34ਵੇਂ ਜਨਮ ਦਿਨ ਤੇ ਸੁਰੇਸ਼ ਰੈਨਾ ਕਰਨਗੇ ਇਹ ਨੇਕ ਕੰਮ, ਜਾਣ ਕੇ ਖੁਸ਼ ਹੋਏ ਫੈਨਸ

ਸਾਬਕਾ ਭਾਰਤੀ ਕ੍ਰਿਕਟਰ ਸੁਰੇਸ਼ ਰੈਨਾ ਸ਼ੁੱਕਰਵਾਰ ਨੂੰ ਯਾਨੀ 27 ਨਵੰਬਰ ਨੂੰ 34 ਸਾਲ ਦੇ ਹੋ ਜਾਣਗੇ।

  ਨਵੀਂ ਦਿੱਲੀ: ਸਾਬਕਾ ਭਾਰਤੀ ਕ੍ਰਿਕਟਰ ਸੁਰੇਸ਼ ਰੈਨਾ ਸ਼ੁੱਕਰਵਾਰ ਨੂੰ ਯਾਨੀ 27 ਨਵੰਬਰ ਨੂੰ 34 ਸਾਲ ਦੇ ਹੋ ਜਾਣਗੇ। ਰੈਨਾ ਨੇ ਆਪਣੇ ਜਨਮਦਿਨ 'ਤੇ ਉੱਤਰ ਪ੍ਰਦੇਸ਼, ਜੰਮੂ ਅਤੇ ਰਾਸ਼ਟਰੀ ਰਾਜਧਾਨੀ ਖੇਤਰ (ਐਨਸੀਆਰ) ਦੇ 34 ਸਕੂਲਾਂ ਵਿੱਚ ਪਖਾਨੇ ਅਤੇ ਪੀਣ ਵਾਲੇ ਪਾਣੀ ਦੀ ਸਹੂਲਤ ਦੇਣ ਦਾ ਵਾਅਦਾ ਕੀਤਾ ਹੈ। ਰੈਨਾ ਇਸ ਪਹਿਲ ਦੀ ਸ਼ੁਰੂਆਤ ਐਨਜੀਓ ਗ੍ਰੇਸੀਆ ਰੈਨਾ ਫਾਉਂਡੇਸ਼ਨ ਦੇ ਸਹਿਯੋਗ ਨਾਲ ਕਰੇਗੀ। ਇਹ ਫਾਉਂਡੇਸ਼ਨ ਅਮਿਤਾਭ ਸ਼ਾਹ ਦੇ ਸਹਿਯੋਗ ਨਾਲ ਕੰਮ ਕਰੇਗੀ। ਇਸ ਪਹਿਲਕਦਮੀ ਰਾਹੀਂ ਇਨ੍ਹਾਂ ਸਕੂਲਾਂ ਵਿੱਚ ਪੜ੍ਹ ਰਹੇ 10000 ਤੋਂ ਵੱਧ ਬੱਚਿਆਂ ਨੂੰ ਸਿਹਤ ਅਤੇ ਸਵੱਛਤਾ ਦੀਆਂ ਸਹੂਲਤਾਂ ਮਿਲਣਗੀਆਂ।

Giving back to the society that has given me so much has always been my guiding philosophy. As I turn 34, I’m excited to launch my most special project yet with @grfcare & @UnstoppableYUVA to provide toilets, drinking water & adolescent health programs across 34 schools in India pic.twitter.com/1ik6LpcwNN

— Suresh Raina🇮🇳 (@ImRaina) November 23, 2020

ਰੈਨਾ ਨੇ ਕਿਹਾ, "ਮੈਂ ਇਸ ਉਪਰਾਲੇ ਨਾਲ ਆਪਣਾ 34 ਵਾਂ ਜਨਮਦਿਨ ਮਨਾ ਕੇ ਬਹੁਤ ਖੁਸ਼ ਹਾਂ। ਹਰ ਬੱਚਾ ਮਿਆਰੀ ਵਿਦਿਆ ਦਾ ਹੱਕਦਾਰ ਹੈ। ਸਕੂਲਾਂ ਵਿੱਚ ਪੀਣ ਵਾਲੇ ਸਾਫ ਪਾਣੀ ਅਤੇ ਪਖਾਨੇ ਦੀ ਸਹੂਲਤ ਉਨ੍ਹਾਂ ਦਾ ਹੱਕ ਹੈ। ਮੈਨੂੰ ਉਮੀਦ ਹੈ ਕਿ ਅਸੀਂ ਨੌਜਵਾਨਾਂ ਦਾ ਸਮਰਥਨ ਕਰ ਸਕਦੇ ਹਾਂ। 'ਗ੍ਰੇਸੀਆ ਰੈਨਾ ਫਾਉਂਡੇਸ਼ਨ' ਨਾਲ ਇਸ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾ ਸਕਦਾ ਹੈ।"