Hardik Pandya: ਹਾਰਦਿਕ ਪਾਂਡਿਆ ਨੇ ਛੁਪਾ ਕੇ ਰੱਖਿਆ ਵੱਡਾ ਰਾਜ਼, ਸਾਬਕਾ ਖਿਡਾਰੀ ਨੇ ਇੰਝ ਖੋਲ੍ਹੀ ਪੋਲ
IPL 2024: ਆਪੀਐੱਲ ਦੇ ਮੌਜੂਦਾ ਸੀਜ਼ਨ 'ਚ ਹਾਰਦਿਕ ਪਾਂਡਿਆ ਕਈ ਕਾਰਨਾਂ ਕਰਕੇ ਸੁਰਖੀਆਂ 'ਚ ਰਹੇ ਹਨ। ਪਹਿਲਾਂ ਖਰਾਬ ਕਪਤਾਨੀ ਦੇ ਕਾਰਨ ਟ੍ਰੋਲ ਹੋਏ ਹਾਰਦਿਕ ਨੂੰ ਹੁਣ ਆਪਣੀ ਸੱਟ ਨੂੰ ਲੁਕਾਉਣ ਲਈ ਦੋਸ਼ੀ ਠਹਿਰਾਇਆ
IPL 2024: ਆਪੀਐੱਲ ਦੇ ਮੌਜੂਦਾ ਸੀਜ਼ਨ 'ਚ ਹਾਰਦਿਕ ਪਾਂਡਿਆ ਕਈ ਕਾਰਨਾਂ ਕਰਕੇ ਸੁਰਖੀਆਂ 'ਚ ਰਹੇ ਹਨ। ਪਹਿਲਾਂ ਖਰਾਬ ਕਪਤਾਨੀ ਦੇ ਕਾਰਨ ਟ੍ਰੋਲ ਹੋਏ ਹਾਰਦਿਕ ਨੂੰ ਹੁਣ ਆਪਣੀ ਸੱਟ ਨੂੰ ਲੁਕਾਉਣ ਲਈ ਦੋਸ਼ੀ ਠਹਿਰਾਇਆ ਜਾ ਰਿਹਾ ਹੈ। ਨਿਊਜ਼ੀਲੈਂਡ ਦੇ ਸਾਬਕਾ ਕ੍ਰਿਕਟਰ ਸਾਈਮਨ ਡੂਲ ਨੇ ਹਾਰਦਿਕ ਨੂੰ ਟੀ-20 ਵਿਸ਼ਵ ਕੱਪ 2024 ਲਈ ਭਾਰਤੀ ਟੀਮ 'ਚ ਜਗ੍ਹਾ ਮਿਲਣ 'ਤੇ ਸ਼ੱਕ ਜਤਾਇਆ ਹੈ। ਸਾਈਮਨ ਨੂੰ ਯਕੀਨ ਹੈ ਕਿ ਹਾਰਦਿਕ ਕਿਸੇ ਸੱਟ ਨੂੰ ਲੁਕਾ ਰਿਹਾ ਹੈ, ਜਿਸ ਕਾਰਨ ਉਸ ਨੇ ਪਿਛਲੇ ਕੁਝ ਮੈਚਾਂ 'ਚ ਮੁੰਬਈ ਇੰਡੀਅਨਜ਼ ਲਈ ਬਹੁਤ ਘੱਟ ਗੇਂਦਬਾਜ਼ੀ ਕੀਤੀ ਹੈ। ਯਾਦ ਰਹੇ ਕਿ ਪਾਂਡਿਆ ਗਿੱਟੇ ਦੀ ਸੱਟ ਕਾਰਨ 2023 ਵਨਡੇ ਕ੍ਰਿਕਟ ਵਿਸ਼ਵ ਕੱਪ ਵਿੱਚ ਨਹੀਂ ਖੇਡ ਸਕਿਆ ਸੀ। ਇਸ ਤੋਂ ਬਾਅਦ ਅਕਤੂਬਰ 2023 ਤੋਂ ਆਈਪੀਐਲ 2024 ਦੇ ਸ਼ੁਰੂ ਹੋਣ ਤੱਕ ਉਸਨੇ ਕੋਈ ਕ੍ਰਿਕਟ ਨਹੀਂ ਖੇਡਿਆ ਸੀ।
ਸਾਈਮਨ ਡੂਲ ਨੇ ਕ੍ਰਿਕਬਜ਼ 'ਤੇ ਚਰਚਾ ਕਰਦੇ ਹੋਏ ਦੱਸਿਆ, "ਤੁਸੀਂ ਪਹਿਲੇ ਮੈਚ 'ਚ ਪਹਿਲਾ ਓਵਰ ਸੁੱਟ ਕੇ ਚਰਚਾ ਦਾ ਵਿਸ਼ਾ ਬਣ ਜਾਂਦੇ ਹੋ, ਪਰ ਫਿਰ ਅਚਾਨਕ ਟੀਮ ਨੂੰ ਤੁਹਾਡੀ ਗੇਂਦਬਾਜ਼ੀ ਦੀ ਜ਼ਰੂਰਤ ਨਹੀਂ ਹੈ। ਉਹ ਜ਼ਖਮੀ ਹੈ। ਮੈਂ ਦੱਸ ਰਿਹਾ ਹਾਂ ਕਿ ਉਨ੍ਹਾਂ ਦੇ ਨਾਲ ਜ਼ਰੂਰ ਕੁਝ ਸਮੱਸਿਆ ਹੈ। ਉਹ ਸੱਟ ਨੂੰ ਸਵੀਕਾਰ ਨਹੀਂ ਕਰ ਰਿਹਾ ਹੈ, ਪਰ ਮੇਰੀ ਅੰਤਰਆਤਮਾ ਮੈਨੂੰ ਕਹਿ ਰਿਹਾ ਹੈ ਕਿ ਉਹ ਜ਼ਖਮੀ ਹੈ।
ਹਾਰਦਿਕ ਪਾਂਡਿਆ ਨੇ ਹੁਣ ਤੱਕ ਆਈਪੀਐਲ 2024 ਵਿੱਚ ਕੁੱਲ 8 ਓਵਰ ਸੁੱਟੇ ਹਨ, ਜਿਸ ਵਿੱਚ ਉਸਨੇ 11 ਤੋਂ ਵੱਧ ਦੀ ਆਰਥਿਕ ਦਰ ਨਾਲ ਦੌੜਾਂ ਦਿੰਦੇ ਹੋਏ ਸਿਰਫ 1 ਵਿਕਟ ਲਈ ਹੈ। ਇਸੇ ਚਰਚਾ 'ਚ ਜਦੋਂ ਸਾਥੀ ਵਿਸ਼ਲੇਸ਼ਕ ਹਰਸ਼ਾ ਭੋਗਲੇ ਨੇ ਪੁੱਛਿਆ ਕਿ ਕੀ ਹਾਰਦਿਕ ਸਿਰਫ ਬੱਲੇਬਾਜ਼ ਦੇ ਤੌਰ 'ਤੇ ਟੀ-20 ਵਿਸ਼ਵ ਕੱਪ ਲਈ ਭਾਰਤੀ ਟੀਮ 'ਚ ਜਗ੍ਹਾ ਬਣਾ ਸਕੇਗਾ। ਇਸ ਦੇ ਜਵਾਬ 'ਚ ਸਾਈਮਨ ਡੌਲ ਨੇ ਕਿਹਾ ਕਿ ਪੰਡਯਾ ਨਿਸ਼ਚਿਤ ਤੌਰ 'ਤੇ ਭਾਰਤੀ ਟੀਮ 'ਚ ਜਗ੍ਹਾ ਪੱਕੀ ਕਰ ਸਕਦਾ ਹੈ ਪਰ ਇਸ ਦੇ ਲਈ ਉਸ ਨੂੰ ਮੁੰਬਈ ਇੰਡੀਅਨਜ਼ ਲਈ ਖੇਡਦੇ ਹੋਏ ਲਗਾਤਾਰ 4 ਓਵਰ ਸੁੱਟਣੇ ਪੈਣਗੇ। ਸਾਈਮਨ ਮੁਤਾਬਕ ਕੁਝ ਸੱਟ ਹੈ ਜੋ ਹਾਰਦਿਕ ਪਾਂਡਿਆ ਨੂੰ ਗੇਂਦਬਾਜ਼ੀ ਲਈ ਹੱਥ ਖੋਲ੍ਹਣ ਤੋਂ ਰੋਕ ਰਹੀ ਹੈ।
Read More: Sania Mirza: ਕੀ ਸਿਆਸਤ 'ਚ ਹੱਥ ਅਜਮਾਏਗੀ ਸਾਨੀਆ ਮਿਰਜ਼ਾ ? ਜਾਣੋ ਵਾਇਰਲ ਖਬਰਾਂ ਦੀ ਸੱਚਾਈ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
