Cricket Rules: ਜੇ ਕੋਈ ਬੱਲੇਬਾਜ਼ ਇੱਕੋ ਗੇਂਦ 'ਤੇ ਦੋ ਵਾਰ ਸ਼ਾਟ ਖੇਡਦਾ ਹੈ ਤਾਂ ਕੀ ਉਹ ਆਊਟ ਹੋ ਜਾਂਦਾ ? ਜਾਣੋ ਕ੍ਰਿਕਟ ਦੇ ਦਿਲਚਸਪ ਨਿਯਮ
Batsman Rule: ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਜੇਕਰ ਬੱਲੇਬਾਜ਼ ਇੱਕੋ ਗੇਂਦ ਨੂੰ ਦੋ ਵਾਰ ਮਾਰਦਾ ਹੈ ਤਾਂ ਕੀ ਹੋਵੇਗਾ? ਆਓ ਜਾਣਦੇ ਹਾਂ ਕ੍ਰਿਕਟ ਦੇ ਦਿਲਚਸਪ ਨਿਯਮ।
Batsman Rule In Cricket: ਕ੍ਰਿਕੇਟ ਦੁਨੀਆ ਦੀ ਦੂਜੀ ਸਭ ਤੋਂ ਮਸ਼ਹੂਰ ਖੇਡ ਹੈ। ਇਹ ਖੇਡ ਹੁਣ ਦੁਨੀਆ ਦੇ ਹਰ ਕੋਨੇ ਵਿੱਚ ਖੇਡੀ ਜਾ ਰਹੀ ਹੈ। ਸਮੇਂ ਦੇ ਨਾਲ-ਨਾਲ ਕ੍ਰਿਕਟ ਵਿਚ ਲੋਕਾਂ ਦੀ ਦਿਲਚਸਪੀ ਵਧਦੀ ਜਾ ਰਹੀ ਹੈ। ਪਰ ਖੇਡ ਦੇ ਕੁਝ ਨਿਯਮ ਅਕਸਰ ਲੋਕਾਂ ਨੂੰ ਪਰੇਸ਼ਾਨ ਕਰਦੇ ਹਨ। ਕ੍ਰਿਕਟ 'ਚ ਕਈ ਅਜਿਹੇ ਨਿਯਮ ਹਨ, ਜਿਨ੍ਹਾਂ ਬਾਰੇ ਬਹੁਤ ਸਾਰੇ ਲੋਕ ਨਹੀਂ ਜਾਣਦੇ ਹਨ। ਅਸੀਂ ਤੁਹਾਨੂੰ ਅਜਿਹੇ ਨਿਯਮ ਤੋਂ ਜਾਣੂ ਕਰਵਾਉਣ ਜਾ ਰਹੇ ਹਾਂ, ਜਿਸ ਦੀ ਚਰਚਾ ਘੱਟ ਹੀ ਹੁੰਦੀ ਹੈ।
ਤੁਸੀਂ ਦੇਖਿਆ ਹੋਵੇਗਾ ਕਿ ਕ੍ਰਿਕਟ ਦੇ ਮੈਦਾਨ 'ਚ ਬੱਲੇਬਾਜ਼ ਸਿਰਫ ਇੱਕ ਵਾਰ ਹੀ ਗੇਂਦ ਨੂੰ ਮਾਰਦਾ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਜੇਕਰ ਬੱਲੇਬਾਜ਼ ਇੱਕ ਹੀ ਗੇਂਦ ਨੂੰ ਦੋ ਵਾਰ ਮਾਰਦਾ ਹੈ ਤਾਂ ਕੀ ਹੋਵੇਗਾ? ਅਜਿਹੇ 'ਚ ਬੱਲੇਬਾਜ਼ ਨੂੰ ਆਊਟ ਦਿੱਤਾ ਜਾਂਦਾ ਹੈ। ਬੱਲੇਬਾਜ਼ ਇੱਕ ਸਮੇਂ ਵਿੱਚ ਸਿਰਫ਼ ਇੱਕ ਸ਼ਾਟ ਖੇਡ ਸਕਦਾ ਹੈ।
ਨਿਯਮ ਕੀ ਕਹਿੰਦਾ ਹੈ?
ਕ੍ਰਿਕਟ ਦੀ ਮੁੱਖ ਨਿਯਮ ਬਣਾਉਣ ਵਾਲੀ ਸੰਸਥਾ ਮੈਰੀਲੇਬੋਨ ਕ੍ਰਿਕਟ ਕਲੱਬ (ਐੱਮ. ਸੀ. ਸੀ.) ਦੇ ਨਿਯਮ ਮੁਤਾਬਕ ਜੇਕਰ ਕੋਈ ਬੱਲੇਬਾਜ਼ ਫੀਲਡਰ ਤੱਕ ਪਹੁੰਚਣ ਤੋਂ ਪਹਿਲਾਂ ਆਪਣੇ ਬੱਲੇ, ਹੱਥ ਜਾਂ ਸਰੀਰ ਦੇ ਕਿਸੇ ਹਿੱਸੇ ਨਾਲ ਗੇਂਦ ਨੂੰ ਹਿੱਟ ਕਰਦਾ ਹੈ, ਤਾਂ ਉਸ ਨੂੰ ਆਊਟ ਮੰਨਿਆ ਜਾਵੇਗਾ।
ਯਾਨੀ ਕਿ ਬੱਲੇਬਾਜ਼ ਦੇ ਇੱਕ ਵਾਰ ਸ਼ਾਟ ਖੇਡਣ ਤੋਂ ਬਾਅਦ, ਜਦੋਂ ਤੱਕ ਗੇਂਦ ਫੀਲਡਰ ਤੱਕ ਨਹੀਂ ਪਹੁੰਚ ਜਾਂਦੀ, ਬੱਲੇਬਾਜ਼ ਕਿਸੇ ਵੀ ਤਰ੍ਹਾਂ ਉਸ ਗੇਂਦ ਨੂੰ ਦੁਬਾਰਾ ਨਹੀਂ ਮਾਰ ਸਕਦਾ। ਬੱਲੇਬਾਜ਼ ਨੂੰ ਇੱਕ ਗੇਂਦ 'ਤੇ ਸਿਰਫ਼ ਇੱਕ ਸ਼ਾਟ ਖੇਡਣ ਦੀ ਇਜਾਜ਼ਤ ਹੈ।
ਕੋਈ ਬੱਲੇਬਾਜ਼ ਗੇਂਦ ਨੂੰ ਦੋ ਵਾਰ ਕਿਉਂ ਨਹੀਂ ਮਾਰ ਸਕਦਾ?
ਜੇਕਰ ਬੱਲੇਬਾਜ਼ ਇੱਕ ਗੇਂਦ ਨੂੰ ਦੋ ਵਾਰ ਮਾਰਦਾ ਹੈ ਤਾਂ ਉਸ ਲਈ ਸ਼ਾਟ ਖੇਡਣਾ ਬਹੁਤ ਆਸਾਨ ਹੋ ਜਾਵੇਗਾ, ਜੋ ਗੇਂਦਬਾਜ਼ੀ ਟੀਮ ਲਈ ਨੁਕਸਾਨਦੇਹ ਸਾਬਤ ਹੋਵੇਗਾ। ਮੰਨ ਲਓ ਜੇਕਰ ਕੋਈ ਬੱਲੇਬਾਜ਼ ਪਹਿਲਾਂ ਡਿਫੈਂਸ ਰਾਹੀਂ ਇੱਕ ਗੇਂਦ ਨੂੰ ਰੋਕਦਾ ਹੈ ਅਤੇ ਫਿਰ ਉਹ ਗੇਂਦ ਨੂੰ ਦੁਬਾਰਾ ਮਾਰਦਾ ਹੈ, ਤਾਂ ਇਸ ਤਰ੍ਹਾਂ ਬੱਲੇਬਾਜ਼ ਰੋਕੀ ਗਈ ਗੇਂਦ 'ਤੇ ਆਸਾਨੀ ਨਾਲ ਬਾਊਂਡਰੀ ਮਾਰ ਸਕਦਾ ਹੈ।
ਇਹ ਵੀ ਪੜ੍ਹੋ: Yashasvi- Shubman: ਸ਼ੁਭਮਨ-ਯਸ਼ਸਵੀ ਬਣਨਗੇ ਟੀਮ ਇੰਡੀਆ ਦੇ ਸਚਿਨ-ਗਾਂਗੁਲੀ? ਸਾਬਕਾ ਭਾਰਤੀ ਕ੍ਰਿਕਟ ਨੇ ਕੀਤਾ ਦਾਅਵਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
