ਸਿੰਧੂ ਨੂੰ ਮਿਲੇਗਾ ਕਰੋੜਾਂ ਦਾ ਇਨਾਮ, BMW ਕਾਰ

ਇਸਤੋਂ ਅਲਾਵਾ ਦਿੱਲੀ ਸਰਕਾਰ ਨੇ ਸਿੰਧੂ ਨੂੰ 2 ਕਰੋੜ ਰੁਪਏ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ। ਇੰਨਾ ਹੀ ਨਹੀਂ ਮੱਧ ਪ੍ਰਦੇਸ਼ ਸਰਕਾਰ ਨੇ ਸਿੰਧੂ ਨੂੰ 50ਲੱਖ ਰੁਪਏ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ।

ਅਜਿਹੇ 'ਚ ਹੁਣ ਸਿੰਧੂ ਨੂੰ ਗਿਫਟ ਦੇਣ ਵਾਲਿਆਂ ਦੀ ਲਿਸਟ 'ਚ ਤੇਲੰਗਾਨਾ ਦੀ ਸਰਕਾਰ ਦੇ ਨਾਲ-ਨਾਲ ਮਧਿਆ ਪ੍ਰਦੇਸ਼ ਅਤੇ ਦਿੱਲੀ ਸਰਕਾਰ ਵੀ ਜੁੜ ਗਈ ਹੈ। ਸਿੰਧੂ ਦੇ ਸਿਲਵਰ ਮੈਡਲ ਜਿੱਤਣ 'ਤੇ ਤੇਲੰਗਾਨਾ ਸਰਕਾਰ ਉਨ੍ਹਾਂ ਨੂੰ 3 ਕਰੋੜ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ।

ਬੈਡਮਿੰਟਨ ਐਸੋਸੀਏਸ਼ਨ ਆਫ ਇੰਡੀਆ ਵੀ ਸਿੰਧੂ ਨੂੰ ਇਸ ਵੱਡੀ ਉਪਲਬਧੀ ਲਈ 50 ਲੱਖ ਰੁਪਏ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ। ਆਲ ਇੰਡੀਆ ਫੁਟਬਾਲ ਫੈਡਰੇਸ਼ਨ ਵੀ ਸਿੰਧੂ ਨੂੰ 5 ਲੱਖ ਰੁਪਏ ਇਨਾਮ ਦੇਣ ਜਾ ਰਹੀ ਹੈ।

ਸਿੰਧੂ ਦੇ ਕੋਚ ਪੁਲੇਲਾ ਗੋਪੀਚੰਦ 'ਤੇ ਵੀ ਇਨਾਮਾਂ ਦੀ ਵਰਖਾ ਹੋਣ ਵਾਲੀ ਹੈ। ਆਂਧਰ ਪ੍ਰਦੇਸ਼ ਦੀ ਸਰਕਾਰ ਗੋਪੀਚੰਦ ਨੂੰ 50 ਲੱਖ ਦਾ ਇਨਾਮ ਅਤੇ ਬੈਡਮਿੰਟਨ ਐਸੋਸੀਏਸ਼ਨ ਆਫ ਇੰਡੀਆ ਗੋਪੀਚੰਦ ਨੂੰ 10 ਲੱਖ ਰੁਪਏ ਦਾ ਇਨਾਮ ਦਵੇਗੀ।

ਹੈਦਰਾਬਾਦ ਡਿਸਟ੍ਰਿਕਟ ਬੈਡਮਿੰਟਨ ਐਸੋਸੀਏਸ਼ਨ ਦੇ ਪ੍ਰਧਾਨ ਚਾਮੁੰਦੇਸ਼ਵਰਥਨ ਸਿੰਧੂ ਨੂੰ ਬੀ.ਐਮ.ਡਬਲਿਊ। ਗੱਡੇ ਦੇਣਗੇ। ਉਨ੍ਹਾਂ ਨੇ 2012 'ਚ ਸਾਇਨਾ ਨਹਿਵਾਲ ਨੂੰ ਵੀ BMW ਗਿਫਟ ਕੀਤੀ ਸੀ।

ਓਹ ਸਚਿਨ ਦੇ ਕਰੀਬੀ ਹਨ ਅਤੇ ਖਬਰਾਂ ਹਨ ਕਿ ਇਹ BMW ਗੱਡੀ ਸਿੰਧੂ ਨੂੰ ਸਚਿਨ ਹੀ ਗਿਫਟ ਕਰਨਗੇ। ਕੁਲ ਮਿਲਾਕੇ ਵੇਖਿਆ ਜਾਵੇ ਤਾਂ ਓਲੰਪਿਕਸ 'ਚ ਦੇਸ਼ ਦਾ ਨਾਮ ਚਮਕਾਉਣ ਵਾਲੀ ਸਿੰਧੂ 'ਤੇ ਹੁਣ ਪੈਸੇ ਅਤੇ ਇਨਾਮਾਂ ਦੀ ਵਰਖਾ ਹੋਣ ਵਾਲੀ ਹੈ।

ਰੀਓ ਓਲੰਪਿਕਸ 'ਚ ਭਾਰਤ ਲਈ ਸਿਲਵਰ ਮੈਡਲ ਜਿੱਤਣ ਵਾਲੀ ਪੀ.ਵੀ. ਸਿੰਧੂ 'ਤੇ ਇਨਾਮਾਂ ਦੀ ਵਰਖਾ ਹੋਣ ਲੱਗੀ ਹੈ। ਵਰਖਾ ਵੀ ਅਜਿਹੀ ਕਿ ਸੁਨ ਕੇ ਕੋਈ ਵੀ ਦੰਗ ਰਹਿ ਜਾਵੇ। ਰੀਓ 'ਚ ਭਾਰਤ ਦੀ ਚਾਂਦੀ ਕਰਵਾਉਣ ਵਾਲੀ ਪੀ.ਵੀ. ਸਿੰਧੂ 'ਤੇ ਵੱਖ-ਵੱਖ ਰਾਜਾਂ ਦੀਆਂ ਸਰਕਾਰਾਂ ਇਨਾਮਾਂ ਦਾ ਐਲਾਨ ਕਰ ਰਹੀਆਂ ਹਨ।

ਚਾਹੇ ਓਹ ਸਿੰਧੂ ਦਾ ਰਾਜ ਆਂਧਰ ਪ੍ਰਦੇਸ਼ ਹੋਵੇ ਅਤੇ ਚਾਹੇ ਦੇਸ਼ ਦੀ ਰਾਜਧਾਨੀ ਦਿੱਲੀ। ਹਰ ਜਗ੍ਹਾ ਦੇ ਲੋਕ ਅਤੇ ਸਰਕਾਰਾਂ ਖੁਸ਼ ਹਨ।