![ABP Premium](https://cdn.abplive.com/imagebank/Premium-ad-Icon.png)
IND vs PAK: ਭਾਰਤ ਦੇ ਮੈਚ ਹੁੰਦੇ ਫਿਕਸ...,ਇੰਗਲੈਂਡ ਦੇ ਦਿੱਗਜ ਨੇ ਜੰਮ ਕੇ ਕੀਤੀ ICC ਦੀ ਆਲੋਚਨਾ; ਲਾਏ ਗੰਭੀਰ ਇਲਜ਼ਾਮ
IND vs PAK:ਇੰਗਲੈਂਡ ਦੇ ਸਾਬਕਾ ਕ੍ਰਿਕਟਰ ਨੇ ICC ਦੀ ਤਿੱਖੀ ਆਲੋਚਨਾ ਕੀਤੀ ਹੈ। ਜਿਸ ਵਿੱਚ ਉਸ ਨੇ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੋਣ ਵਾਲੇ ਮੈਚ ਫਿਕਸ ਹੋਣ ਦੇ ਇਲਜ਼ਾਮ ਲਗਾਏ ਹਨ।
![IND vs PAK: ਭਾਰਤ ਦੇ ਮੈਚ ਹੁੰਦੇ ਫਿਕਸ...,ਇੰਗਲੈਂਡ ਦੇ ਦਿੱਗਜ ਨੇ ਜੰਮ ਕੇ ਕੀਤੀ ICC ਦੀ ਆਲੋਚਨਾ; ਲਾਏ ਗੰਭੀਰ ਇਲਜ਼ਾਮ ind vs pak match fixing schedule needs to stop says legendary england cricketer david lloyd details inside IND vs PAK: ਭਾਰਤ ਦੇ ਮੈਚ ਹੁੰਦੇ ਫਿਕਸ...,ਇੰਗਲੈਂਡ ਦੇ ਦਿੱਗਜ ਨੇ ਜੰਮ ਕੇ ਕੀਤੀ ICC ਦੀ ਆਲੋਚਨਾ; ਲਾਏ ਗੰਭੀਰ ਇਲਜ਼ਾਮ](https://feeds.abplive.com/onecms/images/uploaded-images/2024/06/26/5969bf84492593427898fc471ece7f1a1719422885360700_original.jpg?impolicy=abp_cdn&imwidth=1200&height=675)
IND vs PAK: ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਸਾਲਾਂ ਤੋਂ ਦੁਸ਼ਮਣੀ ਚੱਲ ਰਹੀ ਹੈ। ICC ਮੁਕਾਬਲਿਆਂ ਵਿੱਚ ਜਾਂ ਤਾਂ ਦੋਵਾਂ ਟੀਮਾਂ ਨੂੰ ਇੱਕੋ ਗਰੁੱਪ ਵਿੱਚ ਰੱਖਿਆ ਜਾਂਦਾ ਹੈ ਜਾਂ ਸਮਾਂ-ਸਾਰਣੀ ਇਸ ਤਰ੍ਹਾਂ ਤਿਆਰ ਕੀਤੀ ਜਾਂਦੀ ਹੈ ਕਿ ਦੋਵੇਂ ਕੱਟੜ ਵਿਰੋਧੀ ਨਿਸ਼ਚਿਤ ਤੌਰ 'ਤੇ ਆਹਮੋ-ਸਾਹਮਣੇ ਹੋਣ। ਹੁਣ ਇੰਗਲੈਂਡ ਦੇ ਸਾਬਕਾ ਕ੍ਰਿਕਟਰ ਡੇਵਿਡ ਲੋਇਡ ਨੇ ਇਸ ਸਬੰਧ 'ਚ ਆਈ.ਸੀ.ਸੀ. ਇਲਜ਼ਾਮ ਲਗਾ ਦਿੱਤੇ ਹਨ। ਕ੍ਰਿਕਟ ਪ੍ਰਸ਼ੰਸਕ ਡੇਵਿਡ ਲੋਇਡ ਨੂੰ ਕਈ ਸਾਲਾਂ ਤੋਂ ਕੁਮੈਂਟਰੀ 'ਤੇ ਸੁਣਦੇ ਆ ਰਹੇ ਹਨ, ਪਰ ਹੁਣ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਸੰਘ (ਆਈ.ਸੀ.ਸੀ.) ਵੱਲੋਂ ਭਾਰਤ-ਪਾਕਿ ਮੈਚਾਂ ਨੂੰ ਪਹਿਲਾਂ ਤੋਂ ਫਿਕਸ ਕਰਨ 'ਤੇ ਸਵਾਲ ਖੜ੍ਹੇ ਕੀਤੇ ਹਨ।
ਡੇਵਿਡ ਲੋਇਡ ਨੇ ਇਕ ਪੋਡਕਾਸਟ 'ਤੇ ਚਰਚਾ ਕਰਦੇ ਹੋਏ ਕਿਹਾ- ''ਮੈਂ ਇਸ ਤਰ੍ਹਾਂ ਨਾਲ ਫਿਕਸ ਕੀਤੇ ਜਾਣ ਵਾਲੇ ਕਿਸੇ ਵੀ ਮੈਚ ਦੇ ਖਿਲਾਫ ਹਾਂ। ਅਸੀਂ ਕ੍ਰਿਕਟ 'ਚ ਫਿਕਸਿੰਗ 'ਤੇ ਲੰਮੀ ਚਰਚਾ ਕਰ ਸਕਦੇ ਹਾਂ, ਭਾਰਤ-ਪਾਕਿ ਮੈਚ ਪਹਿਲਾਂ ਤੋਂ ਤੈਅ ਹੁੰਦੇ (India-Pakistan matches were fixed in advance) ਹਨ। ਇਹ ਮੈਚ ਕਿਸੇ ਵੱਡੀ ਘਟਨਾ ਲਈ ਹੀ ਫਿਕਸ ਹੁੰਦਾ ਹੈ''।
ਇਹ ਮੈਚ ਆਪਣੇ ਆਪ 'ਚ ਇਕ ਵੱਡੀ ਘਟਨਾ ਦੀ ਤਰ੍ਹਾਂ ਹੈ ਅਤੇ ਇਸੇ ਲਈ ਭਾਰਤ-ਪਾਕਿ ਮੈਚ ਨੂੰ ਇਸ ਗੱਲ ਨੂੰ ਧਿਆਨ 'ਚ ਰੱਖਦੇ ਹੋਏ ਤੈਅ ਕੀਤਾ ਗਿਆ ਹੈ ਕਿ ਲੋਕ ਉਨ੍ਹਾਂ ਨੂੰ ਹਰ ਹਾਲਤ 'ਚ ਖੇਡਦੇ ਦੇਖ ਸਕਣ। ਇਸ ਵਿਸ਼ਵ ਕੱਪ 'ਚ ਵੀ ਤੁਸੀਂ ਸ਼ੈਡਿਊਲ ਨੂੰ ਇਸੇ ਤਰ੍ਹਾਂ ਫਿਕਸ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ, ਜੋ ਕਿ ਗਲਤ ਹੈ।
ਭਾਰਤ ਦੇ ਮੈਚਾਂ ਨਾਲ ਵੀ ਫਿਕਸਿੰਗ ਕੀਤੀ
ਡੇਵਿਡ ਲੋਇਡ ਨੇ ਇਹ ਵੀ ਕਿਹਾ ਕਿ ਟੀ-20 ਵਿਸ਼ਵ ਕੱਪ 2024 ਲਈ ਭਾਰਤ ਦਾ ਪ੍ਰੋਗਰਾਮ ਵੀ ਤੈਅ ਹੋ ਗਿਆ ਹੈ। ਭਾਰਤ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਸ ਟੀਮ ਦੇ ਸਾਰੇ ਗਰੁੱਪ ਮੈਚ ਇੱਕੋ ਥਾਂ 'ਤੇ ਖੇਡੇ ਗਏ ਸਨ ਅਤੇ ਸਾਰੇ ਮੈਚ ਇਸ ਤਰ੍ਹਾਂ ਫਿਕਸ ਕੀਤੇ ਗਏ ਸਨ ਕਿ ਉਨ੍ਹਾਂ ਦਾ ਭਾਰਤ 'ਚ ਰਾਤ 8 ਵਜੇ ਟੈਲੀਕਾਸਟ ਕੀਤਾ ਗਿਆ | ਭਾਰਤ ਤੋਂ ਇਲਾਵਾ ਹੋਰ ਟੀਮਾਂ ਨੂੰ ਕਈ ਵਾਰ ਇੱਕ ਥਾਂ ਤੋਂ ਦੂਜੀ ਥਾਂ ਜਾਣਾ ਪਿਆ ਅਤੇ ਉਨ੍ਹਾਂ ਦਾ ਸਮਾਂ ਵੀ ਬਦਲਦਾ ਰਿਹਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)