Sania Mirza Retirement: ਸਟਾਰ ਟੈਨਿਸ ਖਿਡਾਰਨ ਸਾਨੀਆ ਮਿਰਜ਼ਾ ਨੇ ਸੰਨਿਆਸ ਦਾ ਕੀਤਾ ਐਲਾਨ, ਆਸਟ੍ਰੇਲੀਅਨ ਓਪਨ ਹੋਵੇਗਾ ਆਖ਼ਰੀ ਟੂਰਨਾਮੈਂਟ

ਸਾਨੀਆ ਮਿਰਜ਼ਾ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਰਾਹੀਂ ਪੇਸ਼ੇਵਰ ਟੈਨਿਸ ਨੂੰ ਅਧਿਕਾਰਤ ਤੌਰ 'ਤੇ ਅਲਵਿਦਾ ਕਹਿ ਦਿੱਤਾ ਹੈ।

ਸਟਾਰ ਟੈਨਿਸ ਖਿਡਾਰਨ ਸਾਨੀਆ ਮਿਰਜ਼ਾ ਨੇ ਸੰਨਿਆਸ ਦਾ ਕੀਤਾ ਐਲਾਨ, ਆਸਟ੍ਰੇਲੀਅਨ ਓਪਨ ਹੋਵੇਗਾ ਆਖ਼ਰੀ ਟੂਰਨਾਮੈਂਟ

Sania Mirza: ਭਾਰਤੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੇ ਅਧਿਕਾਰਤ ਤੌਰ 'ਤੇ ਪੇਸ਼ੇਵਰ ਟੈਨਿਸ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਇਸ ਗੱਲ ਦਾ ਐਲਾਨ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਭਾਵੁਕ ਪੋਸਟ ਪਾ ਕੇ ਕੀਤਾ ਹੈ। ਭਾਰਤੀ ਟੈਨਿਸ ਸਟਾਰ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤਾ ਕਿ ਉਹ ਆਸਟ੍ਰੇਲੀਅਨ ਓਪਨ ਤੋਂ ਬਾਅਦ ਆਪਣੇ ਬੇਟੇ ਨਾਲ ਜ਼ਿਆਦਾ ਸਮਾਂ ਬਿਤਾਉਣਾ ਚਾਹੇਗੀ। ਉਸਨੇ ਅੱਗੇ ਲਿਖਿਆ ਕਿ 30 ਸਾਲ ਪਹਿਲਾਂ ਹੈਦਰਾਬਾਦ ਦੀ ਇੱਕ 6 ਸਾਲ ਦੀ ਬੱਚੀ ਪਹਿਲੀ ਵਾਰ ਕੋਰਟ 'ਤੇ ਗਈ, ਆਪਣੀ ਮਾਂ ਨਾਲ ਗਈ ਅਤੇ ਕੋਚ ਨੇ ਟੈਨਿਸ ਖੇਡਣ ਦਾ ਤਰੀਕਾ ਦੱਸਿਆ। ਸਾਨੀਆ ਮਿਰਜ਼ਾ ਅੱਗੇ ਲਿਖਦੀ ਹੈ ਕਿ ਮੈਂ ਸੋਚਦੀ ਸੀ ਕਿ ਮੈਂ ਟੈਨਿਸ ਸਿੱਖਣ ਲਈ ਬਹੁਤ ਛੋਟੀ ਸੀ। ਮੇਰੇ ਸੁਪਨਿਆਂ ਦੀ ਲੜਾਈ 6 ਸਾਲ ਦੀ ਉਮਰ ਤੋਂ ਸ਼ੁਰੂ ਹੋ ਗਈ ਸੀ।

Life update :) pic.twitter.com/bZhM89GXga

— Sania Mirza (@MirzaSania) January 13, 2023

ਅਜਿਹਾ ਰਿਹੈ ਸਾਨੀਆ ਮਿਰਜ਼ਾ ਦਾ ਕਰੀਅਰ 

ਸਾਨੀਆ ਮਿਰਜ਼ਾ 3 ਵਾਰ ਡਬਲਜ਼ ਵਿੱਚ ਚੈਂਪੀਅਨ ਰਹਿ ਚੁੱਕੀ ਹੈ। ਇਸ ਭਾਰਤੀ ਦਿੱਗਜ ਨੇ 2016 'ਚ ਮਹਿਲਾ ਡਬਲ 'ਚ ਆਸਟ੍ਰੇਲੀਅਨ ਓਪਨ ਦਾ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਇਲਾਵਾ ਸਾਨੀਆ ਮਿਰਜ਼ਾ ਨੇ ਵਿੰਬਲਡਨ ਅਤੇ ਯੂਐਸ ਓਪਨ 2015 ਵਿੱਚ ਮਹਿਲਾ ਡਬਲ ਵਿੱਚ ਖਿਤਾਬ ਜਿੱਤਿਆ ਸੀ। ਹਾਲਾਂਕਿ ਸਾਨੀਆ ਮਿਰਜ਼ਾ ਆਪਣੇ ਟੈਨਿਸ ਕਰੀਅਰ ਵਿੱਚ ਕਦੇ ਵੀ ਗ੍ਰੈਂਡ ਸਲੈਮ ਸਿੰਗਲਜ਼ ਵਿੱਚ ਕੋਈ ਖ਼ਿਤਾਬ ਨਹੀਂ ਜਿੱਤ ਸਕੀ ਪਰ ਸਿੰਗਲਜ਼ ਤੋਂ ਇਲਾਵਾ ਉਸ ਨੇ ਡਬਲਜ਼ ਅਤੇ ਮਿਕਸਡ ਡਬਲਜ਼ ਵਿੱਚ ਆਸਟ੍ਰੇਲੀਅਨ ਓਪਨ, ਫ੍ਰੈਂਚ ਓਪਨ ਅਤੇ ਯੂਐਸ ਓਪਨ ਦੇ ਖ਼ਿਤਾਬ ਜਿੱਤੇ ਹਨ।

ਦੁਬਈ 'ਚ ਆਪਣਾ ਆਖਰੀ ਟੂਰਨਾਮੈਂਟ ਖੇਡੇਗਾ

ਸਾਨੀਆ ਮਿਰਜ਼ਾ ਨੇ ਸਾਲ 2009 ਵਿੱਚ ਆਸਟ੍ਰੇਲੀਅਨ ਓਪਨ ਦਾ ਮਿਕਸਡ ਡਬਲਜ਼ ਜਿੱਤਿਆ ਸੀ। ਇਸ ਤੋਂ ਬਾਅਦ ਸਾਲ 2012 ਵਿੱਚ ਫਰੈਂਚ ਓਪਨ ਦਾ ਮਿਕਸਡ ਡਬਲ ਜਿੱਤਿਆ। ਜਦੋਂ ਕਿ ਸਾਲ 2014 ਵਿੱਚ ਉਹ ਯੂਐਸ ਓਪਨ ਦਾ ਖਿਤਾਬ ਜਿੱਤਣ ਵਿੱਚ ਕਾਮਯਾਬ ਰਹੀ ਸੀ। ਦਰਅਸਲ, ਪਿਛਲੇ ਦਿਨੀਂ ਸਾਨੀਆ ਮਿਰਜ਼ਾ ਨੇ ਸਾਫ਼ ਕਰ ਦਿੱਤਾ ਸੀ ਕਿ ਆਸਟ੍ਰੇਲੀਆ ਓਪਨ 2023 ਉਸਦਾ ਆਖਰੀ ਗ੍ਰੈਂਡ ਸਲੈਮ ਹੋਵੇਗਾ। ਨਾਲ ਹੀ, ਭਾਰਤੀ ਦਿੱਗਜ ਨੇ ਦੱਸਿਆ ਸੀ ਕਿ ਆਸਟ੍ਰੇਲੀਅਨ ਓਪਨ ਤੋਂ ਬਾਅਦ ਉਹ ਦੁਬਈ ਵਿੱਚ ਹੋਣ ਵਾਲੀ ਟੈਨਿਸ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲਵੇਗੀ, ਇਹ ਉਸਦਾ ਆਖਰੀ ਟੈਨਿਸ ਟੂਰਨਾਮੈਂਟ ਹੋਵੇਗਾ। ਸਾਨੀਆ ਮਿਰਜ਼ਾ ਦੁਬਈ 'ਚ ਹੋਣ ਵਾਲੀ ਟੈਨਿਸ ਚੈਂਪੀਅਨਸ਼ਿਪ ਤੋਂ ਬਾਅਦ ਟੈਨਿਸ ਨੂੰ ਅਲਵਿਦਾ ਕਹਿ ਦੇਵੇਗੀ।