Virat Kohli Century: ਕ੍ਰਿਕੇਟ ਪ੍ਰਸ਼ੰਸਕ ਜਿਸ ਚੀਜ਼ ਦਾ ਲਗਭਗ 3 ਸਾਲਾਂ ਤੋਂ ਸਭ ਤੋਂ ਵੱਧ ਇੰਤਜ਼ਾਰ ਕਰ ਰਹੇ ਸਨ, ਉਹ ਸੀ ਵਿਰਾਟ ਕੋਹਲੀ ਦਾ 71ਵਾਂ ਸੈਂਕੜਾ। ਵਿਰਾਟ ਨੇ ਆਖਿਰਕਾਰ ਏਸ਼ੀਆ ਕੱਪ ਦੇ ਸੁਪਰ 4 ਮੈਚ 'ਚ ਪਾਕਿਸਤਾਨ ਖਿਲਾਫ਼ ਇਹ ਕਾਰਨਾਮਾ ਕਰ ਦਿਖਾਇਆ। ਇਸ ਸੈਂਕੜੇ ਤੋਂ ਬਾਅਦ ਵਿਰਾਟ ਕੋਹਲੀ ਨੇ ਵੀ ਵੱਡਾ ਬਿਆਨ ਦਿੱਤਾ ਹੈ।
ਵਿਰਾਟ ਨੇ ਕਹੀ ਇਹ ਗੱਲ
ਅਫਗਾਨਿਸਤਾਨ ਖਿਲਾਫ ਏਸ਼ੀਆ ਕੱਪ ਦੇ ਰਸਮੀ ਮੈਚ 'ਚ 122 ਦੌੜਾਂ ਬਣਾ ਕੇ ਕਰੀਬ ਤਿੰਨ ਸਾਲ ਬਾਅਦ ਸੈਂਕੜਾ ਬਣਾਉਣ ਵਾਲੇ ਵਿਰਾਟ ਕੋਹਲੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਫਾਰਮੈਟ 'ਚ ਇਸ ਦੀ ਉਮੀਦ ਨਹੀਂ ਸੀ। ਕੋਹਲੀ ਨੇ 989 ਦਿਨਾਂ ਬਾਅਦ ਸੈਂਕੜਾ ਲਗਾਇਆ। ਆਪਣੇ 71ਵੇਂ ਅੰਤਰਰਾਸ਼ਟਰੀ ਸੈਂਕੜੇ ਦੇ ਨਾਲ, ਉਹ ਹੁਣ ਰਿਕੀ ਪੋਂਟਿੰਗ ਦੇ ਬਰਾਬਰ ਆ ਗਿਆ ਹੈ ਅਤੇ ਸਿਰਫ਼ ਸਚਿਨ ਤੇਂਦੁਲਕਰ (100 ਸੈਂਕੜੇ) ਉਸ ਤੋਂ ਅੱਗੇ ਹਨ।
ਵਿਦੇਸ਼ 'ਚ ਬੰਧਕ ਬਣਾਈ ਗਈ 21 ਸਾਲਾ ਲੜਕੀ ਦੀ ਹਰਭਜਨ ਸਿੰਘ ਨੇ ਇੰਝ ਕੀਤੀ ਮਦਦ, ਇਸ ਤਰ੍ਹਾਂ ਕਰਵਾਈ ਭਾਰਤ ਵਾਪਸੀ
ਬਹੁਤ ਕੁਝ ਸਿੱਖਿਆ - ਕੋਹਲੀ
ਕੋਹਲੀ ਨੇ ਪਾਰੀ ਦੇ ਬ੍ਰੇਕ 'ਚ ਕਿਹਾ, 'ਬੀਤੇ ਢਾਈ ਸਾਲਾਂ ਨੇ ਮੈਂ ਬਹੁਤ ਕੁਝ ਸਿਖਾਇਆ ਹੈ। ਮੈਂ ਇੱਕ ਮਹੀਨੇ ਵਿੱਚ 34 ਸਾਲ ਦਾ ਹੋ ਜਾਵਾਂਗਾ। ਹੁਣ ਗੁੱਸੇ ਨਾਲ ਜਸ਼ਨ ਮਨਾਉਣਾ ਬੀਤੇ ਦੀ ਗੱਲ ਹੈ।’ ਉਹਨਾਂ ਨੇ ਕਿਹਾ, ‘ਮੈਂ ਸੱਚਮੁੱਚ ਹੈਰਾਨ ਸੀ। ਇਸ ਫਾਰਮੈਟ 'ਚ ਸੈਂਕੜਾ ਲਾਉਣ ਬਾਰੇ ਨਹੀਂ ਸੋਚਿਆ ਸੀ। ਇਹ ਬਹੁਤ ਸਾਰੀਆਂ ਚੀਜ਼ਾਂ ਦਾ ਨਤੀਜਾ ਹੈ। ਟੀਮ ਨੇ ਕਾਫੀ ਮਦਦ ਕੀਤੀ।
ਇਸ ਪਾਰੀ ਦਾ ਸਿਹਰਾ ਦਿੱਤਾ ਪਤਨੀ ਨੂੰ
ਕੋਹਲੀ ਨੇ ਪਤਨੀ ਅਨੁਸ਼ਕਾ ਸ਼ਰਮਾ ਨੂੰ ਆਪਣੇ ਔਖੇ ਸਮੇਂ ਵਿੱਚ ਚਟਾਨ ਵਾਂਗ ਖੜ੍ਹਨ ਦਾ ਸਿਹਰਾ ਦਿੱਤਾ। ਉਹਨਾਂ ਨੇ ਕਿਹਾ, 'ਮੈਨੂੰ ਪਤਾ ਹੈ ਕਿ ਬਾਹਰ ਬਹੁਤ ਕੁਝ ਹੋ ਰਿਹਾ ਸੀ। ਮੈਂ ਆਪਣੀ ਰਿੰਗ ਨੂੰ ਚੁੰਮਿਆ। ਤੁਸੀਂ ਮੈਨੂੰ ਇੱਥੇ ਖੜ੍ਹਾ ਦੇਖਿਆ ਕਿਉਂਕਿ ਮੇਰੇ ਨਾਲ ਇੱਕ ਵਿਅਕਤੀ ਹੈ ਅਤੇ ਉਹ ਹੈ ਅਨੁਸ਼ਕਾ। ਇਹ ਸੈਂਕੜਾ ਉਸ ਲਈ ਅਤੇ ਸਾਡੀ ਬੇਟੀ ਵਾਮਿਕਾ ਲਈ ਹੈ।'' ਉਹਨਾਂ ਅੱਗੇ ਕਿਹਾ, 'ਇਸ ਬ੍ਰੇਕ ਨੇ ਮੈਨੂੰ ਫਿਰ ਤੋਂ ਆਪਣੀ ਖੇਡ ਦਾ ਆਨੰਦ ਲੈਣ ਦਾ ਮੌਕਾ ਦਿੱਤਾ ਹੈ।'