ਟੀਮ ਇੰਡੀਆ ਦਾ 'K' ਫੈਕਟਰ

ਟੀਮ ਇੰਡੀਆ ਲਈ ਕੁੰਬਲੇ ਅਤੇ ਕੋਹਲੀ ਦਾ ਕੋਚਿੰਗ ਅਤੇ ਕਪਤਾਨੀ ਦਾ K ਫੈਕਟਰ ਵੀ ਕਾਮਯਾਬੀ ਦੀ ਕੜੀ ਬਣ ਸਕਦਾ ਹੈ। ਅਨਿਲ ਕੁੰਬਲੇ ਨੇ ਭਾਰਤ ਲਈ ਖੇਡਦਿਆਂ 2 ਦਹਾਕਿਆਂ ਤਕ ਦੇਸ਼ ਦੀ ਸੇਵਾ ਕੀਤੀ, ਅਤੇ ਹੁਣ ਇਹ ਖਿਡਾਰੀ ਕੋਚ ਬਣਕੇ ਟੀਮ ਨੂੰ ਜਿਤਾਉਣ ਦੀ ਕੋਸ਼ਿਸ਼ ਕਰੇਗਾ। ਅਨਿਲ ਕੁੰਬਲੇ ਨੇ ਟੀਮ ਇੰਡੀਆ ਲਈ 132 ਟੈਸਟ ਮੈਚ ਖੇਡੇ ਜਿਸ 'ਚ ਉਨ੍ਹਾਂ ਦੇ ਨਾਮ 619 ਵਿਕਟ ਦਰਜ ਹਨ। ਅਨਿਲ ਕੁੰਬਲੇ ਨੇ ਬੱਲੇਬਾਜ਼ੀ 'ਚ ਵੀ ਕਮਾਲ ਕੀਤਾ ਅਤੇ 1 ਸੈਂਕੜਾ ਅਤੇ 5 ਅਰਧ-ਸੈਂਕੜੇ ਠੋਕੇ। ਵਨਡੇ 'ਚ ਵੀ ਅਨਿਲ ਕੁੰਬਲੇ ਦਾ ਪ੍ਰਦਰਸ਼ਨ ਧਮਾਕੇਦਾਰ ਰਿਹਾ। 271 ਵਨਡੇ ਮੈਚਾਂ 'ਚ ਕੁੰਬਲੇ ਨੇ 337 ਵਿਕਟ ਝਟਕੇ। ਕੁੰਬਲੇ ਦੇ ਰਿਕਾਰਡ ਜਬਰਦਸਤ ਹਨ ਤਾਂ ਵਿਰਾਟ ਵੀ ਪਿੱਛੇ ਨਹੀਂ। ਵਿਰਾਟ ਅੱਜ ਟੀਮ ਇੰਡੀਆ ਦਾ ਟੀ-20, ਵਨਡੇ ਅਤੇ ਟੈਸਟ ਫਾਰਮੈਟ ਦਾ ਸਭ ਤੋਂ ਕੰਸਿਸਟੈਂਟ ਬੱਲੇਬਾਜ਼ ਹੈ। ਟੀਮ ਇੰਡੀਆ ਦੀ ਜਿੱਤ ਅਤੇ ਹਰ ਅੱਜ ਸਭ ਤੋਂ ਵੱਧ ਕੋਹਲੀ ਦੇ ਚੱਲਣ-ਨਾ ਚੱਲਣ 'ਤੇ ਨਿਰਭਰ ਕਰਦੀ ਹੈ। ਅਜਿਹੇ 'ਚ ਟੀਮ ਇੰਡੀਆ ਦਾ K ਫੈਕਟਰ ਵਿਸ਼ਵ ਕ੍ਰਿਕਟ ਲਈ ਸਿਰ ਦਰਦ ਬਣ ਸਕਦਾ ਹੈ।