(Source: ECI/ABP News/ABP Majha)
MS Dhoni: ਕੀ MS ਧੋਨੀ ਅਗਲਾ IPL ਖੇਡਣਗੇ ਜਾਂ ਨਹੀਂ ? ਸੁਰੇਸ਼ ਰੈਨਾ ਨੇ ਕੀਤਾ ਖੁਲਾਸਾ
MS Dhoni: ਚੇਨਈ ਸੁਪਰ ਕਿੰਗਜ਼ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB ਬਨਾਮ CSK) ਵਿਚਕਾਰ 18 ਮਈ ਨੂੰ ਰੋਮਾਂਚਕ ਮੈਚ ਖੇਡਿਆ ਗਿਆ। ਆਰਸੀਬੀ ਦੀ ਟੀਮ ਨੇ ਇਸ ਨੂੰ 27 ਦੌੜਾਂ ਨਾਲ ਜਿੱਤ ਲਿਆ
MS Dhoni: ਚੇਨਈ ਸੁਪਰ ਕਿੰਗਜ਼ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB ਬਨਾਮ CSK) ਵਿਚਕਾਰ 18 ਮਈ ਨੂੰ ਰੋਮਾਂਚਕ ਮੈਚ ਖੇਡਿਆ ਗਿਆ। ਆਰਸੀਬੀ ਦੀ ਟੀਮ ਨੇ ਇਸ ਨੂੰ 27 ਦੌੜਾਂ ਨਾਲ ਜਿੱਤ ਲਿਆ ਅਤੇ ਪਲੇਆਫ ਲਈ ਕੁਆਲੀਫਾਈ ਕਰ ਲਿਆ। ਦੂਜੇ ਪਾਸੇ ਇਸ ਹਾਰ ਦੇ ਨਾਲ ਹੀ ਸੀਐਸਕੇ ਦਾ ਸਫ਼ਰ ਇਸ ਸੀਜ਼ਨ ਵਿੱਚ ਇੱਥੇ ਖ਼ਤਮ ਹੋ ਗਿਆ। ਇਸ ਮੈਚ ਤੋਂ ਬਾਅਦ ਪ੍ਰਸ਼ੰਸਕਾਂ 'ਚ ਇਕ ਵਾਰ ਫਿਰ ਵੱਡਾ ਸਵਾਲ ਖੜ੍ਹਾ ਹੋ ਗਿਆ ਕਿ ਕੀ ਮਹਿੰਦਰ ਸਿੰਘ ਧੋਨੀ ਅਗਲੇ ਆਈਪੀਐੱਲ 'ਚ ਨਜ਼ਰ ਆਉਣਗੇ ਜਾਂ ਨਹੀਂ! ਚੇਨਈ ਦੇ ਸਾਬਕਾ ਖਿਡਾਰੀ ਅਤੇ ਫਿਲਹਾਲ ਕੁਮੈਂਟਰੀ ਕਰ ਰਹੇ ਸੁਰੇਸ਼ ਰੈਨਾ ਨੇ ਇਸ ਰਾਜ਼ ਦਾ ਪਰਦਾਫਾਸ਼ ਕੀਤਾ ਹੈ।
ਸੁਰੇਸ਼ ਰੈਨਾ ਨੇ ਧੋਨੀ ਨੂੰ ਲੈ ਕੇ ਕੀਤਾ ਵੱਡਾ ਖੁਲਾਸਾ
MS ਧੋਨੀ ਨੇ IPL 2024 ਤੋਂ ਪਹਿਲਾਂ ਆਪਣੀ ਫਰੈਂਚਾਈਜ਼ੀ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਛੱਡ ਦਿੱਤੀ। ਇਸ ਤੋਂ ਬਾਅਦ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਸ਼ਾਇਦ ਇਹ ਉਨ੍ਹਾਂ ਦਾ ਆਖਰੀ ਸੀਜ਼ਨ ਹੋਣ ਵਾਲਾ ਹੈ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ ਰੁਤੂਰਾਜ ਗਾਇਕਵਾੜ ਨੂੰ ਇਹ ਵੱਡੀ ਜ਼ਿੰਮੇਵਾਰੀ ਸੌਂਪੀ। ਬੀਤੇ ਦਿਨੀਂ ਜਦੋਂ ਸੀਐਸਕੇ ਦਾ ਆਰਸੀਬੀ ਦੇ ਖਿਲਾਫ ਲੀਗ ਪੜਾਅ ਦਾ ਆਖਰੀ ਮੈਚ ਸੀ, ਤਾਂ ਚਰਚਾ ਸੀ ਕਿ ਇਹ ਮੈਚ ਧੋਨੀ ਦੇ ਆਈਪੀਐਲ ਕਰੀਅਰ ਦਾ ਆਖਰੀ ਮੈਚ ਹੋ ਸਕਦਾ ਹੈ। ਹਾਰ ਤੋਂ ਬਾਅਦ ਜਦੋਂ ਮਾਹੀ (ਐੱਮ. ਐੱਸ. ਧੋਨੀ) ਖਿਡਾਰੀਆਂ ਨਾਲ ਹੱਥ ਮਿਲਾਉਣ ਦੀ ਬਜਾਏ ਆਪਣੇ ਡਰੈਸਿੰਗ ਰੂਮ 'ਚ ਗਏ ਤਾਂ ਇਨ੍ਹਾਂ ਚਰਚਾਵਾਂ ਨੂੰ ਕਾਫੀ ਹਵਾ ਮਿਲੀ। ਹਾਲਾਂਕਿ ਉਨ੍ਹਾਂ ਦੇ ਸਾਬਕਾ ਸਾਥੀ ਸੁਰੇਸ਼ ਰੈਨਾ ਇਸ ਗੱਲ ਨਾਲ ਸਹਿਮਤ ਨਹੀਂ ਹਨ। ਕੱਲ੍ਹ ਦੇ ਮੈਚ ਵਿੱਚ ਕੁਮੈਂਟਰੀ ਕਰਦੇ ਹੋਏ ਉਸ ਨੇ ਕਿਹਾ, 'ਰਿਤੁਰਾਜ ਗਾਇਕਵਾੜ ਨੂੰ ਪਰਿਪੱਕ ਹੋਣ ਲਈ ਹੋਰ ਸਮਾਂ ਚਾਹੀਦਾ ਹੈ, ਇਸ ਲਈ ਮਹਿੰਦਰ ਸਿੰਘ ਧੋਨੀ ਨੂੰ ਇਕ ਹੋਰ ਸੀਜ਼ਨ ਖੇਡਣਾ ਚਾਹੀਦਾ ਹੈ।'
CSK ਦਾ ਛੇਵੇਂ ਖਿਤਾਬ ਦਾ ਸੁਪਨਾ ਟੁੱਟ ਗਿਆ
ਮੈਚ ਨੰਬਰ 68 ਚਿੰਨਾਸਵਾਮੀ ਗਰਾਊਂਡ ਵਿਖੇ ਕਰਵਾਇਆ ਗਿਆ। ਸੀਐਸਕੇ ਦੇ ਕਪਤਾਨ ਰੁਤੁਰਾਜ ਗਾਇਕਵਾੜ ਕਈ ਮੈਚਾਂ ਤੋਂ ਬਾਅਦ ਟਾਸ ਜਿੱਤਣ ਵਿੱਚ ਸਫਲ ਰਹੇ। ਉਸ ਨੇ ਆਰਸੀਬੀ ਨੂੰ ਪਹਿਲਾਂ ਬੱਲੇਬਾਜ਼ੀ ਲਈ ਸੱਦਾ ਦਿੱਤਾ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਬੈਂਗਲੁਰੂ ਦੀ ਟੀਮ ਨੇ 20 ਓਵਰਾਂ 'ਚ 218 ਦੌੜਾਂ ਬਣਾਈਆਂ।
ਇਸ ਦੇ ਜਵਾਬ ਵਿੱਚ ਸੀਐਸਕੇ ਇੱਕ ਸਮੇਂ 19 ਦੇ ਸਕੋਰ 'ਤੇ ਦੋ ਵਿਕਟਾਂ ਗੁਆ ਕੇ ਸੰਘਰਸ਼ ਕਰ ਰਿਹਾ ਸੀ। ਰਚਿਨ ਰਵਿੰਦਰਾ ਨੇ 37 ਗੇਂਦਾਂ 'ਚ 61 ਦੌੜਾਂ ਬਣਾਈਆਂ। ਉਸ ਤੋਂ ਇਲਾਵਾ ਰਵਿੰਦਰ ਜਡੇਜਾ ਨੇ ਵੀ 22 ਗੇਂਦਾਂ ਵਿੱਚ 42 ਦੌੜਾਂ ਦਾ ਯੋਗਦਾਨ ਪਾਇਆ। ਹਾਲਾਂਕਿ ਇਸਦੇ ਬਾਵਜੂਦ ਅੰਤ ਵਿੱਚ ਇਹ ਟੀਮ 20 ਓਵਰਾਂ ਵਿੱਚ 191 ਦੌੜਾਂ ਹੀ ਬਣਾ ਸਕੀ। ਪਲੇਆਫ ਵਿੱਚ ਪਹੁੰਚਣ ਲਈ ਇਸ ਟੀਮ ਨੂੰ 201 ਦਾ ਅੰਕੜਾ ਛੂਹਣਾ ਪਿਆ। ਹਾਲਾਂਕਿ ਉਹ ਅਜਿਹਾ ਕਰਨ ਵਿੱਚ ਅਸਫਲ ਰਿਹਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
