Brian Lara on Virat Kohli: ਵਿਰਾਟ ਦੇ ਮੁਰੀਦ ਹੋਏ ਬ੍ਰਾਇਨ ਲਾਰਾ, ਮਹਾਨ ਕ੍ਰਿਕਟਰ ਨੇ ਆਪਣੇ ਪੁੱਤਰ ਨੂੰ ਕੋਹਲੀ ਵਾਂਗ ਜਨੂੰਨੀ ਬਣਾਉਣ ਦੀ ਕੀਤੀ ਗੱਲ
Brian Lara: ਵੈਸਟਇੰਡੀਜ਼ ਦੇ ਮਹਾਨ ਕ੍ਰਿਕਟਰ ਬ੍ਰਾਇਨ ਲਾਰਾ ਨੇ ਵਿਰਾਟ ਕੋਹਲੀ ਦੇ ਖੇਡ ਪ੍ਰਤੀ ਸਮਰਪਣ ਅਤੇ ਜਨੂੰਨ ਦੀ ਤਾਰੀਫ ਕੀਤੀ ਹੈ। ਉਨ੍ਹਾਂ ਨੇ ਇੱਥੋਂ ਤੱਕ ਕਿਹਾ ਹੈ ਕਿ ਜੇਕਰ ਉਸਦਾ ਪੁੱਤਰ ਕੋਈ ਖੇਡ ਚੁਣਦਾ ਹੈ ਤਾਂ ਉਹ ਉਸਨੂੰ
Brian Lara: ਵੈਸਟਇੰਡੀਜ਼ ਦੇ ਮਹਾਨ ਕ੍ਰਿਕਟਰ ਬ੍ਰਾਇਨ ਲਾਰਾ ਨੇ ਵਿਰਾਟ ਕੋਹਲੀ ਦੇ ਖੇਡ ਪ੍ਰਤੀ ਸਮਰਪਣ ਅਤੇ ਜਨੂੰਨ ਦੀ ਤਾਰੀਫ ਕੀਤੀ ਹੈ। ਉਨ੍ਹਾਂ ਨੇ ਇੱਥੋਂ ਤੱਕ ਕਿਹਾ ਹੈ ਕਿ ਜੇਕਰ ਉਸਦਾ ਪੁੱਤਰ ਕੋਈ ਖੇਡ ਚੁਣਦਾ ਹੈ ਤਾਂ ਉਹ ਉਸਨੂੰ ਵਿਰਾਟ ਕੋਹਲੀ ਵਾਂਗ ਖੇਡਾਂ ਪ੍ਰਤੀ ਜਨੂੰਨ ਅਤੇ ਸਮਰਪਣ ਰੱਖਣਾ ਸਿਖਾਉਣਾ ਚਾਹੇਗਾ। ਬ੍ਰਾਇਨ ਲਾਰਾ ਨੇ ਇਹ ਗੱਲ ਕੋਲਕਾਤਾ 'ਚ ਕਹੀ। ਉਹ ਇੱਥੇ ਟਾਈਗਰ ਪਟੌਦੀ ਮੈਮੋਰੀਅਲ ਲੈਕਚਰ ਲਈ ਆਏ ਸਨ।
ਲਾਰਾ ਨੇ ਕਿਹਾ, 'ਮੇਰਾ ਇੱਕ ਬੇਟਾ ਹੈ ਅਤੇ ਮੈਂ ਤੁਹਾਨੂੰ ਦੱਸ ਸਕਦਾ ਹਾਂ ਕਿ ਜੇਕਰ ਮੇਰਾ ਬੇਟਾ ਕੋਈ ਵੀ ਖੇਡ ਖੇਡਦਾ ਹੈ ਤਾਂ ਮੈਂ ਨਾ ਸਿਰਫ ਉਸਦੀ ਤਾਕਤ ਵਧਾਉਣ ਲਈ ਬਲਕਿ ਉਸ ਨੂੰ ਨੰਬਰ ਇੱਕ ਖਿਡਾਰੀ ਬਣਾਉਣ ਲਈ ਕੋਹਲੀ ਦੀ ਪ੍ਰਤੀਬੱਧਤਾ ਅਤੇ ਸਮਰਪਣ ਦਾ ਉਪਯੋਗ ਕਰਾਂਗਾ।'
ਵਿਰਾਟ ਦੀ ਤਾਰੀਫ ਕਰਨ 'ਚ ਲਾਰਾ ਇੱਥੇ ਹੀ ਨਹੀਂ ਰੁਕੀ। ਉਸ ਨੇ ਅੱਗੇ ਕਿਹਾ, 'ਮੈਂ ਜਾਣਦਾ ਹਾਂ ਕਿ ਬਹੁਤ ਸਾਰੇ ਲੋਕ ਕਹਿਣਗੇ ਜਾਂ ਪਹਿਲਾਂ ਹੀ ਕਹਿ ਚੁੱਕੇ ਹੋਣਗੇ ਕਿ ਕੋਹਲੀ ਦੇ ਪ੍ਰਦਰਸ਼ਨ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿਉਂਕਿ ਭਾਰਤ ਵਿਸ਼ਵ ਕੱਪ ਨਹੀਂ ਜਿੱਤ ਸਕਿਆ। ਪਰ ਮੈਂ ਇਹ ਕਹਾਂਗਾ ਕਿ ਟੀਮ ਦੀ ਸਫਲਤਾ ਵਿਅਕਤੀਗਤ ਸਫਲਤਾਵਾਂ 'ਤੇ ਆਧਾਰਿਤ ਹੁੰਦੀ ਹੈ ਅਤੇ ਕੋਹਲੀ ਨੇ ਪੂਰੇ ਵਿਸ਼ਵ ਕੱਪ ਦੌਰਾਨ ਮੈਚ ਤੋਂ ਬਾਅਦ ਆਪਣੇ ਵਿਅਕਤੀਗਤ ਪ੍ਰਦਰਸ਼ਨ 'ਚ ਬੇਹਤਰ ਕਰਕੇ ਭਾਰਤ ਨੂੰ ਸਫਲਤਾ ਦਿਵਾਈ ਹੈ।
ਲਾਰਾ ਨੇ ਵਿਰਾਟ ਕੋਹਲੀ ਲਈ ਇਹ ਵੀ ਕਿਹਾ ਕਿ ਉਹ ਜਦੋਂ ਵੀ ਮੈਦਾਨ 'ਚ ਹੁੰਦੇ ਹਨ ਤਾਂ ਉਨ੍ਹਾਂ ਦਾ ਪ੍ਰਭਾਵ ਹੁੰਦਾ ਹੈ। ਉਸ ਨੇ ਖੇਡ ਦਾ ਤਰੀਕਾ ਬਦਲ ਦਿੱਤਾ ਹੈ। ਖੇਡ ਲਈ ਉਸ ਦਾ ਅਨੁਸ਼ਾਸਨ ਬਹੁਤ ਪ੍ਰਭਾਵਿਤ ਕਰਦਾ ਹੈ।
ਵਿਰਾਟ ਕੋਹਲੀ ਵਿਸ਼ਵ ਕੱਪ ਦੇ 'ਪਲੇਅਰ ਆਫ ਦਿ ਟੂਰਨਾਮੈਂਟ' ਰਹੇ
ਵਿਰਾਟ ਕੋਹਲੀ ਨੇ ਵਿਸ਼ਵ ਕੱਪ 2023 ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਸਨ। 11 ਮੈਚਾਂ 'ਚ ਉਸ ਨੇ 95.62 ਦੀ ਸ਼ਾਨਦਾਰ ਬੱਲੇਬਾਜ਼ੀ ਔਸਤ ਨਾਲ 765 ਦੌੜਾਂ ਬਣਾਈਆਂ। ਵਿਸ਼ਵ ਕੱਪ ਦੌਰਾਨ ਹੀ ਉਸ ਨੇ ਵਨਡੇ ਵਿੱਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਦੇ ਸਚਿਨ ਤੇਂਦੁਲਕਰ ਦੇ ਰਿਕਾਰਡ ਨੂੰ ਮਾਤ ਦਿੱਤੀ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
