![ABP Premium](https://cdn.abplive.com/imagebank/Premium-ad-Icon.png)
IND vs NZ 1st Test: ਸ਼੍ਰੇਅਸ ਅਈਅਰ ਨੇ ਬਣਾਇਆ ਇਹ ਰਿਕਾਰਡ, ਹੁਣ ਸਚਿਨ, ਦ੍ਰਾਵਿੜ ਵਰਗੇ ਦਿੱਗਜ ਵੀ ਰਹੀ ਗਏ ਪਿੱਛੇ
IND vs NZ 1st Test: ਸ਼੍ਰੇਅਸ ਅਈਅਰ ਨੇ ਆਪਣੇ ਪਹਿਲੇ ਟੈਸਟ ਦੀਆਂ ਦੋਵੇਂ ਪਾਰੀਆਂ ਵਿੱਚ 50+ ਦੌੜਾਂ ਬਣਾਈਆਂ ਹਨ। ਅਜਿਹਾ ਕਰਨ ਵਾਲਾ ਉਹ ਭਾਰਤ ਦਾ ਪਹਿਲਾ ਖਿਡਾਰੀ ਹੈ।
![IND vs NZ 1st Test: ਸ਼੍ਰੇਅਸ ਅਈਅਰ ਨੇ ਬਣਾਇਆ ਇਹ ਰਿਕਾਰਡ, ਹੁਣ ਸਚਿਨ, ਦ੍ਰਾਵਿੜ ਵਰਗੇ ਦਿੱਗਜ ਵੀ ਰਹੀ ਗਏ ਪਿੱਛੇ IND vs NZ 1st Test Shreyas Iyer first Indian cricketer to score century and fifty in Debut Test IND vs NZ 1st Test: ਸ਼੍ਰੇਅਸ ਅਈਅਰ ਨੇ ਬਣਾਇਆ ਇਹ ਰਿਕਾਰਡ, ਹੁਣ ਸਚਿਨ, ਦ੍ਰਾਵਿੜ ਵਰਗੇ ਦਿੱਗਜ ਵੀ ਰਹੀ ਗਏ ਪਿੱਛੇ](https://feeds.abplive.com/onecms/images/uploaded-images/2021/11/29/c96c3b437b161a80e8a212e617a87bb4_original.jpg?impolicy=abp_cdn&imwidth=1200&height=675)
IND vs NZ 1st Test: ਕਾਨਪੁਰ ਟੈਸਟ ਦੇ ਚੌਥੇ ਦਿਨ ਸ਼੍ਰੇਅਸ ਅਈਅਰ ਨੇ ਇੱਕ ਅਜਿਹਾ ਰਿਕਾਰਡ ਬਣਾ ਲਿਆ ਹੈ, ਜਿਸ ਨੂੰ ਅੱਜ ਤੱਕ ਸਚਿਨ ਤੇਂਦੁਲਕਰ ਤੇ ਰਾਹੁਲ ਦ੍ਰਾਵਿੜ ਵਰਗੇ ਦਿੱਗਜਾਂ ਸਮੇਤ ਕੋਈ ਵੀ ਭਾਰਤੀ ਖਿਡਾਰੀ ਨਹੀਂ ਬਣਾ ਸਕਿਆ ਹੈ। ਸ਼੍ਰੇਅਸ ਅਈਅਰ ਨੇ ਆਪਣੇ ਡੈਬਿਊ ਟੈਸਟ ਦੀ ਪਹਿਲੀ ਪਾਰੀ 'ਚ ਸੈਂਕੜਾ ਲਾਉਣ ਤੋਂ ਬਾਅਦ ਦੂਜੀ ਪਾਰੀ 'ਚ 65 ਦੌੜਾਂ ਬਣਾਈਆਂ ਹਨ। ਇਸ ਤਰ੍ਹਾਂ ਉਹ ਆਪਣੇ ਪਹਿਲੇ ਟੈਸਟ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ 50+ ਦੌੜਾਂ ਬਣਾਉਣ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਬਣ ਗਿਆ ਹੈ।
ਡੈਬਿਊ ਟੈਸਟ ਵਿੱਚ ਸੈਂਕੜਾ ਅਤੇ ਅਰਧ ਸੈਂਕੜਾ ਲਾਉਣ ਵਾਲਾ 16ਵਾਂ ਖਿਡਾਰੀ
ਸ਼੍ਰੇਅਸ ਤੋਂ ਪਹਿਲਾਂ ਹੁਣ ਤੱਕ 15 ਖਿਡਾਰੀ ਆਪਣੇ ਪਹਿਲੇ ਟੈਸਟ ਦੀਆਂ ਦੋਵੇਂ ਪਾਰੀਆਂ ਵਿੱਚ ਇੱਕ ਸੈਂਕੜਾ ਤੇ ਇੱਕ ਅਰਧ ਸੈਂਕੜਾ ਲਗਾ ਚੁੱਕੇ ਹਨ। ਉਹ ਹੁਣ ਇਸ ਸੂਚੀ ਵਿੱਚ 16ਵੇਂ ਖਿਡਾਰੀ ਬਣ ਗਏ ਹਨ। ਇਸ ਦੇ ਨਾਲ ਹੀ ਉਹ ਭਾਰਤੀ ਖਿਡਾਰੀਆਂ 'ਚ ਪਹਿਲਾ ਅਜਿਹਾ ਖਿਡਾਰੀ ਹੈ, ਜਿਸ ਨੇ ਡੈਬਿਊ ਟੈਸਟ 'ਚ ਸੈਂਕੜਾ ਤੇ ਇੱਕ ਅਰਧ ਸੈਂਕੜਾ ਦੋਵੇਂ ਹੀ ਬਣਾਏ ਹਨ।
ਸ਼੍ਰੇਅਸ ਅਈਅਰ ਡੈਬਿਊ ਟੈਸਟ 'ਚ ਸੈਂਕੜਾ ਲਗਾਉਣ ਵਾਲੇ 112ਵੇਂ, ਭਾਰਤ ਦੇ 16ਵੇਂ ਖਿਡਾਰੀ
ਸ਼੍ਰੇਅਸ ਨੇ ਕਾਨਪੁਰ ਟੈਸਟ ਦੀ ਪਹਿਲੀ ਪਾਰੀ 'ਚ 105 ਦੌੜਾਂ ਬਣਾਈਆਂ। ਇਸ ਪਾਰੀ ਦੀ ਬਦੌਲਤ ਉਹ ਡੈਬਿਊ ਟੈਸਟ ਵਿੱਚ ਸੈਂਕੜਾ ਲਾਉਣ ਵਾਲਾ 112ਵਾਂ ਖਿਡਾਰੀ ਬਣ ਗਿਆ। ਇਸ ਦੇ ਨਾਲ ਹੀ ਉਹ ਭਾਰਤ ਦੇ 16ਵੇਂ ਖਿਡਾਰੀ ਹਨ, ਜਿਨ੍ਹਾਂ ਨੇ ਆਪਣੇ ਪਹਿਲੇ ਹੀ ਟੈਸਟ ਵਿੱਚ ਸੈਂਕੜਾ ਲਗਾਇਆ ਹੈ। ਇਸ ਸੂਚੀ 'ਚ ਸੌਰਵ ਗਾਂਗੁਲੀ, ਵਰਿੰਦਰ ਸਹਿਵਾਗ ਤੇ ਰੋਹਿਤ ਸ਼ਰਮਾ ਵੀ ਸ਼ਾਮਲ ਹਨ।
ਸ਼੍ਰੇਅਸ ਭਾਰਤ ਲਈ ਟੈਸਟ ਖੇਡਣ ਵਾਲੇ 303ਵੇਂ ਖਿਡਾਰੀ ਹਨ
ਸ਼੍ਰੇਅਸ ਅਈਅਰ ਭਾਰਤ ਲਈ ਟੈਸਟ ਕ੍ਰਿਕਟ ਖੇਡਣ ਵਾਲੇ 303ਵੇਂ ਖਿਡਾਰੀ ਹਨ। ਕਾਨਪੁਰ ਵਿੱਚ ਗ੍ਰੀਨ ਪਾਰਕ 'ਚ ਟਾਸ ਤੋਂ ਠੀਕ ਪਹਿਲਾਂ ਟੀਮ ਦੇ ਸਾਰੇ ਖਿਡਾਰੀਆਂ ਅਤੇ ਸਹਿਯੋਗੀ ਸਟਾਫ ਦੀ ਮੌਜੂਦਗੀ ਵਿੱਚ ਉਸ ਨੂੰ ਟੈਸਟ ਕੈਪ ਸੌਂਪੀ ਗਈ। ਸਾਬਕਾ ਕ੍ਰਿਕਟਰ ਸੁਨੀਲ ਗਾਵਸਕਰ ਨੇ ਉਨ੍ਹਾਂ ਨੂੰ ਟੈਸਟ ਕੈਪ ਸੌਂਪੀ।
ਚਾਰ ਸਾਲ ਪਹਿਲਾਂ ਨਿਊਜ਼ੀਲੈਂਡ ਖਿਲਾਫ ਆਪਣਾ ਅੰਤਰਰਾਸ਼ਟਰੀ ਡੈਬਿਊ ਕੀਤਾ ਸੀ
ਸ਼੍ਰੇਅਸ ਅਈਅਰ ਨੇ ਨਿਊਜ਼ੀਲੈਂਡ ਦੇ ਖਿਲਾਫ ਆਪਣਾ ਅੰਤਰਰਾਸ਼ਟਰੀ ਡੈਬਿਊ ਕੀਤਾ। 1 ਨਵੰਬਰ 2017 ਨੂੰ ਹੋਇਆ ਟੀ-20 ਮੈਚ ਉਸਦਾ ਪਹਿਲਾ ਅੰਤਰਰਾਸ਼ਟਰੀ ਮੈਚ ਸੀ। ਹੁਣ ਤੱਕ ਉਸ ਨੇ 32 ਟੀ-20 ਅੰਤਰਰਾਸ਼ਟਰੀ ਮੈਚਾਂ 'ਚ 27.61 ਦੀ ਔਸਤ ਨਾਲ 580 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਨੇ ਤਿੰਨ ਅਰਧ ਸੈਂਕੜੇ ਵੀ ਲਗਾਏ। ਸਾਲ 2017 ਵਿੱਚ ਹੀ ਸ਼੍ਰੇਅਸ ਨੂੰ ਵੀ ਵਨਡੇ ਡੈਬਿਊ ਦਾ ਮੌਕਾ ਮਿਲਿਆ ਸੀ। ਦਸੰਬਰ 'ਚ ਉਨ੍ਹਾਂ ਨੂੰ ਸ਼੍ਰੀਲੰਕਾ ਦੌਰੇ 'ਤੇ ਪਹਿਲਾ ਵਨਡੇ ਖੇਡਣ ਦਾ ਮੌਕਾ ਮਿਲਿਆ। ਉਨ੍ਹਾਂ ਨੇ 22 ਵਨਡੇ ਮੈਚਾਂ 'ਚ 42.78 ਦੀ ਔਸਤ ਨਾਲ 813 ਦੌੜਾਂ ਬਣਾਈਆਂ ਹਨ। ਵਨਡੇ 'ਚ ਵੀ ਉਨ੍ਹਾਂ ਦੇ ਨਾਂ ਸੈਂਕੜਾ ਹੈ।
ਇਹ ਵੀ ਪੜ੍ਹੋ: ਸੰਸਦ ਦਾ ਘਿਰਾਓ ਤੇ ਖਾਲਿਸਤਾਨੀ ਝੰਡਾ ਲਹਿਰਾਉਣ ਦੀ ਚੇਤਾਵਨੀ ਮਗਰੋਂ ਪੁਲਿਸ ਤੇ ਖੁਫੀਆ ਏਜੰਸੀਆਂ ਅਲਰਟ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)