SBI ਗਾਹਕ ਧਿਆਨ ਦੇਣ, ਕੈਸ਼ ਕਢਵਾਉਣ ਦੇ ਬਦਲ ਗਏ ਨਿਯਮ, ਲੱਗੇਗਾ ਚਾਰਜ
SBI Cash Withdrawal Rules : ਜੇਕਰ ਤੁਹਾਡਾ ਖਾਤਾ ਸਟੇਟ ਬੈਂਕ ਆਫ਼ ਇੰਡੀਆ (SBI) ਵਿੱਚ ਹੈ ਅਤੇ ਤੁਸੀਂ ਮਹੀਨੇ ਵਿੱਚ ਕਈ ਵਾਰ ਕੈਸ਼ ਕਢਵਾਉਂਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਜ਼ਰੂਰੀ ਹੈ। ਬੈਂਕ ਨੇ ਬੇਸਿਕ ਸੇਵਿੰਗਜ਼ ਬੈਂਕ
SBI Cash Withdrawal Rules : ਜੇਕਰ ਤੁਹਾਡਾ ਖਾਤਾ ਸਟੇਟ ਬੈਂਕ ਆਫ਼ ਇੰਡੀਆ (SBI) ਵਿੱਚ ਹੈ ਅਤੇ ਤੁਸੀਂ ਮਹੀਨੇ ਵਿੱਚ ਕਈ ਵਾਰ ਕੈਸ਼ ਕਢਵਾਉਂਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਜ਼ਰੂਰੀ ਹੈ। ਬੈਂਕ ਨੇ ਬੇਸਿਕ ਸੇਵਿੰਗਜ਼ ਬੈਂਕ ਡਿਪਾਜ਼ਿਟ (BSBD) ਖਾਤਾ ਧਾਰਕਾਂ ਲਈ ਨਕਦੀ ਕਢਵਾਉਣ ਨਾਲ ਜੁੜੇ ਨਿਯਮਾਂ ਵਿੱਚ ਅਹਿਮ ਬਦਲਾਅ ਕੀਤਾ ਹੈ, ਜੋ 1 ਅਕਤੂਬਰ 2026 ਤੋਂ ਲਾਗੂ ਹੋਣਗੇ। ਨਵੇਂ ਨਿਯਮਾਂ ਤੋਂ ਬਾਅਦ ਇੱਕ ਮਹੀਨੇ ਵਿੱਚ ਤੈਅ ਗਿਣਤੀ ਤੋਂ ਵੱਧ ਕੈਸ਼ ਕਢਵਾਉਣ 'ਤੇ ਤੁਹਾਨੂੰ ਚਾਰਜ ਦੇਣਾ ਪੈ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ ਵਿਸਥਾਰ ਨਾਲ...
1 ਅਕਤੂਬਰ ਤੋਂ ਕੀ ਬਦਲ ਜਾਵੇਗਾ?
ਨਵੇਂ ਨਿਯਮ 1 ਅਕਤੂਬਰ 2026 ਤੋਂ ਲਾਗੂ ਹੋਣਗੇ। ਇਸ ਤੋਂ ਬਾਅਦ BSBD ਖਾਤੇ ਤੋਂ ਹਰ ਮਹੀਨੇ ਦੀਆਂ ਪਹਿਲੀਆਂ 4 ਨਕਦ ਨਿਕਾਸੀਆਂ ਮੁਫ਼ਤ ਰਹਿਣਗੀਆਂ। ਜੇਕਰ ਤੁਸੀਂ ਇੱਕ ਮਹੀਨੇ ਵਿੱਚ ਤੈਅ ਗਿਣਤੀ ਤੋਂ ਵੱਧ ਕੈਸ਼ ਕਢਵਾਉਂਦੇ ਹੋ ਤਾਂ ਤੁਹਾਨੂੰ 15 ਰੁਪਏ ਚਾਰਜ ਦੇਣਾ ਪੈ ਸਕਦਾ ਹੈ। ਇਸ ਤੋਂ ਇਲਾਵਾ 15 ਰੁਪਏ ਦੇ ਚਾਰਜ 'ਤੇ ਲਾਗੂ GST ਵੀ ਦੇਣਾ ਪਵੇਗਾ। ਖ਼ਾਸ ਗੱਲ ਇਹ ਹੈ ਕਿ ਨਵੇਂ ਨਿਯਮਾਂ ਵਿੱਚ ਡਿਜੀਟਲ ਲੈਣ-ਦੇਣ ਨੂੰ ਚਾਰ ਮੁਫ਼ਤ ਨਿਕਾਸੀਆਂ ਦੀ ਗਿਣਤੀ ਤੋਂ ਬਾਹਰ ਰੱਖਣ ਵਾਲੀ ਵਿਵਸਥਾ ਨੂੰ ਹਟਾ ਦਿੱਤਾ ਗਿਆ ਹੈ।
BSBD ਅਕਾਊਂਟ ਕੀ ਹੁੰਦਾ ਹੈ?
BSBD ਯਾਨੀ ਬੇਸਿਕ ਸੇਵਿੰਗਜ਼ ਬੈਂਕ ਡਿਪਾਜ਼ਿਟ ਅਕਾਊਂਟ ਖ਼ਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਲਈ ਬਣਾਇਆ ਗਿਆ ਹੈ, ਜੋ ਬਿਨਾਂ ਜ਼ਿਆਦਾ ਚਾਰਜ ਦੇ ਸੇਵਿੰਗਜ਼ ਅਕਾਊਂਟ ਖੋਲ੍ਹਣਾ ਚਾਹੁੰਦੇ ਹਨ। ਇਸ ਖਾਤੇ ਵਿੱਚ ਘੱਟੋ-ਘੱਟ ਬੈਲੇਂਸ ਰੱਖਣ ਦੀ ਲੋੜ ਨਹੀਂ ਹੁੰਦੀ।
SBI BSBD ਖਾਤੇ ਦੀਆਂ ਖ਼ਾਸੀਅਤਾਂ
ਖਾਤਾ ਧਾਰਕ ਨੂੰ ਬੇਸਿਕ RuPay ATM-ਕਮ-ਡੈਬਿਟ ਕਾਰਡ ਦਿੱਤਾ ਜਾਂਦਾ ਹੈ।
ਇਸ ਕਾਰਡ 'ਤੇ ਸਾਲਾਨਾ ਮੇਨਟੇਨੈਂਸ ਚਾਰਜ ਨਹੀਂ ਲੱਗਦਾ।
ਇਸ ਖਾਤੇ ਤੋਂ ਬੈਂਕ ਸ਼ਾਖਾ ਜਾਂ ATM ਰਾਹੀਂ ਪੈਸੇ ਕਢਵਾਏ ਜਾ ਸਕਦੇ ਹਨ।
ਇਸ ਖਾਤੇ ਵਿੱਚ ਚੈੱਕਬੁੱਕ ਦੀ ਸਹੂਲਤ ਨਹੀਂ ਹੁੰਦੀ।
NEFT ਅਤੇ RTGS ਵਰਗੇ ਇਲੈਕਟ੍ਰਾਨਿਕ ਤਰੀਕਿਆਂ ਰਾਹੀਂ ਪੈਸੇ ਜਮ੍ਹਾਂ ਕਰਵਾਉਣ 'ਤੇ ਕੋਈ ਫੀਸ ਨਹੀਂ ਲਈ ਜਾਂਦੀ।
ਨਿਸ਼ਕ੍ਰਿਆ ਖਾਤੇ ਨੂੰ ਮੁੜ ਐਕਟਿਵ ਕਰਵਾਉਣ ਲਈ ਕੋਈ ਫੀਸ ਨਹੀਂ ਲੱਗਦੀ।
BSBD ਅਕਾਊਂਟ ਖੋਲ੍ਹਣ ਲਈ ਕੀ ਹੈ ਨਿਯਮ?
ਜੇਕਰ ਤੁਸੀਂ SBI ਵਿੱਚ BSBD ਅਕਾਊਂਟ ਖੋਲ੍ਹਣਾ ਚਾਹੁੰਦੇ ਹੋ ਤਾਂ ਇੱਕ ਸ਼ਰਤ ਹੈ ਕਿ ਤੁਹਾਡੇ ਨਾਮ 'ਤੇ ਕੋਈ ਹੋਰ ਸੇਵਿੰਗਜ਼ ਅਕਾਊਂਟ ਨਹੀਂ ਹੋਣਾ ਚਾਹੀਦਾ। ਜੇਕਰ ਤੁਹਾਡੇ ਕੋਲ ਪਹਿਲਾਂ ਤੋਂ ਕੋਈ ਸੇਵਿੰਗਜ਼ ਅਕਾਊਂਟ ਹੈ, ਤਾਂ BSBD ਅਕਾਊਂਟ ਖੋਲ੍ਹਣ ਦੇ 30 ਦਿਨਾਂ ਦੇ ਅੰਦਰ ਪੁਰਾਣਾ ਸੇਵਿੰਗਜ਼ ਅਕਾਊਂਟ ਬੰਦ ਕਰਨਾ ਹੋਵੇਗਾ।
SBI ਗਾਹਕਾਂ ਨੂੰ ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ?
ਜੇਕਰ ਤੁਸੀਂ BSBD ਖਾਤੇ ਤੋਂ ਮਹੀਨੇ ਵਿੱਚ ਕਈ ਵਾਰ ਕੈਸ਼ ਕਢਵਾਉਂਦੇ ਹੋ, ਤਾਂ 1 ਅਕਤੂਬਰ 2026 ਤੋਂ ਲਾਗੂ ਹੋਣ ਵਾਲੇ ਇਸ ਬਦਲਾਅ ਨੂੰ ਜ਼ਰੂਰ ਧਿਆਨ ਵਿੱਚ ਰੱਖੋ।ਕਿਉਂਕਿ 4 ਵਾਰ ਮੁਫ਼ਤ ਕੈਸ਼ ਕਢਵਾਉਣ ਤੋਂ ਬਾਅਦ ਵਾਧੂ ਨਕਦ ਕਢਵਾਉਣ 'ਤੇ ਤੁਹਾਨੂੰ 15 ਰੁਪਏ ਅਤੇ ਇਸ 'ਤੇ ਲਾਗੂ GST ਦਾ ਚਾਰਜ ਦੇਣਾ ਪੈ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
