Lionel Messi ਨੂੰ ਪਛਾੜ Virat Kohli ਨੇ ਇਹ ਖਿਤਾਬ ਕੀਤਾ ਆਪਣੇ ਨਾਂਅ, ਇਸ ਲਿਸਟ 'ਚ ਬਣਾਈ ਜਗ੍ਹਾ
Pubity Sport Men Athlete of the Year Award: ਟੀਮ ਇੰਡੀਆ ਦੇ ਸੁਪਰਸਟਾਰ ਵਿਰਾਟ ਕੋਹਲੀ ਸਾਲ ਦੇ ਸਰਵੋਤਮ ਪੁਰਸ਼ ਅਥਲੀਟ ਪਬਿਟੀ (Pubity Male Athlete of the year) ਦੇ ਜੇਤੂ ਬਣ ਗਏ ਹਨ। ਉਸ ਨੇ ਫਾਈਨਲ ਵਿੱਚ
Pubity Sport Men Athlete of the Year Award: ਟੀਮ ਇੰਡੀਆ ਦੇ ਸੁਪਰਸਟਾਰ ਵਿਰਾਟ ਕੋਹਲੀ ਸਾਲ ਦੇ ਸਰਵੋਤਮ ਪੁਰਸ਼ ਅਥਲੀਟ ਪਬਿਟੀ (Pubity Male Athlete of the year) ਦੇ ਜੇਤੂ ਬਣ ਗਏ ਹਨ। ਉਸ ਨੇ ਫਾਈਨਲ ਵਿੱਚ ਮਹਾਨ ਫੁੱਟਬਾਲਰ ਲਿਓਨਲ ਮੇਸੀ ਨੂੰ ਹਰਾਇਆ। ਇਸ ਐਵਾਰਡ ਲਈ 5 ਲੱਖ ਲੋਕਾਂ ਨੇ ਵੋਟ ਕੀਤਾ, ਜਿਸ 'ਚ ਕੋਹਲੀ ਨੂੰ 78 ਫੀਸਦੀ ਵੋਟ ਮਿਲੇ। ਜਦੋਂ ਕਿ ਮੇਸੀ ਨੂੰ ਸਿਰਫ਼ 22 ਫ਼ੀਸਦੀ ਵੋਟਾਂ ਹੀ ਮਿਲ ਸਕੀਆਂ। Pubity Sport ਨੇ 31 ਦਸੰਬਰ ਨੂੰ ਜੇਤੂ ਦਾ ਐਲਾਨ ਕੀਤਾ।
View this post on Instagram
ਕੋਹਲੀ ਨੇ ਇਨ੍ਹਾਂ ਦਿੱਗਜਾਂ ਨੂੰ ਹਰਾਇਆ
ਜਾਣਕਾਰੀ ਲਈ ਦੱਸ ਦੇਈਏ ਕਿ ਕਿੰਗ ਕੋਹਲੀ ਨੋਵਾਕ ਜੋਕੋਵਿਚ, ਕਾਰਲੋਸ ਅਲਕਾਰਜ਼, ਲੇਬਰੋਨ ਜੇਮਜ਼, ਮੈਕਸ ਵਰਸਟੈਪੇਨ ਅਤੇ ਲਿਓਨਲ ਮੇਸੀ ਵਰਗੇ ਦਿੱਗਜ ਖਿਡਾਰੀਆਂ ਨਾਲ ਪਿਊਬਰਟੀ ਮੇਲ ਅਥਲੀਟ ਆਫ ਦਿ ਈਅਰ ਅਵਾਰਡ ਲਈ ਮੁਕਾਬਲਾ ਕਰ ਰਹੇ ਸਨ। ਕੋਹਲੀ ਅਤੇ ਮੇਸੀ ਨੂੰ ਫਾਈਨਲਿਸਟ ਚੁਣਿਆ ਗਿਆ। ਅਰਜਨਟੀਨੀ ਫੁਟਬਾਲ ਸੁਪਰਸਟਾਰ ਹਾਲ ਹੀ ਵਿੱਚ ਟਾਈਮਜ਼ ਅਥਲੀਟ ਆਫ ਦਿ ਈਅਰ ਬਣਿਆ। ਅਜਿਹੇ 'ਚ ਕੋਹਲੀ ਦਾ ਰਾਹ ਮੁਸ਼ਕਿਲ ਲੱਗ ਰਿਹਾ ਸੀ, ਹਾਲਾਂਕਿ ਮੇਸੀ ਕ੍ਰਿਕਟਰ ਦੀ ਲੋਕਪ੍ਰਿਅਤਾ ਦੇ ਸਾਹਮਣੇ ਟਿਕ ਨਹੀਂ ਸਕੇ।
ਵਿਰਾਟ ਦਾ ਪੂਰਾ ਸਾਲ ਦਬਦਬਾ ਰਿਹਾ
ਇਸ ਗੱਲ ਤੋਂ ਹਰ ਕੋਈ ਜਾਣੂ ਹੈ ਕਿ ਸਾਲ 2023 ਵਿਰਾਟ ਕੋਹਲੀ ਲਈ ਖਾਸ ਰਿਹਾ। ਉਸ ਨੇ ਇਸ ਸਾਲ ਕਈ ਵੱਡੇ ਰਿਕਾਰਡ ਤੋੜੇ। ਕੋਹਲੀ ਵਨਡੇ 'ਚ 50 ਸੈਂਕੜੇ ਲਗਾਉਣ ਵਾਲੇ ਪਹਿਲੇ ਬੱਲੇਬਾਜ਼ ਬਣ ਗਏ ਹਨ। ਉਸ ਨੇ ਵਿਸ਼ਵ ਕੱਪ ਦੌਰਾਨ ਸਚਿਨ ਤੇਂਦੁਲਕਰ ਦਾ ਸਭ ਤੋਂ ਵੱਧ ਵਨਡੇ ਸੈਂਕੜਿਆਂ ਦਾ ਰਿਕਾਰਡ ਤੋੜ ਦਿੱਤਾ। ਕੋਹਲੀ ਨੇ ਵਿਸ਼ਵ ਕੱਪ 2023 ਵਿੱਚ 765 ਦੌੜਾਂ ਬਣਾਈਆਂ, ਜੋ ਇੱਕ ਸਿੰਗਲ ਐਡੀਸ਼ਨ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਵਿਸ਼ਵ ਰਿਕਾਰਡ ਹੈ। ਉਸ ਨੇ ਇਸ ਸਾਲ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਦੋ ਹਜ਼ਾਰ ਤੋਂ ਵੱਧ ਦੌੜਾਂ ਬਣਾਈਆਂ।
ਇਸਦੇ ਨਾਲ ਹੀ ਜੇਕਰ ਮੈਸੀ ਦੇ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ ਉਹ ਆਪਣੀ ਛਾਪ ਨਹੀਂ ਛੱਡ ਸਕੇ। ਫੀਫਾ ਵਿਸ਼ਵ ਕੱਪ 2022 ਵਿੱਚ ਅਰਜਨਟੀਨਾ ਨੂੰ ਚੈਂਪੀਅਨ ਬਣਾਉਣ ਵਾਲੇ ਇਸ ਦਿੱਗਜ ਖਿਡਾਰੀ ਨੇ ਇੰਟਰ ਮਿਆਮੀ ਨਾਲ ਕਰਾਰ ਕਰਕੇ ਸੁਰਖੀਆਂ ਬਟੋਰੀਆਂ ਸਨ। ਉਸ ਨੇ ਇਸ ਸਾਲ ਪੈਰਿਸ ਸੇਂਟ-ਜਰਮੇਨ ਨਾਲ ਸਬੰਧ ਤੋੜ ਲਏ। ਇੰਟਰ ਮਿਆਮੀ ਲਈ ਖੇਡਦੇ ਹੋਏ, ਉਸਨੇ 10 ਮੈਚਾਂ ਵਿੱਚ 11 ਗੋਲ ਕੀਤੇ, ਹਾਲਾਂਕਿ ਉਸਦੀ ਟੀਮ ਮੇਜਰ ਸੌਕਰ ਲੀਗ 2022–23 ਸੀਜ਼ਨ ਦੇ ਪਲੇਆਫ ਵਿੱਚ ਜਗ੍ਹਾ ਬਣਾਉਣ ਵਿੱਚ ਅਸਫਲ ਰਿਹਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
