Sakshi Dhoni Fan Of Allu Arjun: ਕ੍ਰਿਕਟਰ ਐਮਐਸ ਧੋਨੀ ਅਤੇ ਉਨ੍ਹਾਂ ਦੀ ਪਤਨੀ ਸਾਕਸ਼ੀ ਧੋਨੀ ਹੁਣ ਫਿਲਮਾਂ ਵਿੱਚ ਆਉਣ ਦੀ ਤਿਆਰੀ ਕਰ ਰਹੇ ਹਨ। ਉਹ ਆਪਣੇ ਬੈਨਰ ਧੋਨੀ ਐਂਟਰਟੇਨਮੈਂਟ ਨਾਲ ਫਿਲਮ ਨਿਰਮਾਣ 'ਚ ਐਂਟਰੀ ਕਰਨ ਜਾ ਰਹੇ ਹਨ। ਇਸ ਦੇ ਇੱਕ ਪ੍ਰਚਾਰ ਸਮਾਗਮ ਯਾਨਿ ਪ੍ਰਮੋਸ਼ਨਲ ਇਵੈਂਟ ਦੌਰਾਨ, ਸਾਕਸ਼ੀ ਧੋਨੀ ਨੇ ਖੁਲਾਸਾ ਕੀਤਾ ਕਿ ਉਹ ਅੱਲੂ ਅਰਜੁਨ ਦੀ ਬਹੁਤ ਵੱਡੀ ਫੈਨ ਹੈ ਅਤੇ ਉਸਨੇ ਅਦਾਕਾਰ ਦੀਆਂ ਸਾਰੀਆਂ ਫਿਲਮਾਂ ਦੇਖੀਆਂ ਹਨ ਜੋ ਗੈਰ-ਤੇਲਗੂ ਦਰਸ਼ਕਾਂ ਲਈ ਹਿੰਦੀ ਵਿੱਚ ਡੱਬ ਕੀਤੀਆਂ ਗਈਆਂ ਹਨ।
ਸਾਕਸ਼ੀ ਧੋਨੀ ਅੱਲੂ ਅਰਜੁਨ ਦੀ ਬਹੁਤ ਵੱਡੀ ਫੈਨ ਹੈ
ਐਮਐਸ ਧੋਨੀ ਅਤੇ ਸਾਕਸ਼ੀ ਆਪਣੇ ਪਹਿਲੇ ਪ੍ਰੋਡਕਸ਼ਨ ਉੱਦਮ ਵਜੋਂ ਰੋਮਾਂਟਿਕ ਫਿਲਮ 'ਲੈਟਸ ਗੇਟ ਮੈਰਿਡ' (ਐਲਜੀਐਮ) ਦਾ ਨਿਰਮਾਣ ਕਰਨਗੇ। ਹੈਦਰਾਬਾਦ ਵਿੱਚ ਇੱਕ ਪ੍ਰਮੋਸ਼ਨਲ ਈਵੈਂਟ ਵਿੱਚ, ਸਾਕਸ਼ੀ ਨੇ ਖੁਲਾਸਾ ਕੀਤਾ ਕਿ ਉਹ ਅੱਲੂ ਅਰਜੁਨ ਦੀ ਬਹੁਤ ਵੱਡੀ ਪ੍ਰਸ਼ੰਸਕ ਹੈ। ਅੱਲੂ ਅਰਜੁਨ ਦੇ ਇੱਕ ਫੈਨ ਪੇਜ ਨੇ ਇਸ ਦਾ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ।
ਵੀਡੀਓ 'ਚ ਸਾਕਸ਼ੀ ਇਕ ਪ੍ਰੈੱਸ ਕਾਨਫਰੰਸ 'ਚ ਇਕ ਸਵਾਲ ਦਾ ਜਵਾਬ ਦਿੰਦੀ ਨਜ਼ਰ ਆ ਰਹੀ ਹੈ। ਪ੍ਰੈਸ ਕਾਨਫਰੰਸ ਵਿੱਚ ਸਾਕਸ਼ੀ ਤੋਂ ਪੁੱਛਿਆ ਗਿਆ ਕਿ ਕੀ ਉਸਨੇ ਕੋਈ ਤੇਲਗੂ ਫਿਲਮ ਦੇਖੀ ਹੈ। ਇਸ 'ਤੇ ਕ੍ਰਿਕਟਰ ਦੀ ਪਤਨੀ ਨੇ ਜਵਾਬ ਦਿੱਤਾ, "ਮੈਂ ਅੱਲੂ ਅਰਜੁਨ ਦੀਆਂ ਸਾਰੀਆਂ ਫਿਲਮਾਂ ਦੇਖੀਆਂ ਹਨ। ਪਰ, ਮੈਨੂੰ ਨਹੀਂ ਲੱਗਦਾ ਕਿ ਨੈੱਟਫਲਿਕਸ ਜਾਂ ਹੌਟਸਟਾਰ ਸੀ। ਇਹ ਸਭ ਯੂਟਿਊਬ 'ਤੇ, ਗੋਲਡਮਾਈਨ ਪ੍ਰੋਡਕਸ਼ਨ 'ਤੇ ਸੀ। ਉਹ ਸਾਰੀਆਂ ਤੇਲਗੂ ਫਿਲਮਾਂ ਹਿੰਦੀ ਵਿੱਚ ਪਾਉਂਦੇ ਸਨ। ਮੈਂ ਅੱਲੂ ਅਰਜੁਨ ਦੀਆਂ ਸਾਰੀਆਂ ਫਿਲਮਾਂ ਦੇਖੀਆਂ ਅਤੇ ਮੈਂ ਬਹੁਤ ਵੱਡੀ ਫੈਨ ਹਾਂ।"
ਅੱਲੂ ਅਰਜੁਨ ਦੀ ਪੁਸ਼ਪਾ 2 ਦੀ ਰਿਲੀਜ਼ ਦਾ ਹੈ ਇੰਤਜ਼ਾਰ
ਅੱਲੂ ਅਰਜੁਨ ਅਤੇ ਫਿਲਮ ਨਿਰਮਾਤਾ ਤ੍ਰਿਵਿਕਰਮ ਆਪਣੀ ਚੌਥੀ ਫੀਚਰ ਫਿਲਮ ਲਈ ਇਕੱਠੇ ਕੰਮ ਕਰਨ ਲਈ ਤਿਆਰ ਹਨ। ਇਸ ਦੇ ਨਾਲ ਹੀ ਅੱਲੂ ਦੀ 'ਪੁਸ਼ਪਾ 2' ਵੀ ਜਲਦ ਹੀ ਰਿਲੀਜ਼ ਹੋਵੇਗੀ। ਇਸ ਫਿਲਮ ਦਾ ਹਰ ਕੋਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ। ਸਾਕਸ਼ੀ ਧੋਨੀ ਵੀ 'ਪੁਸ਼ਪਾ 2' ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਹੀ ਹੈ।