'ਚ ਹਰਭਜਨ ਸਿੰਘ ਨੇ ਦੱਸਿਆ 'ਯੁਵਾ ਵਰਗ ਇਸ ਦੇਸ਼ ਦਾ ਭਵਿੱਖ ਹੈ ਅਤੇ ਇਸ ਵਰਗ 'ਚ ਰੋਡੀਜ਼ ਦਾ ਸ਼ੋਅ ਕਾਫੀ ਪ੍ਰਸਿੱਧ ਹੈ। ਇਹ ਸਿਰਫ ਇੱਕ ਸ਼ੋਅ ਨਹੀਂ ਬਲਕਿ ਲੋਕਾਂ ਲਈ ਰੋਮਾਂਚ, ਤਾਕਤ ਅਤੇ ਮਹਿਨਤ ਨੂੰ ਦਰਸ਼ਾਉਣ ਦਾ ਇੱਕ ਜਰੀਆ ਬਣ ਗਿਆ ਹੈ। ਇਸ ਸ਼ੋਅ ਦਾ ਹਿੱਸਾ ਬਣਨ ਲਈ ਇਨ੍ਹਾਂ ਸਭ ਕਾਫੀ ਸੀ।' 

  

 

ਇਸ ਸ਼ੋਅ ਬਾਰੇ ਭੱਜੀ ਨੇ ਕਿਹਾ ਕਿ ਉਨ੍ਹਾਂ ਨੇ ਅਜੇ ਸ਼ੂਟਿੰਗ ਸ਼ੁਰੂ ਨਹੀਂ ਕੀਤੀ ਹੈ ਅਤੇ ਨਾ ਹੀ ਉਨ੍ਹਾਂ ਨੂੰ ਟੀਮ ਵੱਲੋਂ ਇਸ ਬਾਰੇ ਕੋਈ ਜਾਣਕਾਰੀ ਦਿੱਤੀ ਗਈ ਹੈ। 

  

 

ਅਦਾਕਾਰਾ ਨੇਹਾ ਧੂਪੀਆ ਨੇ ਕਿਹਾ ਕਿ ਓਹ ਇਸ ਸ਼ੋਅ 'ਚ ਵਾਪਸੀ ਕਰ ਕਾਫੀ ਖੁਸ਼ ਹਨ। ਉਨ੍ਹਾਂ ਨੇ ਕਿਹਾ ਕਿ ਇੱਕ ਮਹਿਲਾ ਹੋਣ ਨਾਤੇ ਓਹ ਇਸੇ ਕੋਸ਼ਿਸ਼ 'ਚ ਹੋਣਗੇ ਕਿ ਵਧ ਤੋਂ ਵਧ ਲੜਕੀਆਂ ਨੂੰ ਇਸਦਾ ਹਿੱਸਾ ਬਣਨ ਲਈ ਪ੍ਰੇਰਿਤ ਕਰ ਸਕਣ।