ਕੋਰੋਨਾ ਤੋਂ ਪ੍ਰੇਸ਼ਾਨ ਦੁਤੀ ਚੰਦ ਆਪਣੀ BMW ਕਾਰ ਵੇਚਣ ਲਈ ਮਜ਼ਬੂਰ

ਦੁਤੀ ਚੰਦ ਨੇ ਕਿਹਾ, "ਸਪੌਂਸਰਸ਼ਿਪ ਦੀ ਕਮੀ ਤੇ ਕਿਸੇ ਮੁਕਾਬਲੇ ਦੇ ਨਾ ਹੋਣ ਦੀ ਵਜ੍ਹਾ ਨਾਲ ਉਨ੍ਹਾਂ ਕੋਲ ਪੈਸੇ ਹਾਸਲ ਕਰਨ ਦਾ ਇਕਮਾਤਰ ਤਰੀਕਾ ਕਾਰ ਵੇਚਣ ਦਾ ਹੈ।" ਉਨ੍ਹਾਂ ਕਿਹਾ ਕੋਰੋਨਾ ਮਹਾਮਾਰੀ ਦੀ ਵਜ੍ਹਾ ਨਾਲ ਸਾਰੇ ਖੇਡ ਮੁਕਾਬਲੇ ਰੱਦ ਹਨ।

ਨਵੀਂ ਦਿਲੀ: ਭਾਰਤੀ ਸਟਾਰ ਖਿਡਾਰਨ ਦੁਤੀ ਚੰਦ ਆਪਣੀ BMW ਕਾਰ ਵੇਚਣ ਬਾਰੇ ਸੋਚ ਰਹੀ ਹੈ। ਦੁਤੀ ਚੰਦ ਨੇ ਸਾਲ 2018 'ਚ 30 ਲੱਖ ਰੁਪਏ ਦੀ BMW 3 ਸੀਰੀਜ਼ ਕਾਰ ਖਰੀਦੀ ਸੀ। ਹੁਣ ਪੈਸਿਆਂ ਦੀ ਕਮੀ ਕਾਰਨ ਉਹ ਇਸ ਨੂੰ ਵੇਚਣਾ ਚਾਹੁੰਦੀ ਹੈ। ਦੁਤੀ 2021 'ਚ ਹੋਣ ਵਾਲੇ ਟੋਕੀਓ ਓਲੰਪਿਕਸ ਦੀ ਤਿਆਰੀ ਲਈ ਪੈਸੇ ਇਕੱਠੇ ਕਰਨਾ ਚਾਹੁੰਦੀ ਹੈ।

ਕੋਰੋਨਾ ਵਾਇਰਸ ਕਾਰਨ ਫਿਲਹਾਲ ਕੋਈ ਖੇਡ ਇਵੈਂਟ ਨਹੀਂ ਹੋ ਰਿਹਾ। ਇਸ ਕਾਰਨ ਖਿਡਾਰੀਆਂ ਨੂੰ ਸਪੌਂਸਰ ਵੀ ਨਹੀਂ ਮਿਲ ਰਹੇ। ਅਜਿਹੇ 'ਚ ਪੈਸਿਆਂ ਦੀ ਕਮੀ ਕਾਰਨ ਦੁਤੀ ਪ੍ਰੇਸ਼ਾਨ ਹੈ। ਉਹ ਆਪਣੀਆਂ ਲੋੜਾਂ ਪੂਰੀਆਂ ਕਰਨ ਲਈ ਆਪਣੀ ਕਾਰ ਵੇਚਣ ਲਈ ਮਜ਼ਬੂਰ ਹੈ।

ਦੁਤੀ ਚੰਦ ਨੇ ਕਿਹਾ, "ਸਪੌਂਸਰਸ਼ਿਪ ਦੀ ਕਮੀ ਤੇ ਕਿਸੇ ਮੁਕਾਬਲੇ ਦੇ ਨਾ ਹੋਣ ਦੀ ਵਜ੍ਹਾ ਨਾਲ ਉਨ੍ਹਾਂ ਕੋਲ ਪੈਸੇ ਹਾਸਲ ਕਰਨ ਦਾ ਇਕਮਾਤਰ ਤਰੀਕਾ ਕਾਰ ਵੇਚਣ ਦਾ ਹੈ।" ਉਨ੍ਹਾਂ ਕਿਹਾ ਕੋਰੋਨਾ ਮਹਾਮਾਰੀ ਦੀ ਵਜ੍ਹਾ ਨਾਲ ਸਾਰੇ ਖੇਡ ਮੁਕਾਬਲੇ ਰੱਦ ਹਨ। ਓਲੰਪਿਕ ਲਈ ਸਪੌਸਰਸ਼ਿਪ ਵੀ ਨਹੀਂ। ਮੈਂ ਆਪਣੇ ਸਾਰੇ ਪੈਸੇ ਖਰਚ ਕਰ ਦਿੱਤੇ ਹਨ ਤੇ ਪਿਛਲੇ ਕੁਝ ਮਹੀਨਿਆਂ 'ਚ ਮੇਰੀ ਕਮਾਈ ਨਹੀਂ ਹੋਈ। ਇਸ ਲਈ ਮੇਰੇ ਕੋਲ ਕਾਰ ਵੇਚਣ ਤੋਂ ਬਿਨਾਂ ਦੂਜਾ ਕੋਈ ਰਾਹ ਨਹੀਂ।

ਦੁਤੀ ਚੰਦ ਨੇ BMW ਸੀਰੀਜ਼ 3 ਆਪਣੀ ਪਹਿਲੀ ਲਗਜ਼ਰੀ ਕਾਰ ਖਰੀਦੀ ਸੀ ਪਰ ਮੁਸ਼ਕਲ ਸਮੇਂ ਉਹ ਇਸ ਨੂੰ ਵੇਚਣ ਲਈ ਮਜ਼ਬੂਰ ਹੈ। ਦੁਤੀ ਨੇ ਕਿਹਾ ਮੈਂ ਇਸ ਤੋਂ ਪਰੇਸ਼ਾਨ ਨਹੀਂ ਹਾਂ। ਮੈਂ ਆਪਣੇ ਮੁਕਾਬਲੇ ਦੇ ਦਮ 'ਤੇ ਕਾਰ ਖਰੀਦਣ 'ਚ ਸਮਰੱਥ ਹੋਈ ਹੈ। ਮੈਂ ਮੁੜ ਤੋਂ ਮੁਕਾਬਲੇ 'ਚ ਹਿੱਸਾ ਲਊਗੀਂ, ਪੈਸੇ ਕਮਾਊਂਗੀ ਤੇ ਆਪਣੇ ਲਈ ਲਗਜ਼ਰੀ ਕਾਰ ਖਰੀਦੂੰਗੀ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ