Yuzvendra Chahal: ਆਈਪੀਐੱਲ 2024 ਦਾ 24ਵਾਂ ਮੈਚ ਰਾਜਸਥਾਨ ਰਾਇਲਜ਼ ਅਤੇ ਗੁਜਰਾਤ ਟਾਈਟਨਸ ਵਿਚਾਲੇ ਖੇਡਿਆ ਜਾਵੇਗਾ। ਇਸ ਮੈਚ ਤੋਂ ਪਹਿਲਾਂ ਅਭਿਆਸ ਸੈਸ਼ਨ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਯੁਜਵੇਂਦਰ ਚਾਹਲ ਜੀਟੀ ਪਲੇਅਰ ਨਾਲ ਅਜੀਬ ਹਰਕਤਾਂ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਤੋਂ ਬਾਅਦ ਜੀਟੀ ਪਲੇਅਰ ਨੇ ਯੁਜਵੇਂਦਰ ਦੇ ਵਾਲ ਫੜ ਲਏ। ਜਾਣੋ ਉਸ ਤੋਂ ਬਾਅਦ ਕੀ ਹੋਇਆ।
GT ਪਲੇਅਰ ਨੇ ਯੁਜਵੇਂਦਰ ਚਾਹਲ ਦੇ ਵਾਲ ਕਿਉਂ ਫੜੇ?
ਜੇਕਰ ਤੁਸੀਂ ਕਿਸੇ ਨੂੰ ਪਰੇਸ਼ਾਨ ਕਰਦੇ ਹੋ, ਤਾਂ ਉਹ ਵਿਅਕਤੀ ਤੁਹਾਡੇ ਨਾਲ ਕੀ ਕਰੇਗਾ? ਯੁਜਵੇਂਦਰ ਚਾਹਲ ਨਾਲ ਵੀ ਅਜਿਹਾ ਹੀ ਹੋਇਆ ਹੈ। ਦਰਅਸਲ, ਮੋਹਿਤ ਸ਼ਰਮਾ, ਸੰਦੀਪ ਸ਼ਰਮਾ ਅਤੇ ਰਾਹੁਲ ਤਿਵਾਤੀਆ ਆਪਸ ਵਿੱਚ ਗੱਲਾਂ ਕਰ ਰਹੇ ਸਨ। ਇਸ ਤੋਂ ਬਾਅਦ ਯੁਜਵੇਂਦਰ ਚਾਹਲ ਦੀ ਐਂਟਰੀ ਹੋਈ। ਯੁਜਵੇਂਦਰ ਆਉਂਦੇ ਹੀ ਰਾਹੁਲ ਦਾ ਬੱਲਾ ਬਾਹਰ ਕੱਢਣ ਲੱਗਦੇ ਹਨ ਅਤੇ ਬੱਲੇ ਨੂੰ ਸਵਿੰਗ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਰਾਹੁਲ ਤੇਵਤੀਆ ਇਸ ਹਰਕਤ ਤੋਂ ਪਰੇਸ਼ਾਨ ਹੋ ਜਾਂਦੇ ਹਨ। ਇਸ ਤੋਂ ਬਾਅਦ ਰਾਹੁਲ ਨੇ ਯੁਜਵੇਂਦਰ ਦੇ ਵਾਲ ਫੜ ਲਏ। ਫਿਰ ਉੱਥੇ ਮੌਜੂਦ ਸਾਰੇ ਲੋਕ ਹੱਸਣ ਲੱਗ ਪੈਂਦੇ ਹਨ।
ਦਰਅਸਲ ਇਹ ਇਕ ਮਜ਼ਾਕੀਆ ਵੀਡੀਓ ਹੈ, ਜਿਸ ਨੂੰ ਗੁਜਰਾਤ ਟਾਈਟਨਸ ਦੇ ਸੋਸ਼ਲ ਮੀਡੀਆ ਪੇਜ਼ ਉੱਪਰ ਸ਼ੇਅਰ ਕੀਤਾ ਹੈ। ਇਸ ਪੋਸਟ 'ਤੇ ਫੈਨਜ਼ ਵੀ ਕਾਫੀ ਕਮੈਂਟ ਕਰ ਰਹੇ ਹਨ। ਇੱਥੇ ਵੇਖੋ ਮਜ਼ਾਕੀਆ ਵੀਡੀਓ...
IPL 2024 ਦਾ 24ਵਾਂ ਮੈਚ RR ਬਨਾਮ GT
ਅੱਜ ਯਾਨੀ 10 ਅਪ੍ਰੈਲ ਨੂੰ IPL 2024 ਦਾ 24ਵਾਂ ਮੈਚ ਖੇਡਿਆ ਜਾਵੇਗਾ। ਇਸ 'ਚ ਰਾਜਸਥਾਨ ਰਾਇਲਜ਼ ਅਤੇ ਗੁਜਰਾਤ ਟਾਈਟਨਸ ਦੀ ਟੀਮ ਆਹਮੋ-ਸਾਹਮਣੇ ਹੋਵੇਗੀ। ਇਹ ਮੈਚ ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ 'ਚ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ। ਇਹ ਆਰਆਰ ਦਾ ਪੰਜਵਾਂ ਮੈਚ ਹੈ ਜਦਕਿ ਜੀਟੀ ਦਾ ਇਹ ਛੇਵਾਂ ਮੈਚ ਹੈ। ਅੰਕ ਸੂਚੀ 'ਚ ਰਾਜਸਥਾਨ ਅੱਠ ਅੰਕਾਂ ਨਾਲ ਪਹਿਲੇ ਸਥਾਨ 'ਤੇ ਹੈ। ਇਸ ਤਰ੍ਹਾਂ ਗੁਜਰਾਤ ਚਾਰ ਅੰਕਾਂ ਨਾਲ ਸੱਤਵੇਂ ਸਥਾਨ 'ਤੇ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਰਾਜਸਥਾਨ ਰਾਇਲਸ ਨੇ ਹੁਣ ਤੱਕ ਆਪਣੀ ਜਿੱਤ ਦਾ ਸਿਲਸਿਲਾ ਬਰਕਰਾਰ ਰੱਖਿਆ ਹੈ।
Read More: SRH vs PBKS: ਅਰਸ਼ਦੀਪ ਨੇ ਸੁਧਾਰੀ ਸ਼ਿਖਰ ਧਵਨ ਦੀ ਗਲਤੀ, ਡੁੱਬਣ ਤੋਂ ਇੰਝ ਬਚਾਈ ਪੰਜਾਬ ਕਿੰਗਜ਼