ਕੀ ਧੋਨੀ ਤੇ ਜਡੇਜਾ ਵਿਚਾਲੇ ਚੱਲ ਰਿਹਾ ਕੋਈ ਵਿਵਾਦ? ਪਹਿਲੀ ਵਾਰ ਸਾਹਮਣੇ ਆਇਆ ਸੱਚ
ਧੋਨੀ ਅਤੇ ਜਡੇਜਾ ਵਿਚਾਲੇ ਵਿਵਾਦ ਦੀਆਂ ਖਬਰਾਂ 'ਤੇ ਚੁੱਪੀ ਤੋੜਦਿਆਂ ਹੋਇਆਂ ਪਹਿਲੀ ਵਾਰ CSK ਦੇ ਮੈਨੇਜਮੈਂਟ ਨੇ ਸੱਚ ਦੱਸਿਆ ਹੈ।
ਇੰਡੀਅਨ ਪ੍ਰੀਮੀਅਰ ਲੀਗ ਦੇ 16ਵੇਂ ਸੀਜ਼ਨ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੇ ਰਿਕਾਰਡ ਪੰਜਵੀਂ ਵਾਰ ਖ਼ਿਤਾਬ ਜਿੱਤਿਆ ਹੈ। ਪਰ ਪਿਛਲੇ ਸੀਜ਼ਨ ਦੀ ਤਰ੍ਹਾਂ ਇਸ ਸੀਜ਼ਨ 'ਚ ਵੀ ਅਜਿਹੇ ਸਵਾਲ ਖੜ੍ਹੇ ਹੋਏ, ਜਿਸ ਕਾਰਨ CSK ਦੇ ਪ੍ਰਸ਼ੰਸਕਾਂ ਨੂੰ ਪਰੇਸ਼ਾਨ ਹੋਣਾ ਪਿਆ ਹੈ। ਸਵਾਲ ਇਹ ਸੀ ਕਿ ਕੀ ਟੀਮ ਦੇ ਕਪਤਾਨ ਅਤੇ ਖਿਤਾਬੀ ਜਿੱਤ ਦੇ ਹੀਰੋ ਰਵਿੰਦਰ ਜਡੇਜਾ ਵਿਚਾਲੇ ਸਭ ਕੁਝ ਠੀਕ ਹੈ? ਇਸ ਸਵਾਲ ਦਾ ਸੱਚ ਹੁਣ ਸਭ ਦੇ ਸਾਹਮਣੇ ਆ ਗਿਆ ਹੈ। ਇੰਨਾ ਹੀ ਨਹੀਂ ਇਸ ਸੱਚਾਈ ਨੂੰ ਜਾਣ ਕੇ CSK ਦੇ ਪ੍ਰਸ਼ੰਸਕਾਂ ਨੂੰ ਵੀ ਵੱਡੀ ਰਾਹਤ ਮਿਲਣ ਵਾਲੀ ਹੈ।
ਦਰਅਸਲ ਧੋਨੀ ਅਤੇ ਜਡੇਜਾ ਵਿਚਾਲੇ ਵਿਵਾਦ ਦੀਆਂ ਖਬਰਾਂ ਪਿਛਲੇ ਸੀਜ਼ਨ ਤੋਂ ਹੀ ਆਉਣੀਆਂ ਸ਼ੁਰੂ ਹੋ ਗਈਆਂ ਸਨ। ਜਡੇਜਾ ਨੂੰ ਪਿਛਲੇ ਸਾਲ ਟੂਰਨਾਮੈਂਟ ਦੀ ਸ਼ੁਰੂਆਤ ਵਿੱਚ ਸੀਐਸਕੇ ਦਾ ਕਪਤਾਨ ਬਣਾਇਆ ਗਿਆ ਸੀ। ਮੱਧ ਸੀਜ਼ਨ 'ਚ ਖਰਾਬ ਪ੍ਰਦਰਸ਼ਨ ਕਰਕੇ ਜਡੇਜਾ ਨੂੰ ਕਪਤਾਨੀ ਤੋਂ ਹਟਾ ਦਿੱਤਾ ਗਿਆ ਸੀ। ਇੰਨਾ ਹੀ ਨਹੀਂ, ਜਡੇਜਾ ਨੇ ਪਿਛਲੇ ਸੀਜ਼ਨ ਤੋਂ ਬਾਅਦ CSK ਤੋਂ ਵੱਖ ਹੋਣ ਦਾ ਮਨ ਬਣਾ ਲਿਆ ਸੀ। ਜਡੇਜਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਤੋਂ CSK ਨਾਲ ਜੁੜੀਆਂ ਸਾਰੀਆਂ ਯਾਦਾਂ ਨੂੰ ਵੀ ਮਿਟਾ ਦਿੱਤਾ ਸੀ।
ਇਹ ਵੀ ਪੜ੍ਹੋ: ODI World Cup 2023: ਵਨਡੇ ਵਿਸ਼ਵ ਕੱਪ ਦੇ ਸ਼ੈਡਿਊਲ ਜਾਰੀ ਹੋਣ ਦੀ ਤਰੀਕ ਆਈ ਸਾਹਮਣੇ, PCB ਨੂੰ ਹੋਰ ਸਮਾਂ ਨਹੀਂ ਦੇਵੇਗਾ ICC
ਹਾਲਾਂਕਿ, ਸੀਐਸਕੇ ਦਾ ਮੈਨੇਜਮੈਂਟ ਨੇ ਉਨ੍ਹਾਂ ਨੂੰ ਮਨਾਉਣ ਵਿੱਚ ਕਾਮਯਾਬ ਰਿਹਾ ਅਤੇ ਇਸ ਸੀਜ਼ਨ ਲਈ ਜਡੇਜਾ ਨੂੰ ਰਿਟਰਨ ਕਰ ਲਿਆ ਗਿਆ। ਇਸ ਸੀਜ਼ਨ ਦੌਰਾਨ ਵੀ ਅਜਿਹਾ ਹੀ ਇੱਕ ਵੀਡੀਓ ਵਾਇਰਲ ਹੋਈ ਸੀ ਜਿਸ ਵਿੱਚ ਜਡੇਜਾ ਕਾਫੀ ਭਾਵੁਕ ਨਜ਼ਰ ਆ ਰਹੇ ਸਨ। CSK ਦੇ ਸੀਈਓ ਕਾਸ਼ੀ ਵਿਸ਼ਵਨਾਥ ਨੇ ਇਸ ਮਾਮਲੇ 'ਤੇ ਸਪੱਸ਼ਟੀਕਰਨ ਦਿੱਤਾ ਹੈ।
CSK ਨਾਲ ਜੁੜੇ ਰਹਿਣਗੇ ਜਡੇਜਾ
ਕਾਸ਼ੀ ਵਿਸ਼ਵਨਾਥ ਨੇ ਕਿਹਾ, ''ਜਡੇਜਾ ਦੇ ਮਨ ਵਿੱਚ ਧੋਨੀ ਦੇ ਲਈ ਪੂਰਾ ਸਨਮਾਨ ਹੈ। ਦੋਵਾਂ ਵਿਚਾਲੇ ਕੋਈ ਵਿਵਾਦ ਨਹੀਂ ਹੈ। ਜਡੇਜਾ ਨੇ ਪੂਰੇ ਸੀਜ਼ਨ ਦੌਰਾਨ ਚੰਗੀ ਗੇਂਦਬਾਜ਼ੀ ਕੀਤੀ। ਬੱਲੇਬਾਜ਼ੀ 'ਚ ਵੀ ਜਦੋਂ ਜਡੇਜਾ ਨੂੰ ਮੌਕਾ ਮਿਲਿਆ ਤਾਂ ਉਨ੍ਹਾਂ ਨੇ ਪਰਫਾਰਮ ਕੀਤਾ। ਜਡੇਜਾ ਨੇ ਧੋਨੀ ਨੂੰ ਲੈ ਕੇ ਕਦੇ ਸ਼ਿਕਾਇਤ ਨਹੀਂ ਕੀਤੀ।
ਦੱਸ ਦੇਈਏ ਕਿ IPL 16 ਦਾ ਚੈਂਪੀਅਨ ਬਣਨ ਤੋਂ ਬਾਅਦ ਵੀ ਜਡੇਜਾ ਨੇ ਪਹਿਲਾਂ ਜਾ ਕੇ ਧੋਨੀ ਨੂੰ ਗਲੇ ਲਗਾਇਆ ਸੀ। ਇੰਨਾ ਹੀ ਨਹੀਂ ਧੋਨੀ ਨੇ ਟਰਾਫੀ ਲੈਂਦੇ ਹੋਏ ਜਡੇਜਾ ਨੂੰ ਸਟੇਜ 'ਤੇ ਬੁਲਾਇਆ। ਇਸ ਤੋਂ ਸਾਫ਼ ਹੋ ਗਿਆ ਹੈ ਕਿ ਜਡੇਜਾ ਸੀਐਸਕੇ ਨਾਲ ਘੱਟੋ-ਘੱਟ ਇੱਕ ਸੀਜ਼ਨ ਇਕੱਠਿਆਂ ਹੀ ਖੇਡਣ ਵਾਲੇ ਹਨ।
ਇਹ ਵੀ ਪੜ੍ਹੋ: MS Dhoni: ਕੀ MS ਧੋਨੀ ਆਈਪੀਐਲ ਦੇ ਅਗਲੇ ਸੀਜ਼ਨ 'ਚ ਖੇਡਣਗੇ? ਚੇਨਈ ਸੁਪਰਕਿੰਗਜ਼ ਦੇ ਸੀਈਓ ਨੇ ਦਿੱਤਾ ਜਵਾਬ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
