PAK vs AUS: ਆਸਟ੍ਰੇਲੀਆ ਦੇ ਬੱਲੇਬਾਜ਼ਾਂ ਨੇ ਰੱਜ ਕੇ ਕੁੱਟੇ ਪਾਕਿਸਤਾਨੀ ਗੇਂਦਬਾਜ਼ਾਂ ! 3-0 ਨਾਲ ਜਿੱਤੀ T20 ਸੀਰੀਜ਼
PAK vs AUS T20: ਪਾਕਿਸਤਾਨ ਨੂੰ ਤੀਜੇ ਟੀ-20 ਮੈਚ ਵਿੱਚ ਆਸਟਰੇਲੀਆ ਤੋਂ 7 ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪਾਕਿਸਤਾਨ ਇਹ ਸੀਰੀਜ਼ 3-0 ਨਾਲ ਹਾਰ ਗਿਆ ਹੈ।
PAK vs AUS 3rd T20 Result: ਆਸਟ੍ਰੇਲੀਆ ਨੇ ਤੀਜੇ T20 ਮੈਚ ਵਿੱਚ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਇਸ ਨਾਲ ਪਾਕਿਸਤਾਨੀ ਟੀਮ ਨੇ ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ 3-0 ਨਾਲ ਜਿੱਤ ਲਈ ਹੈ। ਤੀਜਾ ਮੈਚ ਹੋਬਾਰਟ 'ਚ ਖੇਡਿਆ ਗਿਆ, ਜਿਸ 'ਚ ਪਾਕਿਸਤਾਨ ਦੀ ਟੀਮ ਪਹਿਲਾਂ ਖੇਡਦੇ ਹੋਏ 117 ਦੌੜਾਂ 'ਤੇ ਹੀ ਸੀਮਤ ਰਹੀ। ਦੂਜੇ ਪਾਸੇ ਆਸਟਰੇਲੀਆ ਨੇ 12ਵੇਂ ਓਵਰ ਵਿੱਚ ਸਿਰਫ਼ ਤਿੰਨ ਵਿਕਟਾਂ ਦੇ ਨੁਕਸਾਨ ’ਤੇ ਟੀਚਾ ਹਾਸਲ ਕਰ ਲਿਆ। ਕੰਗਾਰੂ ਟੀਮ ਲਈ ਮਾਰਕਸ ਸਟੋਇਨਿਸ ਨੇ ਤੂਫਾਨੀ ਅੰਦਾਜ਼ 'ਚ ਬੱਲੇਬਾਜ਼ੀ ਕੀਤੀ ਅਤੇ 27 ਗੇਂਦਾਂ 'ਚ 61 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ।
ਮੈਚ 'ਚ ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਪਰ ਕਪਤਾਨ ਆਗਾ ਸਲਮਾਨ ਦਾ ਇਹ ਫੈਸਲਾ ਭਾਰੀ ਪਿਆ। ਆਸਟ੍ਰੇਲੀਆ ਲਈ ਐਰੋਨ ਹਾਰਡੀ ਅਤੇ ਐਡਮ ਜ਼ੈਂਪਾ ਨੇ ਘਾਤਕ ਗੇਂਦਬਾਜ਼ੀ ਕੀਤੀ ਤੇ ਕ੍ਰਮਵਾਰ 3 ਅਤੇ 2 ਵਿਕਟਾਂ ਲਈਆਂ। ਪਾਕਿਸਤਾਨ ਟੀਮ ਲਈ ਸਭ ਤੋਂ ਵੱਧ ਸਕੋਰ ਬਾਬਰ ਆਜ਼ਮ ਨੇ ਬਣਾਇਆ, ਜਿਸ ਨੇ 28 ਗੇਂਦਾਂ ਵਿੱਚ 41 ਦੌੜਾਂ ਬਣਾਈਆਂ। ਹਸੀਬੁੱਲਾ ਖਾਨ ਨੇ ਵੀ 24 ਦੌੜਾਂ ਦਾ ਯੋਗਦਾਨ ਪਾਇਆ। ਪਾਕਿਸਤਾਨ ਟੀਮ ਦੀ ਹਾਲਤ ਇੰਨੀ ਖਰਾਬ ਸੀ ਕਿ 7 ਬੱਲੇਬਾਜ਼ ਦੌੜਾਂ ਦੇ ਮਾਮਲੇ 'ਚ ਦੋਹਰੇ ਅੰਕੜੇ ਨੂੰ ਵੀ ਨਹੀਂ ਛੂਹ ਸਕੇ।
118 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਆਈ ਆਸਟ੍ਰੇਲੀਆਈ ਟੀਮ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਕਿਉਂਕਿ ਟੀਮ 30 ਦੌੜਾਂ ਦੇ ਸਕੋਰ ਤੱਕ 2 ਵਿਕਟਾਂ ਗੁਆ ਚੁੱਕੀ ਸੀ। ਜੋਸ਼ ਇੰਗਲਿਸ ਕੁਝ ਦੇਰ ਕ੍ਰੀਜ਼ 'ਤੇ ਰਹੇ ਅਤੇ 27 ਦੌੜਾਂ ਦੀ ਅਹਿਮ ਪਾਰੀ ਖੇਡੀ ਪਰ ਇਸ ਦੌਰਾਨ ਮਾਰਕਸ ਸਟੋਇਨਿਸ ਵੱਖਰੇ ਅੰਦਾਜ਼ 'ਚ ਕ੍ਰੀਜ਼ 'ਤੇ ਆਏ। ਉਸ ਨੇ 23 ਗੇਂਦਾਂ ਵਿੱਚ ਅਰਧ ਸੈਂਕੜਾ ਪੂਰਾ ਕੀਤਾ ਅਤੇ 27 ਗੇਂਦਾਂ ਵਿੱਚ 61 ਦੌੜਾਂ ਦੀ ਪਾਰੀ ਖੇਡ ਕੇ ਆਸਟਰੇਲੀਆ ਦੀ ਜਿੱਤ ਯਕੀਨੀ ਬਣਾਈ। ਸਟੋਇਨਿਸ ਨੇ ਆਪਣੀ ਪਾਰੀ ਵਿੱਚ ਪੰਜ ਚੌਕੇ ਅਤੇ ਪੰਜ ਛੱਕੇ ਵੀ ਲਗਾਏ।
ਟੀ-20 'ਚ ਪਾਕਿਸਤਾਨ ਦੀ ਹਾਲਤ ਖਰਾਬ
ਟੀ-20 ਫਾਰਮੈਟ 'ਚ ਪਾਕਿਸਤਾਨੀ ਟੀਮ ਦੀ ਹਾਲਤ ਇਸ ਸਮੇਂ ਬਹੁਤ ਖਰਾਬ ਹੈ। ਪਿਛਲੀ 9 ਟੀ-20 ਸੀਰੀਜ਼ 'ਚ ਪਾਕਿਸਤਾਨੀ ਟੀਮ ਸਿਰਫ ਇਕ ਮੌਕੇ 'ਤੇ ਹੀ ਜਿੱਤ ਦਰਜ ਕਰ ਸਕੀ ਹੈ। ਪਿਛਲੀਆਂ 9 ਸੀਰੀਜ਼ਾਂ 'ਚ ਇਹ ਸਿਰਫ ਇਕ ਵਾਰ ਜਿੱਤੀ ਹੈ, 6 ਵਾਰ ਹਾਰੀ ਹੈ ਅਤੇ ਦੋ ਵਾਰ ਸੀਰੀਜ਼ ਡਰਾਅ ਰਹੀ ਹੈ। ਪਿਛਲੇ ਤਿੰਨ ਸਾਲਾਂ 'ਚ ਅਫਗਾਨਿਸਤਾਨ ਨੇ ਪਾਕਿਸਤਾਨ ਨੂੰ ਟੀ-20 ਸੀਰੀਜ਼ 'ਚ ਵੀ ਹਰਾਇਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
