![ABP Premium](https://cdn.abplive.com/imagebank/Premium-ad-Icon.png)
Tokyo Olympics: ਅਵਿਨਾਸ਼ ਸਾਬਲੇ ਨੇ ਬਣਾਇਆ ਨਵਾਂ ਰਾਸ਼ਟਰੀ ਰਿਕਾਰਡ ਪਰ ਫ਼ਾਈਨਲ ’ਚ ਜਾਣ ਤੋਂ ਖੁੰਝੇ
ਸਾਬਲੇ ਨੇ ਦੂਜੀ ਹੀਟ ਵਿੱਚ 8: 18-12 ਦਾ ਸਮਾਂ ਕੱਢਿਆ ਅਤੇ ਮਾਰਚ ਵਿੱਚ ਫੈਡਰੇਸ਼ਨ ਕੱਪ ਵਿੱਚ 8: 20-20 ਦਾ ਆਪਣਾ ਹੀ ਰਿਕਾਰਡ ਤੋੜਿਆ।
![Tokyo Olympics: ਅਵਿਨਾਸ਼ ਸਾਬਲੇ ਨੇ ਬਣਾਇਆ ਨਵਾਂ ਰਾਸ਼ਟਰੀ ਰਿਕਾਰਡ ਪਰ ਫ਼ਾਈਨਲ ’ਚ ਜਾਣ ਤੋਂ ਖੁੰਝੇ tokyo-olympics-avinash-sable-sets-new-national-record-in-olympics-but-misses-final Tokyo Olympics: ਅਵਿਨਾਸ਼ ਸਾਬਲੇ ਨੇ ਬਣਾਇਆ ਨਵਾਂ ਰਾਸ਼ਟਰੀ ਰਿਕਾਰਡ ਪਰ ਫ਼ਾਈਨਲ ’ਚ ਜਾਣ ਤੋਂ ਖੁੰਝੇ](https://feeds.abplive.com/onecms/images/uploaded-images/2021/07/30/19c0cf7f332bc53cd22833a091d5d6fb_original.jpg?impolicy=abp_cdn&imwidth=1200&height=675)
ਟੋਕੀਓ: ਭਾਰਤ ਦੇ ਅਵਿਨਾਸ਼ ਸਾਬਲੇ ਨੇ ਟੋਕੀਓ ਓਲੰਪਿਕ ਦੇ 3000 ਮੀਟਰ ਸਟੀਪਲਚੇਜ਼ ਮੁਕਾਬਲੇ ਵਿੱਚ ਆਪਣਾ ਰਾਸ਼ਟਰੀ ਰਿਕਾਰਡ ਬਿਹਤਰ ਕੀਤਾ ਪਰ ਦੂਜੀ ਹੀਟ ਰੇਸ ਦੇ ਸਿਖਰਲੇ ਤਿੰਨ ਅਥਲੀਟਾਂ ਨਾਲੋਂ ਬਿਹਤਰ ਸਮਾਂ ਕੱਢਣ ਦੇ ਬਾਵਜੂਦ ਉਹ ਫਾਈਨਲ ਵਿੱਚ ਨਹੀਂ ਪੁੱਜ ਸਕੇ।
ਸਾਬਲੇ ਨੇ ਦੂਜੀ ਹੀਟ ਵਿੱਚ 8: 18-12 ਦਾ ਸਮਾਂ ਕੱਢਿਆ ਅਤੇ ਮਾਰਚ ਵਿੱਚ ਫੈਡਰੇਸ਼ਨ ਕੱਪ ਵਿੱਚ 8: 20-20 ਦਾ ਆਪਣਾ ਹੀ ਰਿਕਾਰਡ ਤੋੜਿਆ। ਉਹ ਦੂਜੀ ਹੀਟ ਵਿੱਚ 7ਵੇਂ ਸਥਾਨ ’ਤੇ ਰਹੇ। ਹਰ ਹੀਟ ਤੋਂ ਟੌਪ ਤਿੰਨ ਅਤੇ ਸਾਰੀਆਂ ਹੀਟਸ ਵਿੱਚੋਂ ਚੋਟੀ ਦੇ ਛੇ ਫਾਈਨਲ ਵਿੱਚ ਪਹੁੰਚੇ। ਸਾਬਲੇ ਬਦਕਿਸਮਤ ਰਹੇ ਕਿਉਂਕਿ ਤੀਜੀ ਹੀਟ ਵਿੱਚ ਚੋਟੀ ਦੇ ਤਿੰਨ ਖਿਡਾਰੀ ਉਨ੍ਹਾਂ ਤੋਂ ਹੌਲੀ ਦੌੜੇ ਸਨ। ਸਾਬਲੇ ਕੁਆਲੀਫਾਇੰਗ ਹੀਟ ਵਿੱਚ ਸਰਬੋਤਮ ਸੱਤਵੇਂ ਅਤੇ ਕੁੱਲ 13 ਵੇਂ ਸਥਾਨ 'ਤੇ ਰਹੇ।
ਫੈਡਰੇਸ਼ਨ ਕੱਪ ਵਿੱਚ ਬਣਾਇਆ ਸੀ ਰਿਕਾਰਡ
ਤੁਹਾਨੂੰ ਦੱਸ ਦੇਈਏ, ਅਵਿਨਾਸ਼ ਸਾਬਲੇ ਨੇ ਪਟਿਆਲਾ ਵਿੱਚ ਫੈਡਰੇਸ਼ਨ ਕੱਪ ਸੀਨੀਅਰ ਨੈਸ਼ਨਲ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਇੱਕ ਨਵਾਂ ਰਿਕਾਰਡ ਬਣਾਇਆ ਸੀ। ਇਸ ਦੇ ਨਾਲ ਹੀ 26 ਸਾਲਾ ਅਵਿਨਾਸ਼ ਦੋਹਾ ਵਿੱਚ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ 13 ਵੇਂ ਸਥਾਨ ’ਤੇ ਪਹੁੰਚ ਗਏ ਸਨ। ਉਨ੍ਹਾਂ ਨੇ ਸਾਲ 2019 ਵਿੱਚ 8.21.37 ਦਾ ਆਪਣਾ ਹੀ ਰਿਕਾਰਡ ਤੋੜਿਆ ਸੀ।
ਦਿੱਲੀ ਹਾਫ ਮੈਰਾਥਨ ਵਿੱਚ ਰਾਸ਼ਟਰੀ ਰਿਕਾਰਡ ਤੋੜਿਆ
ਜਾਣਕਾਰੀ ਅਨੁਸਾਰ ਇਸ ਫ਼ੌਜੀ ਜਵਾਨ ਨੇ ਆਪਣੇ ਕਰੀਅਰ ਵਿਚ ਪੰਜਵੀਂ ਵਾਰ ਕੌਮੀ ਰਿਕਾਰਡ ਤੋੜਿਆ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਅਵਿਨਾਸ਼ ਦਿੱਲੀ ਹਾਫ ਮੈਰਾਥਨ ਵਿੱਚ ਰਾਸ਼ਟਰੀ ਰਿਕਾਰਡ ਨੂੰ ਤੋੜਦੇ ਹੋਏ ਸੁਰਖੀਆਂ ਵਿੱਚ ਆਏ ਸਨ। ਸਾਬਲੇ ਨੇ ਇਸ ਦੌੜ ਨੂੰ ਸਿਰਫ ਇੱਕ ਮਿੰਟ ਤੇ 30 ਸਕਿੰਟਾਂ ਵਿੱਚ ਪੂਰਾ ਕੀਤਾ। ਇਸ ਤੋਂ ਪਹਿਲਾਂ ਕਿਸੇ ਵੀ ਭਾਰਤੀ ਨੇ 61 ਮਿੰਟ ਤੋਂ ਪਹਿਲਾਂ ਹਾਫ ਮੈਰਾਥਨ ਪੂਰੀ ਨਹੀਂ ਕੀਤੀ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)