ਕ੍ਰਿਕਟ ਦਾ ਥੱਪੜ ਕਾਂਡ! ਮਹਿਲਾ ਵਿਸ਼ਵ ਕੱਪ ਦੌਰਾਨ ਕਪਤਾਨ ਨੇ ਜੂਨੀਅਰ ਖਿਡਾਰੀਆਂ ਨੂੰ ਕੁੱਟਿਆ, ਜਾਣੋ ਕੀ ਹੈ ਪੂਰਾ ਮਾਮਲਾ
ਆਲਮ ਨੇ ਆਪਣਾ ਆਖਰੀ ਮੈਚ ਪਿਛਲੇ ਸਾਲ ਦਸੰਬਰ ਵਿੱਚ ਆਇਰਲੈਂਡ ਵਿਰੁੱਧ ਖੇਡਿਆ ਸੀ। ਉਸਨੇ ਇਹ ਬਿਆਨ ਬੰਗਲਾਦੇਸ਼ੀ ਰੋਜ਼ਾਨਾ ਅਖ਼ਬਾਰ ਕਲੇਰ ਕੰਥੋ ਨਾਲ ਇੱਕ ਇੰਟਰਵਿਊ ਵਿੱਚ ਦਿੱਤਾ ਸੀ। ਆਲਮ ਨੇ ਕਿਹਾ, "ਇਹ ਕੋਈ ਨਵੀਂ ਗੱਲ ਨਹੀਂ ਹੈ; ਉਹ ਜੂਨੀਅਰਾਂ ਨੂੰ ਕਾਫੀ ਮਾਰਦੀ ਹੈ।
ਬੰਗਲਾਦੇਸ਼ ਮਹਿਲਾ ਟੀਮ ਦੀ ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਜਹਾਂਨਾਰਾ ਆਲਮ ਨੇ ਟੀਮ ਦੀ ਕਪਤਾਨ ਨਿਗਾਰ ਸੁਲਤਾਨਾ ਜੋਤੀ 'ਤੇ ਗੰਭੀਰ ਦੋਸ਼ ਲਗਾਏ ਹਨ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਨਿਗਾਰ ਜੂਨੀਅਰ ਖਿਡਾਰੀਆਂ ਨੂੰ ਕੁੱਟਦੀ ਹੈ। ਹਾਲਾਂਕਿ, ਬੰਗਲਾਦੇਸ਼ ਕ੍ਰਿਕਟ ਬੋਰਡ (BCB) ਨੇ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।
ਆਲਮ ਨੇ ਆਪਣਾ ਆਖਰੀ ਮੈਚ ਪਿਛਲੇ ਸਾਲ ਦਸੰਬਰ ਵਿੱਚ ਆਇਰਲੈਂਡ ਵਿਰੁੱਧ ਖੇਡਿਆ ਸੀ। ਉਸਨੇ ਇਹ ਬਿਆਨ ਬੰਗਲਾਦੇਸ਼ੀ ਰੋਜ਼ਾਨਾ ਅਖ਼ਬਾਰ ਕਲੇਰ ਕੰਥੋ ਨਾਲ ਇੱਕ ਇੰਟਰਵਿਊ ਵਿੱਚ ਦਿੱਤਾ ਸੀ। ਆਲਮ ਨੇ ਕਿਹਾ, "ਇਹ ਕੋਈ ਨਵੀਂ ਗੱਲ ਨਹੀਂ ਹੈ; ਉਹ ਜੂਨੀਅਰਾਂ ਨੂੰ ਕਾਫੀ ਮਾਰਦੀ ਹੈ।
ਉਸਨੇ ਅੱਗੇ ਦੱਸਿਆ, "ਇਸ ਵਿਸ਼ਵ ਕੱਪ ਦੌਰਾਨ ਵੀ ਜੂਨੀਅਰਾਂ ਨੇ ਮੈਨੂੰ ਕਿਹਾ, 'ਨਹੀਂ, ਮੈਂ ਇਹ ਦੁਬਾਰਾ ਨਹੀਂ ਕਰਾਂਗੀ, ਨਹੀਂ ਤਾਂ ਮੈਨੂੰ ਦੁਬਾਰਾ ਥੱਪੜ ਮਾਰਿਆ ਜਾਵੇਗਾ।' ਕੁਝ ਲੋਕਾਂ ਨੇ ਕਿਹਾ ਕਿ ਮੈਨੂੰ ਕੱਲ੍ਹ ਮਾਰਿਆ ਗਿਆ ਸੀ। ਦੁਬਈ ਦੌਰੇ ਦੌਰਾਨ ਉਸਨੇ ਇੱਕ ਜੂਨੀਅਰ ਨੂੰ ਇੱਕ ਕਮਰੇ ਵਿੱਚ ਬੁਲਾਇਆ ਅਤੇ ਉਸਨੂੰ ਥੱਪੜ ਮਾਰਿਆ।"
32 ਸਾਲਾ ਜਹਾਂਨਾਰਾ ਆਲਮ ਨੇ ਬੰਗਲਾਦੇਸ਼ ਲਈ 52 ਵਨਡੇ ਮੈਚਾਂ ਵਿੱਚ 48 ਵਿਕਟਾਂ ਤੇ 83 ਟੀ-20 ਮੈਚਾਂ ਵਿੱਚ 60 ਵਿਕਟਾਂ ਲਈਆਂ ਹਨ। ਉਸਨੇ ਕਿਹਾ ਕਿ ਪਿਛਲੇ ਸਾਲਾਂ ਵਿੱਚ ਟੀਮ ਦਾ ਮਾਹੌਲ ਵਿਗੜ ਗਿਆ ਹੈ, ਜਿਸ ਕਾਰਨ ਉਸਨੇ ਆਪਣੀ ਮਾਨਸਿਕ ਸਿਹਤ ਲਈ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ।
ਉਸਨੇ ਕਿਹਾ, "ਦਰਅਸਲ, ਮੈਂ ਇਕੱਲੀ ਨਹੀਂ ਹਾਂ, ਬੰਗਲਾਦੇਸ਼ ਟੀਮ ਵਿੱਚ ਲਗਭਗ ਹਰ ਕੋਈ ਕਿਸੇ ਨਾ ਕਿਸੇ ਤਰੀਕੇ ਨਾਲ ਪੀੜਤ ਹੈ। ਹਰ ਕਿਸੇ ਦੀਆਂ ਸਮੱਸਿਆਵਾਂ ਵੱਖਰੀਆਂ ਹਨ। ਸਿਰਫ਼ ਇੱਕ ਜਾਂ ਦੋ ਖਿਡਾਰੀਆਂ ਨੂੰ ਸਭ ਤੋਂ ਵਧੀਆ ਸਹੂਲਤਾਂ ਮਿਲਦੀਆਂ ਹਨ, ਤੇ ਕੁਝ ਮਾਮਲਿਆਂ ਵਿੱਚ ਸਿਰਫ਼ ਇੱਕ ਖਿਡਾਰੀ ਨੂੰ ਹੀ ਸਭ ਕੁਝ ਦਿੱਤਾ ਜਾਂਦਾ ਹੈ।"
ਜਹਾਨਾਰਾ ਆਲਮ ਨੇ ਕਿਹਾ ਕਿ 2021 ਵਿੱਚ ਪੋਸਟ-ਕੋਵਿਡ ਕੈਂਪ ਦੌਰਾਨ ਮੇਰੇ ਵਰਗੇ ਸੀਨੀਅਰ ਖਿਡਾਰੀਆਂ ਨੂੰ ਹਟਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਸੀ। ਮੈਨੂੰ ਬੰਗਲਾਦੇਸ਼ ਦੀਆਂ ਤਿੰਨ ਟੀਮਾਂ ਵਿੱਚੋਂ ਇੱਕ ਦਾ ਕਪਤਾਨ ਬਣਾਇਆ ਗਿਆ ਸੀ, ਜਦੋਂ ਕਿ ਜੋਤੀ (ਨਿਗਾਰ ਸੁਲਤਾਨਾ) ਤੇ ਸ਼ਰਮਿਨ ਸੁਲਤਾਨਾ ਦੂਜੀਆਂ ਦੋ ਟੀਮਾਂ ਦੀਆਂ ਕਪਤਾਨ ਸਨ। ਉਦੋਂ ਹੀ ਸੀਨੀਅਰ ਖਿਡਾਰੀਆਂ 'ਤੇ ਦਬਾਅ ਬਣਨਾ ਸ਼ੁਰੂ ਹੋਇਆ।
ਹਾਲਾਂਕਿ, ਬੰਗਲਾਦੇਸ਼ ਕ੍ਰਿਕਟ ਬੋਰਡ (ਬੀ.ਸੀ.ਬੀ.) ਨੇ ਤੁਰੰਤ ਇਨ੍ਹਾਂ ਦੋਸ਼ਾਂ ਨੂੰ ਖਾਰਜ ਕਰ ਦਿੱਤਾ, ਉਨ੍ਹਾਂ ਨੂੰ "ਨਿਰਆਧਾਰ ਅਤੇ ਮੰਦਭਾਗਾ" ਕਿਹਾ। ਬੀ.ਸੀ.ਬੀ. ਨੇ ਇੱਕ ਬਿਆਨ ਵਿੱਚ ਕਿਹਾ, "ਬੋਰਡ ਇਨ੍ਹਾਂ ਦੋਸ਼ਾਂ ਨੂੰ ਸਪੱਸ਼ਟ ਤੌਰ 'ਤੇ ਰੱਦ ਕਰਦਾ ਹੈ, ਜੋ ਕਿ ਬੇਬੁਨਿਆਦ, ਮਨਘੜਤ ਅਤੇ ਪੂਰੀ ਤਰ੍ਹਾਂ ਝੂਠੇ ਹਨ।"
ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ, "ਇਹ ਮੰਦਭਾਗਾ ਹੈ ਕਿ ਅਜਿਹੇ ਅਪਮਾਨਜਨਕ ਅਤੇ ਵਿਵਾਦਪੂਰਨ ਦਾਅਵੇ ਅਜਿਹੇ ਸਮੇਂ ਕੀਤੇ ਗਏ ਹਨ ਜਦੋਂ ਬੰਗਲਾਦੇਸ਼ ਦੀ ਮਹਿਲਾ ਟੀਮ ਅੰਤਰਰਾਸ਼ਟਰੀ ਪੱਧਰ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਅਤੇ ਏਕਤਾ ਦਾ ਪ੍ਰਦਰਸ਼ਨ ਕਰ ਰਹੀ ਹੈ। ਜਾਂਚ ਵਿੱਚ ਇਨ੍ਹਾਂ ਦੋਸ਼ਾਂ ਦਾ ਸਮਰਥਨ ਕਰਨ ਲਈ ਕੋਈ ਸਬੂਤ ਨਹੀਂ ਮਿਲਿਆ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
