![ABP Premium](https://cdn.abplive.com/imagebank/Premium-ad-Icon.png)
Gautam Gambhir: ਗੌਤਮ ਗੰਭੀਰ ਨੂੰ ਦੇਖ KKR ਦੇ ਪ੍ਰਸ਼ੰਸਕ ਹੋਏ ਬੇਕਾਬੂ, 7 ਸਾਲ ਬਾਅਦ ਪੁਰਾਣੀ ਟੀਮ 'ਚ ਵਾਪਸੀ
Gautam Gambhir: ਗੌਤਮ ਗੰਭੀਰ ਆਈਪੀਐਲ 2024 ਤੋਂ ਪਹਿਲਾਂ ਆਪਣੀ ਪੁਰਾਣੀ ਟੀਮ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਵਿੱਚ ਵਾਪਸ ਆ ਗਏ ਹਨ। ਇਸ ਸਾਲ ਗੰਭੀਰ ਕੇਕੇਆਰ ਦੇ ਮੈਂਟਰ ਵਜੋਂ ਨਜ਼ਰ ਆਉਣਗੇ।
![Gautam Gambhir: ਗੌਤਮ ਗੰਭੀਰ ਨੂੰ ਦੇਖ KKR ਦੇ ਪ੍ਰਸ਼ੰਸਕ ਹੋਏ ਬੇਕਾਬੂ, 7 ਸਾਲ ਬਾਅਦ ਪੁਰਾਣੀ ਟੀਮ 'ਚ ਵਾਪਸੀ IPL 2024 Gautam Gambhir Returns To Kolkata After 7 Years Fanfare Ahead Of IPL 2024 watch video here Gautam Gambhir: ਗੌਤਮ ਗੰਭੀਰ ਨੂੰ ਦੇਖ KKR ਦੇ ਪ੍ਰਸ਼ੰਸਕ ਹੋਏ ਬੇਕਾਬੂ, 7 ਸਾਲ ਬਾਅਦ ਪੁਰਾਣੀ ਟੀਮ 'ਚ ਵਾਪਸੀ](https://feeds.abplive.com/onecms/images/uploaded-images/2024/03/15/67d3708ecb3783232800e3b3a1a8c2121710476055864709_original.jpg?impolicy=abp_cdn&imwidth=1200&height=675)
Gautam Gambhir: ਗੌਤਮ ਗੰਭੀਰ ਆਈਪੀਐਲ 2024 ਤੋਂ ਪਹਿਲਾਂ ਆਪਣੀ ਪੁਰਾਣੀ ਟੀਮ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਵਿੱਚ ਵਾਪਸ ਆ ਗਏ ਹਨ। ਇਸ ਸਾਲ ਗੰਭੀਰ ਕੇਕੇਆਰ ਦੇ ਮੈਂਟਰ ਵਜੋਂ ਨਜ਼ਰ ਆਉਣਗੇ। ਉਹ 7 ਸਾਲ ਬਾਅਦ ਆਪਣੀ ਪੁਰਾਣੀ ਟੀਮ 'ਚ ਵਾਪਸੀ ਕਰ ਰਿਹਾ ਹੈ। ਗੰਭੀਰ ਕੋਲਕਾਤਾ ਨੂੰ ਚੈਂਪੀਅਨ ਬਣਾਉਣ ਵਾਲੇ ਕਪਤਾਨ ਰਹੇ ਹਨ। ਅਜਿਹੇ 'ਚ ਉਸ ਦੀ ਵਾਪਸੀ ਇੱਕ ਵਾਰ ਫਿਰ ਟੀਮ ਲਈ ਫਾਇਦੇਮੰਦ ਸਾਬਤ ਹੋ ਸਕਦੀ ਹੈ। ਗੰਭੀਰ ਨੂੰ ਆਪਣੀ ਪੁਰਾਣੀ ਟੀਮ 'ਚ ਵਾਪਸੀ ਕਰਦੇ ਦੇਖ ਕੇ ਪ੍ਰਸ਼ੰਸਕ ਬੇਕਾਬੂ ਹੋ ਗਏ।
ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਕੇਕੇਆਰ ਦੇ ਪ੍ਰਸ਼ੰਸਕ ਗੰਭੀਰ ਨੂੰ ਦੇਖ ਕੇ ਬੇਕਾਬੂ ਹੋ ਰਹੇ ਹਨ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਗੰਭੀਰ ਆ ਰਹੇ ਹਨ ਅਤੇ ਪ੍ਰਸ਼ੰਸਕ ਉਨ੍ਹਾਂ ਦਾ ਇੰਤਜ਼ਾਰ ਕਰ ਰਹੇ ਹਨ। ਗੰਭੀਰ ਨੂੰ ਦੇਖਦੇ ਹੀ ਪ੍ਰਸ਼ੰਸਕ 'ਜੀ-ਜੀ' ਦੇ ਨਾਅਰੇ ਲੱਗਣ ਲੱਗਦੇ ਹਨ, ਜੋ ਉਨ੍ਹਾਂ ਦੇ ਨਾਂਅ ਦਾ ਸ਼ੌਟ ਫੌਮ ਹੈ। ਇਸ ਦੌਰਾਨ ਕੁਝ ਪ੍ਰਸ਼ੰਸਕ ਪੋਸਟਰਾਂ ਨਾਲ ਵੀ ਨਜ਼ਰ ਆਏ।
ਇਸ ਦੌਰਾਨ ਗੰਭੀਰ ਨੇ ਮੀਡੀਆ ਨਾਲ ਵੀ ਗੱਲਬਾਤ ਕੀਤੀ। ਪਰ ਪ੍ਰਸ਼ੰਸਕ ਉਸ ਦੇ ਨਾਂ 'ਤੇ ਨਾਅਰੇ ਲਗਾਉਂਦੇ ਰਹੇ। ਪ੍ਰਸ਼ੰਸਕਾਂ ਨੇ ਗੰਭੀਰ ਨੂੰ ਚਾਰੋਂ ਪਾਸਿਓਂ ਘੇਰ ਲਿਆ। ਇਸ ਦੌਰਾਨ ਇੱਕ ਪ੍ਰਸ਼ੰਸਕ ਨੂੰ 'ਘਰ ਵਾਪਸੀ' ਕਹਿੰਦੇ ਹੋਏ ਵੀ ਸੁਣਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਕੁਝ ਪ੍ਰਸ਼ੰਸਕਾਂ ਨੇ ਗੰਭੀਰ ਨੂੰ ਕੇਕੇਆਰ ਦਾ ਬੌਸ ਵੀ ਕਿਹਾ।
The craze for Gautam Gambhir in Kolkata.
— Mufaddal Vohra (@mufaddal_vohra) March 14, 2024
- GG is back with KKR after 7 long years!pic.twitter.com/qLwR7ypntS
ਇਸ ਤੋਂ ਪਹਿਲਾਂ ਲਖਨਊ ਸੁਪਰ ਜਾਇੰਟਸ ਦਾ ਹਿੱਸਾ ਸੀ
ਤੁਹਾਨੂੰ ਦੱਸ ਦੇਈਏ ਕਿ ਗੰਭੀਰ ਇਸ ਤੋਂ ਪਹਿਲਾਂ ਲਖਨਊ ਸੁਪਰ ਜਾਇੰਟਸ ਦੇ ਨਾਲ ਮੌਜੂਦ ਸਨ। ਉਹ ਪਿਛਲੇ ਦੋ ਸਾਲਾਂ (2022 ਅਤੇ 2023) ਲਈ ਲਖਨਊ ਸੁਪਰ ਜਾਇੰਟਸ ਦੇ ਮੈਂਟਰ ਸਨ। ਦੋਵਾਂ ਸੀਜ਼ਨਾਂ 'ਚ ਗੰਭੀਰ ਦੀ ਮੇਨਟਰਸ਼ਿਪ 'ਚ ਲਖਨਊ ਪਲੇਆਫ 'ਚ ਪਹੁੰਚੀ। ਪਰ ਹੁਣ 2024 ਆਈਪੀਐਲ ਤੋਂ ਪਹਿਲਾਂ, ਉਹ ਇੱਕ ਸਲਾਹਕਾਰ ਦੇ ਰੂਪ ਵਿੱਚ ਆਪਣੀ ਪੁਰਾਣੀ ਫਰੈਂਚਾਇਜ਼ੀ ਕੇਕੇਆਰ ਵਿੱਚ ਵਾਪਸ ਆ ਗਿਆ ਹੈ।
ਕੇਕੇਆਰ ਲਈ ਅਜਿਹਾ ਰਿਹਾ ਗੰਭੀਰ ਦਾ ਪ੍ਰਦਰਸ਼ਨ
ਧਿਆਨ ਯੋਗ ਹੈ ਕਿ ਗੰਭੀਰ ਆਪਣੇ ਆਈਪੀਐਲ ਕਰੀਅਰ ਵਿੱਚ ਕੇਕੇਆਰ ਅਤੇ ਦਿੱਲੀ ਕੈਪੀਟਲਸ ਲਈ ਖੇਡਿਆ ਹੈ। ਉਸਨੇ 2011 ਅਤੇ 2017 ਦੇ ਵਿਚਕਾਰ ਕੇਕੇਆਰ ਲਈ 108 ਮੈਚ ਖੇਡੇ, 31.61 ਦੀ ਔਸਤ ਅਤੇ 124.28 ਦੀ ਸਟ੍ਰਾਈਕ ਰੇਟ ਨਾਲ 3035 ਦੌੜਾਂ ਬਣਾਈਆਂ। ਹੁਣ 2017 ਤੋਂ ਬਾਅਦ ਉਹ 2024 ਵਿੱਚ ਕੋਲਕਾਤਾ ਪਰਤਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)