![ABP Premium](https://cdn.abplive.com/imagebank/Premium-ad-Icon.png)
Shreyas Iyer: ਸ਼੍ਰੇਅਸ ਅਈਅਰ ਆਪਣੇ ਨਾਂਅ ਕਰ ਸਕਦੇ ਇਹ ਖਿਤਾਬ, ਬਣਾਉਣੀਆਂ ਪੈਣਗੀਆਂ 69 ਦੌੜਾਂ; ਜਾਣੋ ਇਸ ਪ੍ਰਾਪਤੀ ਬਾਰੇ ਖਾਸ
ENG vs IND, WC 2023: ਟੀਮ ਇੰਡੀਆ ਦੇ ਮੱਧਕ੍ਰਮ ਦੇ ਬੱਲੇਬਾਜ਼ ਸ਼੍ਰੇਅਸ ਅਈਅਰ ਅੱਜ (29 ਅਕਤੂਬਰ) ਨੂੰ ਇੱਕ ਵੱਡਾ ਮੀਲ ਪੱਥਰ ਹਾਸਲ ਕਰ ਸਕਦੇ ਹਨ। ਉਹ ਇੱਕ ਰੋਜ਼ਾ ਕ੍ਰਿਕਟ ਵਿੱਚ ਸਭ ਤੋਂ ਤੇਜ਼
![Shreyas Iyer: ਸ਼੍ਰੇਅਸ ਅਈਅਰ ਆਪਣੇ ਨਾਂਅ ਕਰ ਸਕਦੇ ਇਹ ਖਿਤਾਬ, ਬਣਾਉਣੀਆਂ ਪੈਣਗੀਆਂ 69 ਦੌੜਾਂ; ਜਾਣੋ ਇਸ ਪ੍ਰਾਪਤੀ ਬਾਰੇ ਖਾਸ ENG vs IND shreyas-iyer-opportunity-to-become-joint-second-fastest-indian-to-2000-odi-runs read full details Shreyas Iyer: ਸ਼੍ਰੇਅਸ ਅਈਅਰ ਆਪਣੇ ਨਾਂਅ ਕਰ ਸਕਦੇ ਇਹ ਖਿਤਾਬ, ਬਣਾਉਣੀਆਂ ਪੈਣਗੀਆਂ 69 ਦੌੜਾਂ; ਜਾਣੋ ਇਸ ਪ੍ਰਾਪਤੀ ਬਾਰੇ ਖਾਸ](https://feeds.abplive.com/onecms/images/uploaded-images/2023/10/29/2416458a76035459028b348faf1ef9a61698565260111709_original.jpg?impolicy=abp_cdn&imwidth=1200&height=675)
ENG vs IND, WC 2023: ਟੀਮ ਇੰਡੀਆ ਦੇ ਮੱਧਕ੍ਰਮ ਦੇ ਬੱਲੇਬਾਜ਼ ਸ਼੍ਰੇਅਸ ਅਈਅਰ ਅੱਜ (29 ਅਕਤੂਬਰ) ਨੂੰ ਇੱਕ ਵੱਡਾ ਮੀਲ ਪੱਥਰ ਹਾਸਲ ਕਰ ਸਕਦੇ ਹਨ। ਉਹ ਇੱਕ ਰੋਜ਼ਾ ਕ੍ਰਿਕਟ ਵਿੱਚ ਸਭ ਤੋਂ ਤੇਜ਼ 2000 ਦੌੜਾਂ ਬਣਾਉਣ ਵਾਲਾ ਸੰਯੁਕਤ ਦੂਜਾ ਭਾਰਤੀ ਬੱਲੇਬਾਜ਼ ਬਣ ਸਕਦਾ ਹੈ। ਇਸ ਖਾਸ ਮੁਕਾਮ ਤੋਂ ਉਹ ਸਿਰਫ਼ 69 ਦੌੜਾਂ ਦੂਰ ਹੈ।
ਟੀਮ ਇੰਡੀਆ ਅੱਜ ਵਿਸ਼ਵ ਕੱਪ 'ਚ ਇੰਗਲੈਂਡ ਨਾਲ ਸਾਹਮਣਾ ਕਰੇਗੀ। ਇਹ ਮੈਚ ਲਖਨਊ ਵਿੱਚ ਖੇਡਿਆ ਜਾਵੇਗਾ। ਜੇਕਰ ਇਸ ਮੈਚ 'ਚ ਸ਼੍ਰੇਅਸ ਅਈਅਰ ਘੱਟ ਤੋਂ ਘੱਟ 69 ਦੌੜਾਂ ਬਣਾ ਲੈਂਦੇ ਹਨ ਤਾਂ ਉਹ ਸ਼ਿਖਰ ਧਵਨ ਦੇ ਨਾਲ ਦੂਜੇ ਸਭ ਤੋਂ ਤੇਜ਼ ਦੋ ਹਜ਼ਾਰ ਵਨਡੇ ਦੌੜਾਂ ਪੂਰੀਆਂ ਕਰਨ ਵਾਲੇ ਭਾਰਤੀ ਬਣ ਜਾਣਗੇ। ਸ਼ਿਖਰ ਧਵਨ ਨੇ 48 ਪਾਰੀਆਂ 'ਚ ਇਹ ਮੁਕਾਮ ਹਾਸਲ ਕੀਤਾ ਸੀ।
ਸ਼੍ਰੇਅਸ ਨੇ 47 ਪਾਰੀਆਂ 'ਚ 1931 ਦੌੜਾਂ ਬਣਾਈਆਂ
ਸ਼੍ਰੇਅਸ ਅਈਅਰ ਨੇ ਆਪਣੇ ਵਨਡੇ ਕਰੀਅਰ ਦੀ ਸ਼ੁਰੂਆਤ ਦਸੰਬਰ 2017 ਵਿੱਚ ਕੀਤੀ ਸੀ। ਉਹ ਹੁਣ ਤੱਕ 52 ਵਨਡੇ ਮੈਚ ਖੇਡ ਚੁੱਕੇ ਹਨ। ਇਨ੍ਹਾਂ ਮੈਚਾਂ ਦੀਆਂ 47 ਪਾਰੀਆਂ 'ਚ ਉਸ ਨੇ 45.97 ਦੀ ਔਸਤ ਅਤੇ 97.42 ਦੀ ਸਟ੍ਰਾਈਕ ਰੇਟ ਨਾਲ 1931 ਦੌੜਾਂ ਬਣਾਈਆਂ। ਹੁਣ ਤੱਕ ਉਹ ਤਿੰਨ ਸੈਂਕੜੇ ਅਤੇ 15 ਅਰਧ ਸੈਂਕੜੇ ਲਗਾ ਚੁੱਕੇ ਹਨ।
ਸ਼੍ਰੇਅਸ ਚੰਗੀ ਫਾਰਮ 'ਚ
ਸ਼੍ਰੇਅਸ ਅਈਅਰ ਇਸ ਵਿਸ਼ਵ ਕੱਪ 'ਚ ਚੰਗੀ ਫਾਰਮ 'ਚ ਨਜ਼ਰ ਆ ਰਿਹਾ ਹੈ। ਹੁਣ ਤੱਕ ਉਸ ਨੇ ਪੰਜ ਮੈਚਾਂ ਵਿੱਚ 43 ਦੀ ਔਸਤ ਨਾਲ 130 ਦੌੜਾਂ ਬਣਾਈਆਂ ਹਨ। ਉਸ ਨੇ ਪਾਕਿਸਤਾਨ ਖਿਲਾਫ ਅਜੇਤੂ ਅਰਧ ਸੈਂਕੜਾ ਵੀ ਲਗਾਇਆ ਸੀ।
ਸ਼ੁਭਮਨ ਗਿੱਲ ਨੇ ਸਭ ਤੋਂ ਤੇਜ਼ 2000 ਵਨਡੇ ਦੌੜਾਂ ਬਣਾਈਆਂ
ਵਨਡੇ ਕ੍ਰਿਕਟ 'ਚ ਸਭ ਤੋਂ ਤੇਜ਼ 2000 ਦੌੜਾਂ ਪੂਰੀਆਂ ਕਰਨ ਦਾ ਰਿਕਾਰਡ ਸ਼ੁਭਮਨ ਗਿੱਲ ਦੇ ਨਾਂ ਹੈ। ਉਸ ਨੇ ਇਸ ਵਿਸ਼ਵ ਕੱਪ ਵਿੱਚ ਇਹ ਮੁਕਾਮ ਹਾਸਲ ਕੀਤਾ ਹੈ। ਸ਼ੁਭਮਨ ਨੇ ਸਿਰਫ 38 ਪਾਰੀਆਂ 'ਚ 2000 ਵਨਡੇ ਦੌੜਾਂ ਪੂਰੀਆਂ ਕੀਤੀਆਂ ਸਨ। ਇਸ ਮਾਮਲੇ 'ਚ ਉਨ੍ਹਾਂ ਨੇ ਦੱਖਣੀ ਅਫਰੀਕਾ ਦੇ ਸਾਬਕਾ ਬੱਲੇਬਾਜ਼ ਹਾਸ਼ਿਮ ਅਮਲਾ ਦਾ ਰਿਕਾਰਡ ਤੋੜ ਦਿੱਤਾ ਸੀ। ਅਮਲਾ ਨੇ 40 ਪਾਰੀਆਂ 'ਚ 2000 ਵਨਡੇ ਦੌੜਾਂ ਪੂਰੀਆਂ ਕੀਤੀਆਂ ਸਨ। ਸ਼ਿਖਰ ਧਵਨ ਇਸ ਸੂਚੀ 'ਚ 11ਵੇਂ ਸਥਾਨ 'ਤੇ ਹਨ। ਇਸ ਸੂਚੀ 'ਚ ਸ਼ਿਖਰ ਦੇ ਨਾਲ ਸ਼੍ਰੇਅਸ ਅਈਅਰ ਦੇ ਕੋਲ ਵੀ 11ਵੇਂ ਸਥਾਨ 'ਤੇ ਹੋਣ ਦਾ ਮੌਕਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)