ਸਟੇਡੀਅਮ ਜਾ ਕੇ ਦੇਖਣਾ ਚਾਹੁੰਦੇ ਹੋ IPL ਦਾ ਫਾਈਨਲ? ਜਾਣੋ ਕਦੋਂ ਅਤੇ ਕਿੱਥੋਂ ਬੁੱਕ ਕਰਵਾ ਸਕਦੇ ਟਿਕਟਾਂ; ਇੱਕ ਕਲਿੱਕ 'ਚ ਪੜ੍ਹੋ ਪੂਰੀ ਜਾਣਕਾਰੀ
IPL 2025 Final Tickets: IPL 2025 ਦਾ ਪਲੇਆਫ ਪੜਾਅ 29 ਮਈ ਤੋਂ ਸ਼ੁਰੂ ਹੋਣ ਵਾਲਾ ਹੈ। ਆਓ ਜਾਣਦੇ ਹਾਂ ਕਿ ਫਾਈਨਲ ਮੈਚ ਦੀ ਟਿਕਟ ਕਿਵੇਂ ਖਰੀਦ ਸਕਦੇ ਹੋ।
IPL 2025 Final Tickets: IPL 2025 ਵਿੱਚ ਪਲੇਆਫ ਮੈਚ 29 ਮਈ ਤੋਂ ਸ਼ੁਰੂ ਹੋ ਜਾਣਗੇ। ਇਸ ਤੋਂ ਪਹਿਲਾਂ ਵੀ, ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਐਲਾਨ ਕੀਤਾ ਸੀ ਕਿ ਪਲੇਆਫ ਮੈਚਾਂ ਲਈ ਟਿਕਟਾਂ ਦੀ ਵਿਕਰੀ ਸ਼ਨੀਵਾਰ, 24 ਮਈ ਤੋਂ ਸ਼ੁਰੂ ਹੋ ਗਈ ਹੈ।
ਤੁਹਾਨੂੰ ਦੱਸ ਦਈਏ ਕਿ ਪਹਿਲਾ ਕੁਆਲੀਫਾਇਰ ਐਲੀਮੀਨੇਟਰ ਮੈਚ 29 ਮਈ, 30 ਮਈ ਅਤੇ ਦੂਜਾ ਕੁਆਲੀਫਾਇਰ ਮੈਚ 1 ਜੂਨ ਨੂੰ ਖੇਡਿਆ ਜਾਣਾ ਹੈ। ਇਸ ਦੇ ਨਾਲ ਹੀ, ਫਾਈਨਲ ਮੈਚ (IPL 2025 ਫਾਈਨਲ) 3 ਜੂਨ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਫਾਈਨਲ ਮੈਚ ਲਈ ਟਿਕਟਾਂ ਕਿਵੇਂ ਬੁੱਕ ਕਰ ਸਕਦੇ ਹਾਂ?
ਡਿਸਟ੍ਰਿਕਟ ਬਾਏ ਜ਼ੋਮੈਟੋ ਨੂੰ ਪਲੇਆਫ ਮੈਚਾਂ ਲਈ ਅਧਿਕਾਰਤ ਟਿਕਟਿੰਗ ਏਜੰਸੀ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਜੇਕਰ ਤੁਸੀਂ ਫਾਈਨਲ ਅਤੇ ਹੋਰ ਪਲੇਆਫ ਮੈਚਾਂ ਲਈ ਟਿਕਟਾਂ ਬੁੱਕ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਸਕਦੇ ਹੋ। ਇਸ ਤੋਂ ਇਲਾਵਾ, ਟਿਕਟਾਂ ਡਿਸਟ੍ਰਿਕਟ ਬਾਏ ਜ਼ੋਮੈਟੋ ਵੈੱਬਸਾਈਟ ਰਾਹੀਂ ਵੀ ਬੁੱਕ ਕੀਤੀਆਂ ਜਾ ਸਕਦੀਆਂ ਹਨ।
ਇਦਾਂ ਬੁੱਕ ਕਰੋ ਟਿਕਟ
ਪਹਿਲਾਂ ਤੁਹਾਨੂੰ ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਡਿਸਟ੍ਰਿਕਟ ਬਾਏ ਜ਼ੋਮੈਟੋ ਦੀ ਵੈੱਬਸਾਈਟ ਜਾਂ ਐਪਲੀਕੇਸ਼ਨ 'ਤੇ ਜਾਣਾ ਪਵੇਗਾ। ਇਸ ਤੋਂ ਬਾਅਦ ਚੁਣੋ ਕਿ ਤੁਸੀਂ ਕੁਆਲੀਫਾਇਰ 1 ਜਾਂ 2, ਐਲੀਮੀਨੇਟਰ ਜਾਂ ਤੁਹਾਨੂੰ ਫਾਈਨਲ ਮੈਚ ਲਈ ਟਿਕਟ ਖਰੀਦਣਾ ਹੈ। ਇਸ ਤੋਂ ਬਾਅਦ ਸਲੈਕਟ ਕਰੋ ਕਿ ਤੁਸੀਂ ਸਟੇਡੀਅਮ ਵਿੱਚ ਕਿੱਥੇ ਅਤੇ ਕਿੰਨੀਆਂ ਟਿਕਟਾਂ ਖਰੀਦਣਾ ਚਾਹੁੰਦੇ ਹੋ। ਇਸ ਤੋਂ ਬਾਅਦ ਤੁਹਾਨੂੰ ਡਿਟੇਲਸ ਭਰਨੀਆਂ ਪੈਣਗੀਆਂ ਅਤੇ ਫਿਰ ਭੁਗਤਾਨ ਕਰਨਾ ਪਵੇਗਾ। ਤੁਸੀਂ ਉਸੇ ਪਲੇਟਫਾਰਮ ਤੋਂ ਟਿਕਟ ਡਾਊਨਲੋਡ ਕਰ ਸਕਦੇ ਹੋ ਜਿੱਥੋਂ ਤੁਸੀਂ ਟਿਕਟ ਬੁੱਕ ਕੀਤੀ ਹੈ। ਟਿਕਟ ਬੁੱਕ ਹੋਣ ਤੋਂ ਬਾਅਦ, ਤੁਹਾਨੂੰ ਈਮੇਲ ਰਾਹੀਂ ਇੱਕ ਕਨਫਰਮੇਸ਼ਨ ਆ ਜਾਵੇਗੀ।
ਪਹਿਲਾ ਕੁਆਲੀਫਾਇਰ ਅਤੇ ਐਲੀਮੀਨੇਟਰ ਮੈਚ ਮੁੱਲਾਂਪੁਰ ਦੇ ਮੈਦਾਨ 'ਚ ਖੇਡੇ ਜਾਣਗੇ। ਨਰਿੰਦਰ ਮੋਦੀ ਸਟੇਡੀਅਮ ਨੂੰ ਦੂਜੇ ਕੁਆਲੀਫਾਇਰ ਅਤੇ ਫਾਈਨਲ ਮੈਚ ਲਈ ਚੁਣਿਆ ਗਿਆ ਹੈ। ਹੁਣ ਤੱਕ, ਪੰਜਾਬ ਕਿੰਗਜ਼ ਨੇ ਕੁਆਲੀਫਾਇਰ 1 ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ, ਦੂਜੇ ਪਾਸੇ, ਮੁੰਬਈ ਇੰਡੀਅਨਜ਼ ਨੂੰ ਐਲੀਮੀਨੇਟਰ ਮੈਚ ਦੀ ਚੁਣੌਤੀ ਨੂੰ ਪਾਰ ਕਰਨਾ ਪਵੇਗਾ।
29 ਮਈ - ਪਹਿਲਾ ਕੁਆਲੀਫਾਇਰ
30 ਮਈ - ਐਲੀਮੀਨੇਟਰ
1 ਜੂਨ - ਦੂਜਾ ਕੁਆਲੀਫਾਇਰ
3 ਜੂਨ - ਫਾਈਨਲ
Before You Go
'ਮੈਨੂੰ ਫਿਰ ਧਮਕੀਆਂ ਮਿਲੀਆਂ' ਗਿਆਨੀ ਹਰਪ੍ਰੀਤ ਸਿੰਘ ਨੇ ਖੋਲੇ ਰਾਜ਼
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
