Virat Kohli Troll: ਭਾਰਤੀ ਟੀਮ ਦੇ ਦਿੱਗਜ ਸਟਾਰ ਖਿਡਾਰੀ ਵਿਰਾਟ ਕੋਹਲੀ (Kohli) ਅਤੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ (MS Dhoni) ਵਿਚਕਾਰ ਖਾਸ ਰਿਸ਼ਤਾ ਹੈ। ਖੇਡਾਂ ਤੋਂ ਲੈਕੇ ਮੈਦਾਨ ਤੋਂ ਬਾਹਰ ਤੱਕ, ਦੋਵਾਂ ਵਿਚਾਲੇ ਬਹੁਤ ਵਧੀਆ ਬਾਂਡ ਦੇਖਣ ਨੂੰ ਮਿਲਦਾ ਹੈ। ਕੋਹਲੀ ਮਹਿੰਦਰ ਸਿੰਘ ਧੋਨੀ ਨੂੰ ਆਪਣਾ ਵੱਡਾ ਭਰਾ ਮੰਨਦੇ ਹਨ। ਇਸ ਕਾਰਨ ਵਿਰਾਟ ਕੋਹਲੀ ਨੇ ਪਿਛਲੇ ਸੋਮਵਾਰ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਸਟੋਰੀ ਸ਼ੇਅਰ ਕੀਤੀ, ਜਿਸ 'ਚ ਪਾਣੀ ਦੀ ਬੋਤਲ 'ਤੇ ਮਹਿੰਦਰ ਸਿੰਘ ਧੋਨੀ ਦੀ ਫੋਟੋ ਸੀ। ਕੋਹਲੀ ਦੀ ਇਹ ਸਟੋਰੀ ਕੁਝ ਲੋਕਾਂ ਨੂੰ ਕਾਫੀ ਪਸੰਦ ਆਈ। ਇਸ ਦੇ ਨਾਲ ਹੀ ਕੁਝ ਲੋਕਾਂ ਨੇ ਇਸ ਸਟੋਰੀ ਲਈ ਕੋਹਲੀ ਨੂੰ ਟ੍ਰੋਲ ਕੀਤਾ।
ਲੋਕਾਂ ਨੇ ਟ੍ਰੋਲ ਕੀਤਾ
ਇਸ ਸਟੋਰੀ ਨੂੰ ਸ਼ੇਅਰ ਕਰਦਿਆਂ ਕੋਹਲੀ ਨੇ ਕੈਪਸ਼ਨ ਲਿਖਿਆ, "ਉਹ (ਮਹਿੰਦਰ ਸਿੰਘ ਧੋਨੀ) ਹਰ ਜਗ੍ਹਾ ਹੈ, ਇੱਥੋਂ ਤੱਕ ਕਿ ਪਾਣੀ ਦੀ ਬੋਤਲ 'ਤੇ ਵੀ।" ਵਿਰਾਟ ਨੇ ਇਸ ਸਟੋਰੀ 'ਚ ਮਹਿੰਦਰ ਸਿੰਘ ਧੋਨੀ ਨੂੰ ਵੀ ਟੈਗ ਕੀਤਾ ਸੀ। ਹੁਣ ਵਿਰਾਟ ਦੀ ਇਹ ਸਟੋਰੀ ਉਨ੍ਹਾਂ ਲਈ ਮੁਸ਼ਕਿਲ ਬਣਦੀ ਨਜ਼ਰ ਆ ਰਹੀ ਹੈ। ਇਸ ਸਟੋਰੀ ਨੂੰ ਲੈ ਕੇ ਲੋਕਾਂ ਨੇ ਕੋਹਲੀ ਨੂੰ ਟਵਿਟਰ 'ਤੇ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਕੁਝ ਲੋਕ ਕੋਹਲੀ ਦੀ ਇਸ ਹਰਕਤ ਨੂੰ ਬਚਕਾਨਾ ਕਹਿ ਰਹੇ ਹਨ ਤਾਂ ਕੁਝ ਲੋਕ ਕਹਿ ਰਹੇ ਹਨ ਕਿ 34 ਸਾਲਾ ਵਿਅਕਤੀ ਨੂੰ ਵੱਡਾ ਹੋਣਾ ਚਾਹੀਦਾ ਹੈ।
ਲੋਕਾਂ ਨੇ ਅਜਿਹੇ ਪ੍ਰਤੀਕਰਮ ਦਿੱਤੇ
ਜ਼ਿਕਰਯੋਗ ਹੈ ਕਿ ਵਿਰਾਟ ਕੋਹਲੀ ਨੇ ਹਾਲ ਹੀ ਆਪਣੀ ਟੈਸਟ ਕਪਤਾਨੀ ਛੱਡਣ ਦੀ ਗੱਲ 'ਚ ਮਹਿੰਦਰ ਸਿੰਘ ਧੋਨੀ ਦਾ ਜ਼ਿਕਰ ਕੀਤਾ ਸੀ। ਕੋਹਲੀ ਨੇ ਦੱਸਿਆ ਸੀ ਕਿ ਟੈਸਟ ਕਪਤਾਨੀ ਛੱਡਣ ਤੋਂ ਬਾਅਦ ਉਨ੍ਹਾਂ ਨੂੰ ਸਿਰਫ ਮਹਿੰਦਰ ਸਿੰਘ ਦਾ ਸੰਦੇਸ਼ ਆਇਆ ਸੀ। ਕੋਹਲੀ ਨੇ ਪ੍ਰੈੱਸ ਕਾਨਫਰੰਸ 'ਚ ਕਿਹਾ, ''ਮੈਂ ਤੁਹਾਨੂੰ ਇੱਕ ਗੱਲ ਦੱਸ ਸਕਦਾ ਹਾਂ। ਜਦੋਂ ਮੈਂ ਟੈਸਟ ਕਪਤਾਨੀ ਛੱਡੀ ਤਾਂ ਮੈਨੂੰ ਸਿਰਫ਼ ਇੱਕ ਵਿਅਕਤੀ ਦਾ ਸੁਨੇਹਾ ਮਿਲਿਆ, ਜਿਸ ਨਾਲ ਮੈਂ ਪਹਿਲਾਂ ਖੇਡਿਆ ਹੈ- ਉਹ ਮਹਿੰਦਰ ਸਿੰਘ ਧੋਨੀ ਸੀ। ਕਈਆਂ ਕੋਲ ਮੇਰਾ ਨੰਬਰ ਸੀ"