ਇੰਗਲੈਂਡ 'ਤੇ ਮੁਰਲੀ ਦੀ 'ਵਿਜੈ'

ਰਾਜਕੋਟ - ਇੰਗਲੈਂਡ ਦੇ 537 ਰਨ ਦੇ ਪਹਾੜ ਜਿਹੇ ਸਕੋਰ ਦਾ ਜਵਾਬ ਦੇਣ ਉਤਰੀ ਟੀਮ ਇੰਡੀਆ ਲਈ ਚੇਤੇਸ਼ਵਰ ਪੁਜਾਰਾ ਤੋਂ ਬਾਅਦ ਮੁਰਲੀ ਵਿਜੈ ਨੇ ਵੀ ਸੈਂਕੜਾ ਠੋਕ ਦਿੱਤਾ। ਮੁਰਲੀ ਵਿਜੈ ਨੇ ਆਪਣੇ ਕਰੀਅਰ ਦਾ 7ਵਾਂ ਸੈਂਕੜਾ ਤਾਂ ਪੂਰਾ ਕੀਤਾ ਹੀ, ਨਾਲ ਹੀ ਟੀਮ ਇੰਡੀਆ ਨੂੰ ਮਜਬੂਤ ਜਵਾਬ ਦੇਣ 'ਚ ਵੀ ਮਦਦ ਕੀਤੀ। 

  

 

ਮੁਰਲੀ ਵਿਜੈ ਮੈਚ ਦੇ ਦੂਜੇ ਦਿਨ ਬੱਲੇਬਾਜ਼ੀ ਕਰਨ ਉਤਰੇ ਸਨ ਅਤੇ ਦੂਜੇ ਦਿਨ ਦਾ ਖੇਡ ਖਤਮ ਹੋਣ ਤਕ 28 ਰਨ ਬਣਾ ਕੇ ਮੈਦਾਨ 'ਤੇ ਟਿਕੇ ਹੋਏ ਸਨ। ਮੈਚ ਦੇ ਤੀਜੇ ਦਿਨ ਮੁਰਲੀ ਵਿਜੈ ਨੇ ਧੀਮੇ ਅੰਦਾਜ਼ 'ਚ ਆਪਣੀ ਪਾਰੀ ਨੂੰ ਅੱਗੇ ਵਧਾਇਆ। ਮੁਰਲੀ ਵਿਜੈ ਦੇ ਸਲਾਮੀ ਜੋੜੀਦਾਰ ਗੌਤਮ ਗੰਭੀਰ ਦਿਨ ਦੇ ਦੂਜੇ ਓਵਰ 'ਚ ਹੀ ਆਪਣਾ ਵਿਕਟ ਗਵਾ ਬੈਠੇ। ਮੁਰਲੀ ਵਿਜੈ ਨੂੰ ਪੁਜਾਰਾ ਦਾ ਚੰਗਾ ਸਾਥ ਮਿਲਿਆ ਅਤੇ ਦੋਨਾ ਨੇ ਮਿਲਕੇ ਭਾਰਤ ਨੂੰ ਚੰਗੀ ਸਥਿਤੀ 'ਚ ਪਹੁੰਚਾ ਦਿੱਤਾ। ਮੁਰਲੀ ਵਿਜੈ ਨੇ 129 ਗੇਂਦਾਂ 'ਤੇ 4 ਚੌਕੇ ਅਤੇ 2 ਛੱਕੇ ਲਗਾਉਂਦੇ ਹੋਏ ਆਪਣਾ ਅਰਧ-ਸੈਂਕੜਾ ਪੂਰਾ ਕੀਤਾ। ਮੁਰਲੀ ਵਿਜੈ ਨੇ ਡਿਫੈਂਸਿਵ ਐਪਰੋਚ ਵਿਖਾਈ ਪਰ ਜਿਵੇਂ ਹੀ ਮੌਕਾ ਮਿਲਦਾ ਤਾਂ ਵਿਜੈ ਗੇਂਦ ਨੂੰ ਬਾਉਂਡਰੀ ਪਾਰ ਕਰਵਾਉਣ 'ਚ ਵੀ ਝੇਪ ਨਹੀਂ ਕਰ ਰਹੇ ਸਨ। 

  

 

ਮੁਰਲੀ ਵਿਜੈ ਨੇ ਚੌਕੇ ਨਾਲ ਆਪਣਾ ਸੈਂਕੜਾ ਪੂਰਾ ਕੀਤਾ। ਮੁਰਲੀ ਵਿਜੈ ਨੇ 254 ਗੇਂਦਾਂ 'ਤੇ ਸੈਂਕੜਾ ਜੜਿਆ। ਮੁਰਲੀ ਵਿਜੈ ਦੀ ਪਾਰੀ 'ਚ 8 ਚੌਕੇ ਅਤੇ 3 ਛੱਕੇ ਸ਼ਾਮਿਲ ਸਨ। ਮੁਰਲੀ ਵਿਜੈ ਨੇ ਮੋਇਨ ਅਲੀ ਨੂੰ 1 ਛੱਕਾ ਅਤੇ ਅਨਸਾਰੀ ਦੀ ਗੇਂਦ 'ਤੇ 2 ਛੱਕੇ ਠੋਕੇ। ਮੁਰਲੀ ਵਿਜੈ ਨੇ ਪੁਜਾਰਾ ਨਾਲ ਮਿਲਕੇ ਭਾਰਤ ਨੂੰ ਮਜਬੂਤ ਸਥਿਤੀ 'ਚ ਪਹੁੰਚਾਉਣ 'ਚ ਖਾਸ ਯੋਗਦਾਨ ਪਾਇਆ।