HBD Cristiano Ronaldo : ਕ੍ਰਿਸਟੀਆਨੋ ਰੋਨਾਲਡੋ ਦੀ ਇੱਕ ਫਿਲਮੀ ਕਹਾਣੀ, ਜਿਸ 'ਚ ਹੈ ਐਕਸ਼ਨ, ਡਰਾਮਾ ਤੇ Emotion
ਪੁਰਤਗਾਲ ਦੇ ਕ੍ਰਿਸਟੀਆਨੋ ਰੋਨਾਲਡੋ ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਫੁੱਟਬਾਲਰਾਂ ਵਿੱਚ ਸ਼ਾਮਲ ਹਨ। ਉਹਨਾਂ ਨੇ ਆਪਣੇ ਖੇਡ ਦੀ ਮਦਦ ਨਾਲ ਆਪਣੀ ਜ਼ਿੰਦਗੀ ਬਦਲੀ ਹੈ।
Happy Birthday Cristiano Ronaldo : ਕ੍ਰਿਸਟੀਆਨੋ ਰੋਨਾਲਡੋ (Cristiano Ronaldo), ਫੁੱਟਬਾਲ ਦੀ ਦੁਨੀਆ ਦਾ ਉਹ ਨਾਮ ਜਿਸ ਨੇ ਕਰੋੜਾਂ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਅਤੇ ਅੱਜ ਉਸਦੀ ਕਮਾਈ ਅਰਬਾਂ ਵਿੱਚ ਹੈ। ਅੱਜ ਭਾਵ 5 ਫਰਵਰੀ ਨੂੰ ਇਹ ਖਿਡਾਰੀ 38 ਸਾਲ ਦਾ ਹੋ ਰਿਹਾ ਹੈ। ਰੋਨਾਲਡੋ ਦੀ ਪੂਰੀ ਜ਼ਿੰਦਗੀ ਇਹ ਸਾਬਤ ਕਰਦੀ ਹੈ ਕਿ ਮਜਬੂਰੀ, ਮੁਸ਼ਕਿਲਾਂ ਅਤੇ ਵਿਵਾਦ ਤੁਹਾਡੀ ਪ੍ਰਤਿਭਾ ਨੂੰ ਛੁਪਾ ਨਹੀਂ ਸਕਦੇ। ਤੁਹਾਡੇ ਅਧਿਕਾਰ ਤੁਹਾਡੇ ਤੋਂ ਖੋਹੇ ਨਹੀਂ ਜਾ ਸਕਦੇ।
ਰੋਨਾਲਡੋ ਦੇ ਪਿਤਾ ਇੱਕ ਮਾਲੀ ਸਨ, ਮਾਂ ਦੂਜਿਆਂ ਦੇ ਘਰ ਜਾ ਕੇ ਖਾਣਾ ਬਣਾਉਂਦੀ ਸੀ। ਰੋਨਾਲਡੋ ਚਾਰ ਭੈਣ-ਭਰਾਵਾਂ ਵਿੱਚੋਂ ਸਭ ਤੋਂ ਛੋਟਾ ਸੀ, ਉਹਨਾਂ ਦਾ ਪਰਿਵਾਰ ਇੱਕ ਟੀਨ ਦੀ ਛੱਤ ਵਾਲੇ ਘਰ ਵਿੱਚ ਰਹਿੰਦਾ ਸੀ। ਜਦੋਂ ਰੋਨਾਲਡੋ ਗਰਭ ਵਿੱਚ ਸੀ ਤਾਂ ਉਸ ਦੀ ਮਾਂ ਗਰੀਬੀ ਕਾਰਨ ਹੋਰ ਬੱਚਾ ਨਹੀਂ ਚਾਹੁੰਦੀ ਸੀ। ਹਾਲਾਂਕਿ ਡਾਕਟਰ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਫਿਰ ਰੋਨਾਲਡੋ ਦੁਨੀਆ 'ਚ ਆ ਗਏ।
ਰੋਨਾਲਡੋ ਦਾ ਜਨਮ ਇੱਕ ਗਰੀਬ ਪਰਿਵਾਰ ਵਿੱਚ ਹੋਇਆ ਸੀ। ਜਦੋਂ ਉਹ ਅਕੈਡਮੀ ਵਿੱਚ ਸਿਖਲਾਈ ਲੈਂਦਾ ਸੀ ਤਾਂ ਉਸ ਕੋਲ ਆਪਣੇ ਲਈ ਬਰਗਰ ਖਰੀਦਣ ਲਈ ਵੀ ਪੈਸੇ ਨਹੀਂ ਸਨ। ਰੋਨਾਲਡੋ ਨੇ ਖੁਦ ਇੱਕ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਉਹ ਹਰ ਰਾਤ ਮੈਕਡੋਨਲਡ ਜਾਂਦਾ ਸੀ ਜਿੱਥੇ ਕੰਮ ਕਰਨ ਵਾਲੀਆਂ ਕੁੜੀਆਂ ਗਰੀਬ ਬੱਚਿਆਂ ਨੂੰ ਬਰਗਰ ਦਿੰਦੀਆਂ ਸਨ।
ਰੋਨਾਲਡੋ 'ਤੇ ਲੱਗਾ ਬਲਾਤਕਾਰ ਦਾ ਦੋਸ਼
ਰੋਨਾਲਡੋ ਦੇ ਪੰਜ ਬੱਚੇ ਹਨ ਪਰ ਉਨ੍ਹਾਂ ਨੇ ਅਜੇ ਤੱਕ ਕਿਸੇ ਨਾਲ ਵਿਆਹ ਨਹੀਂ ਕੀਤਾ ਹੈ। ਰੋਨਾਲਡੋ 'ਤੇ ਵੀ ਬਲਾਤਕਾਰ ਦਾ ਦੋਸ਼ ਲੱਗਾ ਸੀ। ਪਿਛਲੇ ਸਾਲ ਇਕ ਅਮਰੀਕੀ ਮਾਡਲ ਨੇ ਕਿਹਾ ਸੀ ਕਿ ਰੋਨਾਲਡੋ ਨੇ 13 ਸਾਲ ਪਹਿਲਾਂ ਉਸ ਨਾਲ ਬਲਾਤਕਾਰ ਕੀਤਾ ਸੀ। ਹਾਲਾਂਕਿ ਦੋਸ਼ ਸਾਬਤ ਨਹੀਂ ਹੋਇਆ ਅਤੇ ਰੋਨਾਲਡੋ ਨੂੰ ਸਜ਼ਾ ਨਹੀਂ ਮਿਲੀ।
ਰੋਨਾਲਡੋ ਦੇ ਨਾਮ ਹਨ ਕਈ ਰਿਕਾਰਡ
ਮੰਗ ਕੇ ਖਾਣਾ ਖਾਣ ਲਈ ਮਜ਼ਬੂਰ, ਰੋਨਾਲਡੋ ਅੱਜ ਦੁਨੀਆ ਦੇ ਸਭ ਤੋਂ ਅਮੀਰ ਖਿਡਾਰੀਆਂ ਵਿੱਚੋਂ ਇੱਕ ਹੈ। ਉਹ ਹਾਲ ਹੀ ਵਿੱਚ ਅਲ ਨਾਸਰ ਨਾਲ ਜੁੜਿਆ ਹੈ ਜਿੱਥੇ ਉਸਨੂੰ 17 ਅਰਬ ਰੁਪਏ ਸਾਲਾਨਾ ਮਿਲਦੇ ਹਨ। ਉਹ ਅੰਤਰਰਾਸ਼ਟਰੀ ਫੁੱਟਬਾਲ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਵਾਲਾ ਖਿਡਾਰੀ ਹੈ, ਜਦਕਿ ਪੇਸ਼ੇਵਰ ਫੁੱਟਬਾਲ ਵਿੱਚ ਵੀ ਉਸ ਦੇ ਕਈ ਰਿਕਾਰਡ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
