IND vs ENG Third Test: ਭਾਰਤ ਲਈ ਤੀਜਾ ਟੈਸਟ ਜਿੱਤਣਾ ਸੌਖਾ ਨਹੀਂ, ਮੌਂਟੀ ਪਨੇਸਰ ਦਾ ਦਾਅਵਾ
ਭਾਰਤ ਤੇ ਇੰਗਲੈਂਡ ਵਿਚਾਲੇ ਪੰਜ ਟੈਸਟ ਮੈਚਾਂ ਦੀ ਲੜੀ ਦਾ ਤੀਜਾ ਮੈਚ ਕੱਲ ਤੋਂ ਹੈਡਿੰਗਲੇ ਵਿਖੇ ਖੇਡਿਆ ਜਾਣਾ ਹੈ।
IND vs ENG Third Test: ਭਾਰਤ ਤੇ ਇੰਗਲੈਂਡ ਵਿਚਾਲੇ ਪੰਜ ਟੈਸਟ ਮੈਚਾਂ ਦੀ ਲੜੀ ਦਾ ਤੀਜਾ ਮੈਚ ਕੱਲ ਤੋਂ ਹੈਡਿੰਗਲੇ ਵਿਖੇ ਖੇਡਿਆ ਜਾਣਾ ਹੈ। ਲਾਰਡਸ ਟੈਸਟ ਵਿੱਚ ਇਤਿਹਾਸਕ ਜਿੱਤ ਤੋਂ ਬਾਅਦ, ਟੀਮ ਇੰਡੀਆ ਦੇ ਹੌਸਲੇ ਬੁਲੰਦ ਹਨ ਤੇ ਇੰਗਲੈਂਡ ਦੀ ਟੀਮ ਲਈ ਇਸ ਦਾ ਮੁਕਾਬਲਾ ਕਰਨਾ ਸੌਖਾ ਨਹੀਂ ਹੋਵੇਗਾ। ਇੰਗਲੈਂਡ ਦੇ ਸਾਬਕਾ ਸਪਿਨਰ ਮੌਂਟੀ ਪਨੇਸਰ ਨੇ ਵੀ ਤੀਜੇ ਟੈਸਟ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ ਹੈ। ਪਨੇਸਰ ਨੇ ਕਿਹਾ ਹੈ, ਭਾਵੇਂ ਭਾਰਤੀ ਟੀਮ ਨੂੰ ਇਸ ਮੈਚ ਵਿੱਚ ਪਸੰਦੀਦਾ ਦੇ ਰੂਪ ਵਿੱਚ ਦੇਖਿਆ ਜਾ ਸਕਦਾ ਹੈ, ਪਰ ਉਸ ਲਈ ਇੱਥੇ ਜਿੱਤਣਾ ਇੰਨਾ ਸੌਖਾ ਨਹੀਂ ਹੋਵੇਗਾ।
ਪਨੇਸਰ ਨੇ ਕਿਹਾ, "ਹੈਡਿੰਗਲੇ ਦਾ ਇਹ ਮੈਦਾਨ ਜੋ ਰੂਟ ਤੇ ਜੋਨੀ ਬੇਅਰਸਟੋ ਦਾ ਘਰੇਲੂ ਮੈਦਾਨ ਹੈ। ਭਾਰਤ ਨੇ ਲਾਰਡਸ ਵਿਖੇ ਬੇਮਿਸਾਲ ਕ੍ਰਿਕਟ ਖੇਡੀ ਪਰ ਇੱਥੇ ਉਨ੍ਹਾਂ ਨੂੰ ਇੰਗਲੈਂਡ ਤੋਂ ਸਖਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ। ਜੇਕਰ ਉਹ ਪਿਛਲੇ ਦੋ ਟੈਸਟਾਂ ਦੀ ਤਰ੍ਹਾਂ ਗੇਂਦਬਾਜ਼ੀ ਕਰਦਾ ਹੈ ਤਾਂ ਉਹ ਆਸਾਨੀ ਨਾਲ ਇਹ ਮੈਚ ਤੇ ਸੀਰੀਜ਼ ਜਿੱਤ ਸਕਦੇ ਹਨ।
ਭਾਰਤ ਨੂੰ ਜਿੰਨੀ ਛੇਤੀ ਹੋ ਸਕੇ ਰੂਟ ਨੂੰ ਆਊਟ ਕਰਨਾ ਹੋਵੇਗਾ
ਪਨੇਸਰ ਦੇ ਅਨੁਸਾਰ, ਇੰਗਲੈਂਡ ਦੇ ਕਪਤਾਨ ਜੋ ਰੂਟ ਭਾਰਤ ਦੀ ਜਿੱਤ ਦੇ ਮੱਧ ਵਿੱਚ ਇੱਕ ਵੱਡੀ ਕੰਧ ਹਨ। ਉਸ ਨੇ ਕਿਹਾ, "ਹੈਡਿੰਗਲੇ ਟੈਸਟ ਵਿੱਚ ਭਾਰਤ ਦੀ ਟੀਮ ਨੂੰ ਪਸੰਦੀਦਾ ਮੰਨਿਆ ਜਾ ਰਿਹਾ ਹੈ। ਹਾਲਾਂਕਿ, ਇੱਥੇ ਜਿੱਤਣ ਲਈ ਉਨ੍ਹਾਂ ਨੂੰ ਰੂਟ ਨੂੰ ਛੇਤੀ ਆਊਟ ਕਰਨਾ ਹੋਵੇਗਾ।" ਨਾਲ ਹੀ ਪਨੇਸਰ ਨੇ ਕਿਹਾ, "ਸਿਰਾਜ ਇਸ ਵਿੱਚ ਟੀਮ ਲਈ ਟਰੰਪ ਕਾਰਡ ਸਾਬਤ ਹੋਏ। ਸਿਰਾਜ ਇਸ ਸੀਰੀਜ਼ ਵਿੱਚ ਹੁਣ ਤੱਕ ਇੰਗਲੈਂਡ ਦੇ ਬੱਲੇਬਾਜ਼ਾਂ ਉੱਤੇ ਦਬਾਅ ਬਣਾਈ ਰੱਖਣ ਵਿੱਚ ਕਾਮਯਾਬ ਰਹੇ ਹਨ। ਇੰਗਲੈਂਡ ਦੇ ਬੱਲੇਬਾਜ਼ਾਂ ਨੂੰ ਉਸ ਦੀ ਗੇਂਦਬਾਜ਼ੀ ਨੂੰ ਸਮਝਣਾ ਬਹੁਤ ਮੁਸ਼ਕਲ ਹੋ ਰਿਹਾ ਹੈ।
ਇਸ ਸੀਰੀਜ਼ 'ਚ ਹੋ ਰਹੇ ਵਿਵਾਦਾਂ 'ਤੇ ਕਹੀ ਇਹ ਗੱਲ
ਸੀਰੀਜ਼ ਦੇ ਪਹਿਲੇ ਦੋ ਟੈਸਟ ਮੈਚਾਂ ਵਿੱਚ ਮੈਦਾਨ ਉੱਤੇ ਹੋਣ ਵਾਲੀ ਨੋਕ-ਝੋਕ ਬਾਰੇ ਪਨੇਸਰ ਨੇ ਕਿਹਾ ਕਿ ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਇੰਗਲੈਂਡ ਦੇ ਖਿਲਾਫ ਹੈਡਿੰਗਲੇ ਵਿੱਚ ਵੀ ਹਮਲਾਵਰ ਰਵੱਈਆ ਕਾਇਮ ਰੱਖੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
