Virat Kohli Birthday: ਅੱਜ ਭਾਰਤੀ ਕ੍ਰਿਕਟਰ ਵਿਰਾਟ ਕੋਹਲੀ ਆਪਣਾ 35ਵਾਂ ਜਨਮਦਿਨ ਮਨਾ ਰਹੇ ਹਨ। ਆਪਣੇ ਜਨਮਦਿਨ 'ਤੇ ਹੀ ਵਿਰਾਟ ਨੇ ਦੱਖਣੀ ਅਫਰੀਕਾ ਖਿਲਾਫ ਸੈਂਕੜਾ ਲਗਾਇਆ ਸੀ। ਇਸ ਨਾਲ ਵਿਰਾਟ ਕੋਹਲੀ ਨੇ ਵਨਡੇ 'ਚ ਸਚਿਨ ਤੇਂਦੁਲਕਰ ਦੇ 49 ਸੈਂਕੜਿਆਂ ਦੀ ਬਰਾਬਰੀ ਕਰ ਲਈ ਹੈ। ਵਿਰਾਟ ਨੇ ਆਪਣੇ ਜਨਮਦਿਨ 'ਤੇ ਇਸ ਰਿਕਾਰਡ ਦੀ ਬਰਾਬਰੀ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਇਕ ਖਾਸ ਤੋਹਫਾ ਦਿੱਤਾ ਹੈ।
ਵਿਰਾਟ ਕੋਹਲੀ ਨੇ ਆਪਣੇ ਜਨਮਦਿਨ 'ਤੇ ਹੀ ਦੱਖਣੀ ਅਫਰੀਕਾ ਖਿਲਾਫ ਸੈਂਕੜਾ ਲਗਾਇਆ
ਵਿਰਾਟ ਕੋਹਲੀ ਵਨਡੇ 'ਚ ਆਪਣੇ ਜਨਮਦਿਨ 'ਤੇ ਸੈਂਕੜਾ ਲਗਾਉਣ ਵਾਲੇ ਸੱਤਵੇਂ ਖਿਡਾਰੀ ਬਣ ਗਏ ਹਨ। ਇਸ ਤੋਂ ਪਹਿਲਾਂ ਸਨਥ ਜੈਸੂਰੀਆ, ਟਾਮ ਲਾਥਮ, ਰੌਸ ਟੇਲਰ, ਵਿਨੋਦ ਕਾਂਬਲੀ, ਸਚਿਨ ਤੇਂਦੁਲਕਰ ਅਤੇ ਮਿਸ਼ੇਲ ਮਾਰਸ਼ ਅਜਿਹਾ ਕਰ ਚੁੱਕੇ ਹਨ। ਉੱਥੇ ਹੀ ਰੌਸ ਟੇਲਰ, ਮਿਸ਼ੇਲ ਮਾਰਸ਼ ਅਤੇ ਕੋਹਲੀ ਵਿਸ਼ਵ ਕੱਪ ਮੈਚਾਂ ਵਿੱਚ ਅਜਿਹਾ ਕਰ ਚੁੱਕੇ ਹਨ। ਵਿਰਾਟ ਨੇ ਆਪਣੇ ਜਨਮਦਿਨ 'ਤੇ ਆਪਣੇ ਪ੍ਰਸ਼ੰਸਕਾਂ ਨੂੰ ਵੱਡਾ ਸਰਪ੍ਰਾਈਜ਼ ਦਿੱਤਾ ਹੈ। ਇਸ ਵਿਸ਼ਵ ਕੱਪ ਵਿੱਚ ਵਿਰਾਟ ਕੋਹਲੀ ਦਾ ਬੱਲਾ ਜ਼ੋਰਦਾਰ ਗਰਜਿਆ ਹੈ।
ਇਹ ਵੀ ਪੜ੍ਹੋ: Ranbir Kapoor Dance: ਅਰਿਜੀਤ ਸਿੰਘ ਦੇ ਕੰਸਰਟ 'ਚ ਰਣਬੀਰ ਕਪੂਰ ਦਾ ਜਲਵਾ, 'ਚੰਨਾ ਮੇਰਿਆ' ਗੀਤ 'ਤੇ ਡਾਂਸ ਕਰ ਲੁੱਟੀ ਮਹਿਫਲ
ਖੁਸ਼ੀ ‘ਚ ਅਨੁਸ਼ਕਾ ਸ਼ਰਮਾ ਨੇ ਪਤੀ ‘ਤੇ ਇਦਾਂ ਲੁਟਾਇਆ ਪਿਆਰ
ਇਸ ਮੌਕੇ 'ਤੇ ਵਿਰਾਟ ਕੋਹਲੀ ਦੀ ਪਤਨੀ ਅਨੁਸ਼ਕਾ ਸ਼ਰਮਾ ਨੂੰ ਬਹੁਤ ਖੁਸ਼ੀ ਹੋਈ। ਹਾਲ ਹੀ 'ਚ ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਖਾਸ ਤਰੀਕੇ ਨਾਲ ਪਤੀ ਵਿਰਾਟ ਕੋਹਲੀ ਲਈ ਖੁਸ਼ੀ ਜ਼ਾਹਰ ਕੀਤੀ ਹੈ। ਅਨੁਸ਼ਕਾ ਸ਼ਰਮਾ ਦੀ ਇਹ ਪੋਸਟ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵਿਰਾਟ ਦੀ ਫੋਟੋ ਪੋਸਟ ਕਰਦੇ ਹੋਏ ਅਦਾਕਾਰਾ ਨੇ ਲਿਖਿਆ- 'ਆਪਣੇ ਜਨਮਦਿਨ 'ਤੇ ਖੁਦ ਨੂੰ ਗਿਫਟ'। ਅਨੁਸ਼ਕਾ ਨੇ ਆਪਣੇ ਪਤੀ 'ਤੇ ਪਿਆਰ ਜਤਾਉਂਦਿਆਂ ਹੋਇਆਂ ਦਿਲ ਦਾ ਇਮੋਜੀ ਵੀ ਬਣਾਇਆ ਹੈ।
ਇਸ ਤੋਂ ਪਹਿਲਾਂ ਵੀ ਅਨੁਸ਼ਕਾ ਸ਼ਰਮਾ ਨੇ ਵਿਰਾਟ ਕੋਹਲੀ ਦੀ ਤਸਵੀਰ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤੀ ਸੀ। ਇਸ ਤਸਵੀਰ 'ਚ ਵਿਰਾਟ ਕੋਹਲੀ ਗੇਂਦਬਾਜ਼ੀ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਫੋਟੋ ਕੈਪਸ਼ਨ 'ਚ ਅਨੁਸ਼ਕਾ ਸ਼ਰਮਾ ਨੇ ਲਿਖਿਆ- 'ਤੁਸੀਂ ਜ਼ਿੰਦਗੀ ਦੇ ਹਰ ਰੋਲ 'ਚ ਸ਼ਾਨਦਾਰ ਰਹੇ ਹੋ। ਕਿਸੇ ਤਰ੍ਹਾਂ ਯਸ਼ਸਵੀ ਟੋਪੀ ਵਿੱਚ ਤੁਸੀਂ ਹੋਰ ਖੰਭ ਜੋੜ ਰਹੇ ਹੋ। ਆਈ ਲਵ ਯੂ ਫਾਰਐਵਰ।'
ਇਹ ਵੀ ਪੜ੍ਹੋ: Sidhu Moose Wala's book: ਸਿੱਧੂ ਮੂਸੇਵਾਲਾ 'ਤੇ ਲਿਖੀ ਗਈ ਕਿਤਾਬ ਅਤੇ ਫਿਲਮ ਬਣਾਉਣ ਵਾਲਿਆਂ 'ਤੇ ਭੜਕੇ ਬਲਕੌਰ ਸਿੰਘ