Rohit Sharma's Viral Video: ਅੱਜਕੱਲ੍ਹ ਰੋਹਿਤ ਸ਼ਰਮਾ IPL 2023 'ਚ ਮੁੰਬਈ ਇੰਡੀਅਨਜ਼ ਦੀ ਕਮਾਨ ਸੰਭਾਲ ਰਹੇ ਹਨ। ਰੋਹਿਤ ਸ਼ਰਮਾ ਮੈਦਾਨ 'ਤੇ ਜਿੰਨੀ ਅਗ੍ਰੈਸਿਵ ਬੈਟਿੰਗ ਕਰਦੇ ਹਨ, ਮੈਦਾਨ ਤੋਂ ਬਾਹਰ ਉਹ ਉੰਨੇ ਹੀ ਹੱਸਦੇ ਨਜ਼ਰ ਆਉਂਦੇ ਹਨ। ਰੋਹਿਤ ਮੈਦਾਨ ਤੋਂ ਬਾਹਰ ਆਪਣੇ ਪ੍ਰਸ਼ੰਸਕਾਂ ਨਾਲ ਕਾਫੀ ਮਿਲਨਸਾਰ ਨਜ਼ਰ ਆਉਂਦੇ ਹਨ। ਅਜਿਹੇ 'ਚ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦਾ ਇਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ ਇਕ ਪ੍ਰਸ਼ੰਸਕ ਦਾ ਮੋਬਾਇਲ ਲੈ ਕੇ ਜਾਂਦੇ ਹੋਏ ਨਜ਼ਰ ਆ ਰਹੇ ਹਨ।
ਦਰਅਸਲ, ਮੁੰਬਈ ਇੰਡੀਅਨਜ਼ ਦੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਉਂਟ ਦੇ ਜ਼ਰੀਏ ਇੱਕ ਵੀਡੀਓ ਸ਼ੇਅਰ ਕੀਤਾ ਗਿਆ ਸੀ, ਜਿਸ ਵਿੱਚ ਰੋਹਿਤ ਸ਼ਰਮਾ ਪ੍ਰਸ਼ੰਸਕਾਂ ਨਾਲ ਮਜ਼ਾਕ ਕਰਦੇ ਹੋਏ ਨਜ਼ਰ ਆ ਰਹੇ ਸਨ। ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਡ੍ਰੈਸਿੰਗ ਰੂਮ ਵੱਲ ਜਾਂਦੇ ਹੋਏ ਰੋਹਿਤ ਸ਼ਰਮਾ ਪ੍ਰਸ਼ੰਸਕਾਂ ਨਾਲ ਸੈਲਫੀ ਲੈਣ ਲਈ ਰੁਕ ਜਾਂਦੇ ਹਨ।
ਇਹ ਵੀ ਪੜ੍ਹੋ: MS Dhoni: ਮਹਿੰਦਰ ਸਿੰਘ ਧੋਨੀ ਤੋਂ ਕੌਣ ਸੰਭਾਲੇਗਾ CSK ਦੀ ਕਪਤਾਨੀ? ਦੌੜ 'ਚ ਇਹ ਨਾਮ ਹਨ ਸਭ ਤੋਂ ਅੱਗੇ
ਪ੍ਰਸ਼ਸੰਕਾਂ ਨੇ ਦਿੱਤੇ ਇਦਾਂ ਦੇ ਰਿਐਕਸ਼ਨ
ਇਸ ਵੀਡੀਓ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ਨੂੰ ਹੁਣ ਤੱਕ 7 ਲੱਖ ਤੋਂ ਵੱਧ ਲੋਕ ਪਸੰਦ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਕਈ ਲੋਕਾਂ ਨੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਜ਼ਾਹਰ ਕੀਤੀ ਹੈ। ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, "ਬੜੇ ਤੇਜ ਹੋ ਰਹੇ ਹੋ ਕਪਤਾਨ।" ਉਪਭੋਗਤਾ ਨੇ ਅੱਗੇ ਇੱਕ ਹਾਸੇ ਵਾਲਾ ਇਮੋਜੀ ਵੀ ਐਡ ਕੀਤਾ। ਇਕ ਹੋਰ ਯੂਜ਼ਰ ਨੇ ਕੁਮੈਂਟ ਕਰਕੇ ਸਾਰਿਆਂ ਦਾ ਦਿਲ ਜਿੱਤ ਲਿਆ। ਯੂਜ਼ਰ ਨੇ ਲਿਖਿਆ, "ਜੇ ਮੇਰੇ ਕੋਲ ਮੋਬਾਈਲ ਹੁੰਦਾ ਤਾਂ ਮੈਂ ਪੱਕਾ ਨਹੀਂ ਮੰਗਦੀ ਕਿਉਂਕਿ ਰੋਹਿਤ ਸ਼ਰਮਾ ਤੋਂ ਵਧ ਕੇ ਮੋਬਾਈਲ ਥੋਡੀ ਨਾ ਹੈ।"
ਹੁਣ ਤੱਕ ਇਦਾਂ ਦਾ ਰਿਹਾ ਮੁੰਬਈ ਦਾ ਪ੍ਰਦਰਸ਼ਨ
ਆਈਪੀਐਲ 2023 ਵਿੱਚ, ਮੁੰਬਈ ਇੰਡੀਅਨਜ਼ ਨੇ ਹੁਣ ਤੱਕ ਕੁੱਲ 8 ਮੈਚ ਖੇਡੇ ਹਨ, ਜਿਸ ਵਿੱਚ ਟੀਮ ਨੇ 4 ਜਿੱਤੇ ਹਨ ਅਤੇ 4 ਮੈਚ ਹਾਰੇ ਹਨ। ਟੀਮ 8 ਅੰਕਾਂ ਅਤੇ -0.502 ਨੈੱਟ ਰਨਰੇਟ ਨਾਲ ਸੱਤਵੇਂ ਨੰਬਰ 'ਤੇ ਮੌਜੂਦ ਹੈ।
ਇਹ ਵੀ ਪੜ੍ਹੋ: IPL 2023: ਛੇਤੀ ਹੀ ਦੁਨੀਆ ਦਾ ਨੰਬਰ-1 ਸਪੋਰਟਸ ਲੀਗ ਬਣੇਗਾ IPL, ਲਲਿਤ ਮੋਦੀ ਨੇ ਕੀਤੀ ਵੱਡੀ ਭਵਿੱਖਬਾਣੀ