IPL 2026: ਮੁੰਬਈ ਇੰਡੀਅਨਸ 'ਚ ਇਤਿਹਾਸ ਦਾ ਸਭ ਤੋਂ ਵੱਡਾ ਤੂਫਾਨ, ਖਤਮ ਹੋਣ ਲੱਗਿਆ ਸਭ ਤੋਂ ਵੱਡਾ ਦੌਰ?
ਇਸ ਵਾਰ ਦਾ ਸੀਜ਼ਨ ਹਾਰਦਿਕ ਪੰਡਯਾ ਲਈ ਵਧੀਆ ਨਹੀਂ ਰਿਹਾ, ਕਪਤਾਨੀ ਸਾਂਭਣ ਤੋਂ ਬਾਅਦ ਲਗਤਾਰਾ ਉਨ੍ਹਾਂ ਨੂੰ ਦਬਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਮੁੰਬਈ ਇੰਡੀਅਨਜ਼ ਦਾ ਇਹ ਸੀਜ਼ਨ ਸ਼ਾਇਦ ਲੰਬੇ ਸਮੇਂ ਤੱਕ ਫੈਂਸ ਨੂੰ ਯਾਦ ਰਹੇਗਾ। ਇਸ ਦਾ ਕਾਰਨ ਲਗਾਤਾਰ ਮਿਲੀ ਹਾਰ ਅਤੇ ਟੀਮ ਦੇ ਅੰਦਰ ਵਧਦੀ ਬੇਚੈਨੀ ਹੈ। ਪੰਜ ਵਾਰ ਚੈਂਪੀਅਨ ਰਹਿ ਚੁੱਕੀ ਟੀਮ ਤੋਂ ਜਿਸ ਪ੍ਰਦਰਸ਼ਨ ਦੀ ਉੱਮੀਦ ਸੀ, ਉਹ ਮੈਦਾਨ ਵਿੱਚ ਬਿਲਕੁਲ ਵੀ ਨਹੀਂ ਦਿਖਿਆ। 14 ਮੈਚਾਂ ਵਿੱਚ 10 ਹਾਰਾਂ ਤੋਂ ਬਾਅਦ, ਟੀਮ ਟੇਬਲ ਪੁਆਇੰਟ ਵਿੱਚ ਸਭ ਤੋਂ ਹੇਠਾਂ ਰਹਿ ਗਈ। ਮੁੰਬਈ ਟੀਮ ਦੇ ਅੰਦਰ ਤਾਲਮੇਲ ਦੀ ਘਾਟ ਪੂਰੇ ਸੀਜ਼ਨ ਦੌਰਾਨ ਸਪੱਸ਼ਟ ਤੌਰ 'ਤੇ ਦਿਖਾਈ ਦਿੱਤੀ।
ਹੁਣ, ਕਪਤਾਨੀ ਨੂੰ ਲੈ ਕੇ ਸਭ ਤੋਂ ਵੱਡੀ ਚਰਚਾ ਸ਼ੁਰੂ ਹੋ ਗਈ ਹੈ। ਟੀਮ ਦੇ ਅੰਦਰ ਮੀਟਿੰਗਾਂ ਚੱਲ ਰਹੀਆਂ ਹਨ, ਅਤੇ ਇਹ ਮੰਨਿਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਇੱਕ ਵੱਡਾ ਫੈਸਲਾ ਲਿਆ ਜਾ ਸਕਦਾ ਹੈ। ਅਜਿਹੀਆਂ ਰਿਪੋਰਟਾਂ ਵੀ ਹਨ ਕਿ ਨਾ ਸਿਰਫ਼ ਕਪਤਾਨੀ ਬਲਕਿ ਕੁਝ ਵੱਡੇ ਖਿਡਾਰੀਆਂ ਦੀਆਂ ਭੂਮਿਕਾਵਾਂ 'ਤੇ ਵੀ ਮੁੜ ਵਿਚਾਰ ਕੀਤਾ ਜਾਵੇਗਾ।
ਸੀਜ਼ਨ ਦੌਰਾਨ ਕਈ ਵਾਰ ਅਜਿਹੇ ਮੌਕੇ ਆਏ ਜਦੋਂ ਟੀਮ ਦੀ ਰਣਨੀਤੀ ਮੈਦਾਨ 'ਤੇ ਕੰਮ ਨਹੀਂ ਕਰ ਸਕੀ। ਕੋਚਿੰਗ ਸਟਾਫ ਨੇ ਖਿਡਾਰੀਆਂ ਨੂੰ ਅੰਕੜਿਆਂ ਅਤੇ ਯੋਜਨਾਵਾਂ ਅਨੁਸਾਰ ਖੇਡਣ ਦੀ ਸਲਾਹ ਦਿੱਤੀ, ਪਰ ਕਈ ਮੌਕਿਆਂ 'ਤੇ, ਉਨ੍ਹਾਂ ਪਲਾਨਸ ਨੂੰ ਫੋਲੋ ਨਹੀਂ ਕੀਤਾ ਗਿਆ। ਇਸ ਕਰਕੇ ਟੀਮ ਦਬਾਅ ਵਾਲੇ ਮੈਚਾਂ ਵਿੱਚ ਵਾਰ-ਵਾਰ ਹਾਰਦੀ ਰਹੀ। ਪਾਵਰਪਲੇ ਵਿੱਚ ਹੌਲੀ ਬੱਲੇਬਾਜ਼ੀ ਅਤੇ ਕਮਜ਼ੋਰ ਗੇਂਦਬਾਜ਼ੀ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਮੁੰਬਈ ਇੰਡੀਅਨਜ਼ ਨੂੰ ਪਰੇਸ਼ਾਨ ਕੀਤਾ।
ਦੂਜੇ ਪਾਸੇ, ਰਾਜਸਥਾਨ ਰਾਇਲਜ਼ ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ ਵਰਗੀਆਂ ਟੀਮਾਂ ਨੇ ਹਮਲਾਵਰ ਕ੍ਰਿਕਟ ਖੇਡ ਕੇ ਆਪਣੀ ਵੱਖਰੀ ਪਛਾਣ ਬਣਾਈ। ਗੁਜਰਾਤ ਟਾਈਟਨਜ਼ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਨੇ ਆਪਣੀ ਤਜਰਬੇਕਾਰ ਗੇਂਦਬਾਜ਼ੀ ਦੀ ਬਦੌਲਤ ਲਗਾਤਾਰ ਮੈਚ ਜਿੱਤੇ। ਮੁੰਬਈ ਇੰਡੀਅਨਜ਼ ਇਨ੍ਹਾਂ ਟੀਮਾਂ ਤੋਂ ਬਹੁਤ ਪਿੱਛੇ ਰਹਿ ਗਈ।
ਹਾਰਦਿਕ ਪੰਡਯਾ ਲਈ ਇਹ ਸਮਾਂ ਆਸਾਨ ਨਹੀਂ ਰਿਹਾ। ਕਪਤਾਨ ਬਣਨ ਤੋਂ ਬਾਅਦ ਤੋਂ ਹੀ ਉਨ੍ਹਾਂ ਨੂੰ ਲਗਾਤਾਰ ਦਬਾਅ ਦਾ ਸਾਹਮਣਾ ਕਰਨਾ ਪਿਆ ਹੈ। ਪ੍ਰਸ਼ੰਸਕਾਂ ਦਾ ਗੁੱਸਾ ਕਈ ਵਾਰ ਸਟੇਡੀਅਮਾਂ ਵਿੱਚ ਦਿਖਾਈ ਦਿੱਤਾ ਹੈ। ਪਿਛਲੇ ਦੋ ਸੀਜ਼ਨਾਂ ਨੇ ਵਾਪਸੀ ਦੀਆਂ ਉਮੀਦਾਂ ਜਗਾਈਆਂ ਸਨ, ਪਰ ਇਸ ਸੀਜ਼ਨ ਵਿੱਚ ਉਨ੍ਹਾਂ ਦਾ ਪ੍ਰਦਰਸ਼ਨ ਖਰਾ ਨਹੀਂ ਉਤਰਿਆ ਹੈ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
Before You Go
'ਮੈਨੂੰ ਫਿਰ ਧਮਕੀਆਂ ਮਿਲੀਆਂ' ਗਿਆਨੀ ਹਰਪ੍ਰੀਤ ਸਿੰਘ ਨੇ ਖੋਲੇ ਰਾਜ਼
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
