India Cricket Team: ਸਾਬਕਾ ਸਲਾਮੀ ਬੱਲੇਬਾਜ਼ ਗੌਤਮ ਗੰਭੀਰ ਦੀ ਭਾਰਤੀ ਪੁਰਸ਼ ਕ੍ਰਿਕਟ ਟੀਮ ਦੇ ਮੁੱਖ ਕੋਚ ਵਜੋਂ ਨਿਯੁਕਤੀ ਲਗਭਗ ਪੱਕੀ ਹੋ ਗਈ ਹੈ। ਮੌਜੂਦਾ ਕੋਚ ਰਾਹੁਲ ਦ੍ਰਾਵਿੜ ਦਾ ਕਰਾਰ ਚੱਲ ਰਹੇ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਖ਼ਤਮ ਹੋ ਜਾਵੇਗਾ। ਅਜਿਹੇ 'ਚ ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ BCCI ਜੂਨ ਦੇ ਆਖ਼ਰੀ ਹਫ਼ਤੇ 'ਚ ਗੰਭੀਰ ਦੀ ਨਿਯੁਕਤੀ ਦਾ ਅਧਿਕਾਰਕ ਐਲਾਨ ਕਰੇਗਾ। 


ਮੀਡੀਆ ਸੂਤਰਾਂ ਦੀ ਮੰਨੀਏ ਤਾਂ ਗੌਤਮ ਗੰਭੀਰ ਆਪਣੀਆਂ ਸ਼ਰਤਾਂ 'ਤੇ ਮੁੱਖ ਕੋਚ ਬਣਨ ਲਈ ਰਾਜ਼ੀ ਹੋ ਗਏ ਹਨ। ਉਨ੍ਹਾਂ ਨੇ ਬੀਸੀਸੀਆਈ ਅੱਗੇ ਕੁਝ ਮੰਗਾਂ ਰੱਖੀਆਂ, ਜਿਨ੍ਹਾਂ ਨੂੰ ਬੋਰਡ ਨੇ ਸਵੀਕਾਰ ਕਰ ਲਿਆ, ਉਸ ਤੋਂ ਬਾਅਦ ਹੀ 2007 ਅਤੇ 2011 ਦੇ ਵਿਸ਼ਵ ਕੱਪ ਚੈਂਪੀਅਨ ਖਿਡਾਰੀ ਨੇ ਸਹਿਮਤੀ ਪ੍ਰਗਟਾਈ ਹੈ।


ਗੌਤਮ ਗੰਭੀਰ ਦੀਆਂ 5 ਸ਼ਰਤਾਂ



  • ਟੀਮ ਇੰਡੀਆ 'ਤੇ ਪੂਰਾ ਕੰਟਰੋਲ ਚਾਹੀਦਾ ਹੈ

  • ਸਹਾਇਤਾ ਕੋਚਿੰਗ ਸਟਾਫ ਦੀ ਚੋਣ ਕਰਨ ਦੀ ਆਜ਼ਾਦੀ

  • CT25 ਸੀਨੀਅਰ ਖਿਡਾਰੀਆਂ ਲਈ ਆਖਰੀ ਮੌਕਾ

  • ਟੈਸਟ ਟੀਮ ਇੰਡੀਆ ਬਿਲਕੁਲ ਵੱਖਰੀ

  • 2027 ਵਿਸ਼ਵ ਕੱਪ ਲਈ ਰੋਡਮੈਪ ਤਿਆਰ 


ਹੁਣ ਜਦੋਂ ਗੌਤਮ ਗੰਭੀਰ ਟੀਮ ਇੰਡੀਆ ਦੇ ਮੁੱਖ ਕੋਚ ਬਣਨ ਜਾ ਰਹੇ ਹਨ ਤਾਂ ਇਹ ਤੈਅ ਹੈ ਕਿ ਟੀਮ 'ਚ ਵੱਡੇ ਬਦਲਾਅ ਹੋਣਗੇ। ਹਮਲਾਵਰ ਰਵੱਈਏ ਵਾਲੇ ਦਿੱਲੀ ਦੇ ਇਸ ਸਾਬਕਾ ਖਿਡਾਰੀ ਦੇ ਆਉਣ ਤੋਂ ਬਾਅਦ ਇਨ੍ਹਾਂ ਚਾਰ ਖਿਡਾਰੀਆਂ ਦੀ ਛੁੱਟੀ ਤੈਅ ਹੋ ਗਈ ਹੈ।


ਵਿਰਾਟ ਕੋਹਲੀ- ਤਿੰਨਾਂ ਫਾਰਮੈਟਾਂ 'ਚ ਕਾਫੀ ਦੌੜਾਂ ਬਣਾਉਣ ਵਾਲੇ ਵਿਰਾਟ ਕੋਹਲੀ ਨੂੰ ਭਾਰਤ ਦੇ ਸਭ ਤੋਂ ਮਹਾਨ ਖਿਡਾਰੀਆਂ 'ਚ ਗਿਣਿਆ ਜਾਂਦਾ ਹੈ। 2008 'ਚ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਵਿਰਾਟ ਨੇ ਭਾਰਤ ਲਈ ਕਈ ਮੈਚ ਜਿੱਤੇ ਹਨ। ਗੌਤਮ ਗੰਭੀਰ ਦਾ ਮੰਨਣਾ ਹੈ ਕਿ ਹੁਣ ਵਿਰਾਟ ਨੂੰ ਸਿਰਫ ਟੈਸਟ ਅਤੇ ਵਨਡੇ ਫਾਰਮੈਟਾਂ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਟੀ-20 'ਚ ਨਵੇਂ ਖਿਡਾਰੀਆਂ ਨੂੰ ਮੌਕਾ ਮਿਲਣ ਦੀ ਲੋੜ ਹੈ।


ਰੋਹਿਤ ਸ਼ਰਮਾ- ਮੌਜੂਦਾ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ 2007 ਵਿੱਚ ਭਾਰਤ ਲਈ ਡੈਬਿਊ ਕੀਤਾ ਸੀ। ਵਿਰਾਟ ਦੀ ਕਪਤਾਨੀ ਛੱਡਣ ਤੋਂ ਬਾਅਦ ਉਨ੍ਹਾਂ ਨੂੰ ਕਪਤਾਨ ਬਣਾਇਆ ਗਿਆ ਸੀ। ਫਿਲਹਾਲ ਉਹ ਤਿੰਨਾਂ ਫਾਰਮੈਟਾਂ 'ਚ ਭਾਰਤ ਦੀ ਅਗਵਾਈ ਕਰ ਰਿਹਾ ਹੈ। ਵੈਸੇ ਵੀ ਪਿਛਲੇ ਕਈ ਸਾਲਾਂ ਤੋਂ ਟੀ-20 ਫਾਰਮੈਟ 'ਚ ਹਿਟਮੈਨ ਦਾ ਪ੍ਰਦਰਸ਼ਨ ਉਮੀਦਾਂ ਮੁਤਾਬਕ ਨਹੀਂ ਰਿਹਾ ਹੈ। ਅਜਿਹੇ 'ਚ ਤੁਸੀਂ ਦੇਖੋਗੇ ਕਿ ਗੰਭੀਰ ਦੇ ਆਉਣ ਨਾਲ ਰੋਹਿਤ ਸ਼ਰਮਾ ਹੁਣ ਤਿੰਨੋਂ ਫਾਰਮੈਟ ਨਹੀਂ ਖੇਡ ਸਕਣਗੇ।


ਰਵਿੰਦਰ ਜਡੇਜਾ- ਪਿਛਲੇ ਕਈ ਸਾਲਾਂ ਤੋਂ ਰਵਿੰਦਰ ਜਡੇਜਾ ਬਿਨਾਂ ਪ੍ਰਦਰਸ਼ਨ ਕੀਤੇ ਵਾਈਟ ਬਾਲ ਫਾਰਮੈਟ 'ਚ ਭਾਰਤੀ ਟੀਮ 'ਚ ਚੁਣੇ ਜਾਂਦੇ ਰਹੇ ਹਨ। 2022 ਟੀ-20 ਵਿਸ਼ਵ ਕੱਪ, 2023 ਵਨਡੇ ਵਿਸ਼ਵ ਕੱਪ, ਮੌਜੂਦਾ ਟੀ-20 ਵਿਸ਼ਵ ਕੱਪ, ਜੱਡੂ ਨੇ ਪਿਛਲੇ ਹਰ ਵੱਡੇ ਟੂਰਨਾਮੈਂਟ 'ਚ ਨਿਰਾਸ਼ ਕੀਤਾ ਹੈ। ਇਹ ਖੱਬੇ ਹੱਥ ਦਾ ਸਪਿਨ ਆਲਰਾਊਂਡਰ ਸਿਰਫ ਟੈਸਟ ਖੇਡਣ ਲਈ ਫਿੱਟ ਹੈ ਤੇ ਉਹ ਵੀ ਦੇਸੀ ਪਿੱਚਾਂ 'ਤੇ। ਅਜਿਹੇ 'ਚ ਗੌਤਮ ਗੰਭੀਰ ਦੇ ਕਾਰਜਕਾਲ 'ਚ ਫਲਾਪ ਰਹੇ ਜਡੇਜਾ ਦਾ ਕਰੀਅਰ ਖਤਮ ਹੋ ਸਕਦਾ ਹੈ।


ਮੁਹੰਮਦ ਸ਼ਮੀ- ਆਖਰੀ ਨਾਮ ਅਮਰੋਹਾ ਐਕਸਪ੍ਰੈਸ ਮੁਹੰਮਦ ਸ਼ਮੀ ਹੈ। ਗੌਤਮ ਗੰਭੀਰ ਕੋਲ ਭਾਰਤੀ ਤੇਜ਼ ਗੇਂਦਬਾਜ਼ ਲਈ ਸਪੱਸ਼ਟ ਯੋਜਨਾ ਹੈ। ਗੰਭੀਰ ਟੈਸਟ 'ਚ ਸ਼ਮੀ ਨੂੰ ਲਗਾਤਾਰ ਖਿਡਾਉਣਾ ਚਾਹੁੰਦਾ ਹੈ। ਇਸ ਦੇ ਨਾਲ ਹੀ 2027 ਵਨਡੇ ਵਿਸ਼ਵ ਕੱਪ ਵੀ ਉਨ੍ਹਾਂ ਦੇ ਰਾਡਾਰ ਵਿੱਚ ਹੈ। ਅਜਿਹੇ 'ਚ ਵਰਕਲੋਡ ਮੈਨੇਜਮੈਂਟ ਦੇ ਚੱਲਦੇ ਤੁਸੀਂ ਮੁਹੰਮਦ ਸ਼ਮੀ ਨੂੰ ਟੀ-20 ਟੀਮ ਤੋਂ ਬਾਹਰ ਹੁੰਦੇ ਦੇਖ ਸਕਦੇ ਹੋ।