MS Dhoni Six Video: ਚੇਨਈ ਸੁਪਰ ਕਿੰਗਜ਼ (CSK) ਨੇ 10 ਮਈ ਨੂੰ ਦਿੱਲੀ ਕੈਪੀਟਲਜ਼ (DC) ਦੇ ਖਿਲਾਫ ਖੇਡੇ ਗਏ ਮੈਚ ਨੂੰ 27 ਦੌੜਾਂ ਨਾਲ ਜਿੱਤ ਲਿਆ। ਇਸ ਮੈਚ 'ਚ CSK ਦੀ ਪਾਰੀ ਦੌਰਾਨ ਮਹਿੰਦਰ ਸਿੰਘ ਧੋਨੀ ਦੀ ਫਿਨਿਸ਼ਿੰਗ ਟਚ ਇਕ ਵਾਰ ਫਿਰ ਦੇਖਣ ਨੂੰ ਮਿਲੀ। ਧੋਨੀ ਨੇ ਸਿਰਫ 9 ਗੇਂਦਾਂ 'ਤੇ 2 ਛੱਕੇ ਅਤੇ 1 ਚੌਕਾ ਲਗਾ ਕੇ 20 ਦੌੜਾਂ ਦੀ ਛੋਟੀ ਪਰ ਤੇਜ਼ ਰਫਤਾਰ ਪਾਰੀ ਖੇਡੀ। ਜਦੋਂ ਧੋਨੀ ਨੇ ਮੈਚ 'ਚ ਛੱਕਾ ਲਗਾਇਆ ਤਾਂ ਸਟੈਂਡ 'ਤੇ ਮੌਜੂਦ ਉਨ੍ਹਾਂ ਦੀ ਬੇਟੀ ਜ਼ੀਵਾ ਅਤੇ ਪਤਨੀ ਸਾਕਸ਼ੀ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ।
ਮੈਚ 'ਚ ਜਦੋਂ ਮਹਿੰਦਰ ਸਿੰਘ ਧੋਨੀ ਬੱਲੇਬਾਜ਼ੀ ਕਰਨ ਆਏ ਤਾਂ ਚੇਨਈ ਸੁਪਰ ਕਿੰਗਜ਼ ਨੇ 126 ਦੌੜਾਂ 'ਤੇ 6 ਵਿਕਟਾਂ ਗੁਆ ਦਿੱਤੀਆਂ ਸਨ। ਧੋਨੀ ਨੇ ਖਲੀਲ ਅਹਿਮਦ ਖਿਲਾਫ ਚੇਨਈ ਦੀ ਪਾਰੀ ਦੇ 19ਵੇਂ ਓਵਰ 'ਚ 2 ਛੱਕੇ ਅਤੇ 1 ਚੌਕਾ ਲਗਾ ਕੇ ਕੁੱਲ 21 ਦੌੜਾਂ ਬਣਾਈਆਂ। ਧੋਨੀ ਦੇ ਛੱਕੇ 'ਤੇ ਪੂਰੇ ਚੇਪੌਕ ਸਟੇਡੀਅਮ ਨੇ ਤਾੜੀਆਂ ਮਾਰੀਆਂ। ਇਸ ਦੌਰਾਨ ਧੋਨੀ ਦਾ ਪਰਿਵਾਰ ਵੀ ਜਸ਼ਨ ਮਨਾਉਂਦਾ ਨਜ਼ਰ ਆਇਆ। ਬੇਟੀ ਜੀਵਾ ਨੇ ਸੀਟੀ ਮਾਰੀ ਅਤੇ ਪਤਨੀ ਸਾਕਸ਼ੀ ਨੇ ਤਾੜੀਆਂ ਵਜਾ ਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ।
ਧੋਨੀ ਦੀ 20 ਦੌੜਾਂ ਦੀ ਪਾਰੀ ਦੀ ਬਦੌਲਤ ਚੇਨਈ ਸੁਪਰ ਕਿੰਗਜ਼ ਇਸ ਮੈਚ 'ਚ 20 ਓਵਰਾਂ 'ਚ 8 ਵਿਕਟਾਂ ਦੇ ਨੁਕਸਾਨ 'ਤੇ 167 ਦੌੜਾਂ ਬਣਾਉਣ 'ਚ ਕਾਮਯਾਬ ਰਹੀ। ਧੋਨੀ ਤੋਂ ਇਲਾਵਾ ਸ਼ਿਵਮ ਦੁਬੇ ਨੇ 25, ਗਾਇਕਵਾੜ ਨੇ 24 ਅਤੇ ਰਾਇਡੂ ਨੇ 23 ਦੌੜਾਂ ਬਣਾਈਆਂ।
ਧੋਨੀ ਨੇ ਇਸ ਸੀਜ਼ਨ 'ਚ ਹੁਣ ਤੱਕ 204 ਦੀ ਸਟ੍ਰਾਈਕ ਰੇਟ ਨਾਲ ਦੌੜਾਂ ਬਣਾਈਆਂ
ਆਈਪੀਐਲ ਦੇ ਇਸ ਸੀਜ਼ਨ ਵਿੱਚ ਮਹਿੰਦਰ ਸਿੰਘ ਧੋਨੀ ਦਾ ਉਹੀ ਪੁਰਾਣਾ ਸ਼ਾਨਦਾਰ ਫਾਰਮ ਹੁਣ ਤੱਕ ਦੇਖਣ ਨੂੰ ਮਿਲਿਆ ਹੈ। ਧੋਨੀ ਨੇ ਹੁਣ ਤੱਕ 8 ਪਾਰੀਆਂ 'ਚ 96 ਦੌੜਾਂ ਬਣਾਈਆਂ ਹਨ ਅਤੇ ਇਸ 'ਚ ਉਨ੍ਹਾਂ ਦਾ ਸਟ੍ਰਾਈਕ ਰੇਟ 204.26 ਹੈ। ਧੋਨੀ ਵੀ ਇਸ 'ਚੋਂ 6 ਵਾਰ ਅਜੇਤੂ ਪੈਵੇਲੀਅਨ ਪਰਤੇ।
Read More:- PBKS ਖਿਡਾਰੀ ਹਰਪ੍ਰੀਤ ਬਰਾੜ ਖੇਡ ਦੇ ਮੈਦਾਨ ਨਾਲ ਗਾਇਕੀ 'ਚ ਵੀ ਹੈ ਲਾਜਵਾਬ, ਸਤਵਿੰਦਰ ਬੁੱਗਾ ਦਾ ਗਾਇਆ ਗੀਤ