ਇਸ ਕ੍ਰਿਕਟਰ ਦੀਆਂ ਵਧੀਆਂ ਮੁਸ਼ਕਿਲਾਂ, ਜੈਪੁਰ 'ਚ ਇਕ ਹੋਰ ਰੇ'ਪ ਕੇਸ ਦਰਜ, ਕ੍ਰਿਕਟ ਜਗਤ 'ਚ ਮੱਚੀ ਤਰਥੱਲੀ
IPL ਚੈਂਪੀਅਨ ਆਰਸੀਬੀ ਦੇ ਤੇਜ਼ ਗੇਂਦਬਾਜ਼ ਯਸ਼ ਦਿਆਲ ਮੁਸ਼ਕਿਲਾਂ 'ਚ ਘਿਰਦੇ ਹੋਏ ਨਜ਼ਰ ਆ ਰਹੇ ਹਨ। ਇੱਕ ਵਾਰ ਫਿਰ ਤੋਂ ਉਨ੍ਹਾਂ ਉੱਤੇ ਜਬਰਜਨਾਹ ਦੇ ਇਲਜ਼ਾਮ ਲੱਗੇ ਹਨ। ਜਿਸ ਕਰਕੇ ਜੈਪੂਰ ਦੇ ਵਿੱਚ ਬਲਾਤਕਾਰ ਅਤੇ ਪੋਕਸੋ ਐਕਟ ਹੇਠ FIR ਦਰਜ ਕੀਤੀ
IPL ਚੈਂਪੀਅਨ ਆਰਸੀਬੀ ਦੇ ਤੇਜ਼ ਗੇਂਦਬਾਜ਼ ਯਸ਼ ਦਿਆਲ ਖਿਲਾਫ ਜੈਪੁਰ ਵਿਚ ਬਲਾਤਕਾਰ ਅਤੇ ਪੋਕਸੋ ਐਕਟ ਹੇਠ ਐਫਆਈਆਰ (FIR) ਦਰਜ ਕੀਤੀ ਗਈ ਹੈ। ਇਕ ਲੜਕੀ ਨੇ ਦੋਸ਼ ਲਗਾਇਆ ਹੈ ਕਿ ਯਸ਼ ਦਿਆਲ ਨੇ ਉਸਨੂੰ ਕ੍ਰਿਕਟ 'ਚ ਕਰੀਅਰ ਬਣਾਉਣ ਦਾ ਝਾਂਸਾ ਦੇ ਕੇ ਅਤੇ ਇਮੋਸ਼ਨਲ ਬਲੈਕਮੇਲ ਕਰਕੇ ਦੋ ਸਾਲ ਤੱਕ ਜਬਰਜਨਾਹ ਕੀਤਾ। ਪੀੜਤ ਨੇ ਜੈਪੁਰ ਦੇ ਸਾਂਗਾਨੇਰ ਸਦਰ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ ਸੀ, ਜਿਸ 'ਤੇ ਪੁਲਿਸ ਨੇ ਯਸ਼ ਦਿਆਲ ਖ਼ਿਲਾਫ ਐਫਆਈਆਰ ਦਰਜ ਕਰ ਲਈ ਹੈ।
ਇਸ ਤੋਂ ਪਹਿਲਾਂ ਯੂਪੀ ਦੇ ਗਾਜ਼ਿਯਾਬਾਦ ਦੀ ਇਕ ਲੜਕੀ ਨੇ ਵੀ ਯਸ਼ ਦਿਆਲ 'ਤੇ ਵਿਆਹ ਦਾ ਝਾਂਸਾ ਦੇ ਕੇ ਜਬਰਜਨਾਹ ਕਰਨ ਦਾ ਦੋਸ਼ ਲਾਇਆ ਸੀ। ਉਸ ਮਾਮਲੇ ਵਿੱਚ ਯਸ਼ ਨੂੰ ਇਲਾਹਾਬਾਦ ਹਾਈਕੋਰਟ ਤੋਂ ਰਾਹਤ ਮਿਲੀ ਸੀ। ਤਾਜ਼ਾ ਮਾਮਲੇ ਵਿੱਚ ਸਾਂਗਾਨੇਰ ਸਦਰ ਦੇ ਐਸਐਚਓ ਅਨਿਲ ਜੈਮਣ ਨੇ ਦੱਸਿਆ ਕਿ ਜੈਪੁਰ ਦੀ ਲੜਕੀ ਕ੍ਰਿਕਟ ਖੇਡਣ ਦੇ ਦੌਰਾਨ ਯਸ਼ ਦਿਆਲ ਦੇ ਸੰਪਰਕ ਵਿੱਚ ਆਈ ਸੀ।
ਯੁਵਤੀ ਨੇ ਕ੍ਰਿਕਟਰ ਯਸ਼ ਦਿਆਲ 'ਤੇ ਗੰਭੀਰ ਦੋਸ਼ ਲਗਾਏ ਹਨ। ਉਸਨੇ ਦੱਸਿਆ ਕਿ ਲਗਭਗ 2 ਸਾਲ ਪਹਿਲਾਂ, ਜਦੋਂ ਉਹ ਅਜੇ ਨਾਬਾਲਿਗ ਸੀ, ਤਦ ਯਸ਼ ਦਿਆਲ ਨੇ ਉਸਨੂੰ ਕ੍ਰਿਕਟ 'ਚ ਕਰੀਅਰ ਬਣਾਉਣ ਦਾ ਝਾਂਸਾ ਦੇ ਕੇ ਜਬਰਜਨਾਹ ਕੀਤਾ। ਯੁਵਤੀ ਨੇ ਕਿਹਾ ਕਿ ਕਰੀਅਰ ਦੀ ਲਾਲਚ ਦੇ ਕੇ ਦਿਆਲ ਲਗਾਤਾਰ ਉਸ ਨਾਲ ਜਬਰਜਨਾਹ ਕਰਦਾ ਰਿਹਾ। ਸਾਂਗਾਨੇਰ ਸਦਰ ਥਾਣੇ ਦੇ ਐਸਐਚਓ ਅਨਿਲ ਜੈਮਣ ਨੇ ਦੱਸਿਆ ਕਿ ਯੂਐਨਐਫਆਈਆਰ ਅਨੁਸਾਰ, ਆਈਪੀਐਲ-2025 ਮੈਚ ਦੌਰਾਨ ਜਦੋਂ ਯਸ਼ ਦਿਆਲ ਜੈਪੁਰ ਆਇਆ ਸੀ, ਤਦ ਉਸਨੇ ਸੀਤਾਪੁਰਾ ਸਥਿਤ ਇਕ ਹੋਟਲ 'ਚ ਬੁਲਾ ਕੇ ਫਿਰ ਜਬਰਜਨਾਹ ਕੀਤਾ।
ਥਾਣਾ ਅਧਿਕਾਰੀ ਅਨਿਲ ਜੈਮਣ ਨੇ ਦੱਸਿਆ ਕਿ ਪੀੜਤ ਲੜਕੀ ਨੇ ਇਮੋਸ਼ਨਲ ਬਲੈਕਮੇਲ ਅਤੇ ਲਗਾਤਾਰ ਹੋ ਰਹੇ ਸ਼ੋਸ਼ਣ ਤੋਂ ਤੰਗ ਆ ਕੇ 23 ਜੁਲਾਈ ਨੂੰ ਸਾਂਗਾਨੇਰ ਸਦਰ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ। ਅਧਿਕਾਰੀ ਨੇ ਕਿਹਾ ਕਿ ਜਦ ਲੜਕੀ 17 ਸਾਲ ਦੀ ਨਾਬਾਲਿਗ ਸੀ, ਤਦ ਪਹਿਲੀ ਵਾਰ ਉਸ ਨਾਲ ਜਬਰਜਨਾਹ ਕੀਤਾ ਗਿਆ ਸੀ। ਇਸੇ ਕਾਰਨ ਪੁਲਿਸ ਨੇ ਯਸ਼ ਦਿਆਲ ਦੇ ਖ਼ਿਲਾਫ ਪੋਕਸੋ ਐਕਟ ਹੇਠ ਐਫਆਈਆਰ ਦਰਜ ਕੀਤੀ ਹੈ।
ਇਸ ਤੋਂ ਪਹਿਲਾਂ ਵੀ ਇਕ ਹੋਰ ਯੁਵਤੀ ਨੇ ਯਸ਼ ਦਯਾਲ 'ਤੇ ਯੌਨ ਸ਼ੋਸ਼ਣ, ਹਿੰਸਾ ਅਤੇ ਧੋਖਾਧੜੀ ਦੇ ਦੋਸ਼ ਲਗਾਏ ਸਨ। ਪੀੜਤ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਕਰਕੇ ਇਨਸਾਫ ਦੀ ਮੰਗ ਕੀਤੀ ਸੀ। ਉਸਨੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਅਤੇ ਪੁਲਿਸ ਨੂੰ ਨਿਆਇਕ ਕਾਰਵਾਈ ਲਈ ਅਪੀਲ ਕੀਤੀ ਸੀ। ਪੋਸਟ ਵਿਚ ਉਸਨੇ ਯਸ਼ ਦਿਆਲ ਨਾਲ ਆਪਣੀ ਫੋਟੋ ਵੀ ਸਾਂਝੀ ਕੀਤੀ ਸੀ।
ਪੀੜਤਾ ਨੇ ਦਾਅਵਾ ਕੀਤਾ ਸੀ ਕਿ ਉਹ ਪਿਛਲੇ 5 ਸਾਲ ਤੋਂ ਯਸ਼ ਦਿਆਲ ਨਾਲ ਰਿਸ਼ਤੇ ਵਿੱਚ ਸੀ। ਪਰ ਯਸ਼ ਨੇ ਉਸਨੂੰ ਵਿਆਹ ਦਾ ਝਾਂਸਾ ਦੇ ਕੇ ਮਾਨਸਿਕ ਅਤੇ ਸਰੀਰਕ ਤੌਰ 'ਤੇ ਸ਼ੋਸ਼ਣ ਕੀਤਾ। ਇੱਥੋਂ ਤੱਕ ਕਿ ਜਦ ਉਹਨੂੰ ਆਪਣੇ ਪਰਿਵਾਰ ਨਾਲ ਮਿਲਾਇਆ ਗਿਆ ਤਾਂ ਉਸਨੂੰ ਹੋਣ ਵਾਲੀ ਵਹੁਟੀ ਵਜੋਂ ਪੇਸ਼ ਕੀਤਾ ਗਿਆ ਅਤੇ ਭਰੋਸਾ ਜਿੱਤਣ ਦੀ ਕੋਸ਼ਿਸ਼ ਕੀਤੀ ਗਈ। ਪਰ ਜਿਵੇਂ ਹੀ ਪੀੜਤਾ ਨੂੰ ਅਹਿਸਾਸ ਹੋਇਆ ਕਿ ਕ੍ਰਿਕਟਰ ਉਸ ਨਾਲ ਧੋਖਾ ਕਰ ਰਿਹਾ ਹੈ, ਤਾਂ ਉਸਨੇ ਇਸਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
