ਰੈਂਡੀ ਔਰਟਨ ਦੇ ਘਰ ਕਿਲਕਾਰੀਆਂ

ਨਵੀਂ ਦਿੱਲੀ - WWE ਦੇ ਦਿੱਗਜ ਭਲਵਾਨ ਰੈਂਡੀ ਔਰਟਨ ਦਾ ਘਰ ਕਿਲਕਾਰੀਆਂ ਨਾਲ ਗੂੰਜ ਉਠਿਆ ਹੈ। ਰੈਂਡੀ ਔਰਟਨ ਦੇ ਘਰ ਨੰਨ੍ਹੀਂ ਬੱਚੀ ਦੀ ਐਂਟਰੀ ਹੋਈ ਹੈ। ਇਸ ਗੱਲ ਦੀ ਜਾਣਕਾਰੀ ਖੁਦ ਔਰਟਨ ਨੇ ਆਪਣੇ ਚਾਹੁਣ ਵਾਲਿਆਂ ਨਾਲ ਸਾਂਝੀ ਕੀਤੀ। ਰੈਂਡੀ ਔਰਟਨ ਨੇ ਟਵੀਟ ਕਰ ਆਪਣੇ ਘਰ ਬੱਚੀ ਦੇ ਜਨਮ ਦੀ ਖਬਰ ਆਪਣੇ ਫੈਨਸ ਨਾਲ ਸਾਂਝੀ ਕੀਤੀ। 

  

 

ਰੈਂਡੀ ਔਰਟਨ ਨੇ ਟਵੀਟ ਕੀਤਾ ਅਤੇ ਦੱਸਿਆ ਕਿ ਬੱਚੀ ਦਾ ਨਾਮ ਬਰੂਕਲਿਨ ਰੋਜ਼ ਔਰਟਨ ਰਖਿਆ ਹੈ। 

 

Randy OrtonVerified account‏@RandyOrton

This Thanksgiving I'm thankful for Brooklyn Rose @KimKlro 

  

ਇਸਤੋਂ ਪਹਿਲਾਂ ਰੈਂਡੀ ਔਰਟਨ ਨੇ ਬੱਚੀ ਦੇ ਜਨਮ ਤੋਂ ਪਹਿਲਾਂ ਹੀ ਟਵੀਟ ਕਰਕੇ ਦਸ ਦਿੱਤਾ ਸੀ ਕਿ ਓਹ 24 ਘੰਟੇ 'ਚ ਦੁਬਾਰਾ ਪਿਤਾ ਬਣਨ ਵਾਲੇ ਹਨ। ਬੱਚੀ ਦਾ ਜਨਮ ਅਮਰੀਕੀ ਸਮੇ ਅਨੁਸਾਰ 25 ਨਵੰਬਰ ਨੂੰ ਹੋਇਆ। ਰੈਂਡੀ ਔਰਟਨ ਦੇ ਘਰ ਪਹਿਲਾਂ ਵੀ ਇੱਕ ਬੱਚੀ ਹੈ। ਬਰੂਕਲਿਨ ਰੋਜ਼ ਰੈਂਡੀ ਔਰਟਨ ਦੀ ਦੂਜੀ ਬੇਟੀ ਹੈ। 

  

ਔਰਟਨ ਨੇ ਟਵੀਟ ਕਰਦਿਆਂ ਆਪਣੀ ਪਤਨੀ ਕਿਮ ਮਾਰੀ ਦਾ ਵੀ ਧੰਨਵਾਦ ਕੀਤਾ। ਸਰਵਾਈਵਰ ਸੀਰੀਜ਼ ਤੋਂ ਬਾਅਦ ਤੋਂ ਹੀ ਰੈਂਡੀ ਔਰਟਨ ਨੇ ਖੁਦ ਨੂੰ WWEਤੋਂ ਦੂਰ ਕੀਤਾ ਹੋਇਆ ਸੀ ਅਤੇ ਓਹ ਜਾਦਾ ਸਮਾਂ ਆਪਣੇ ਪਰਿਵਾਰ ਨੂੰ ਦੇ ਰਹੇ ਸਨ। 

  

ਔਰਟਨ ਨੂੰ ਆਮ ਤੌਰ 'ਤੇ ਕਾਫੀ ਜਾਲਿਮ ਭਲਵਾਨ ਦੇ ਤੌਰ 'ਤੇ ਵੇਖਿਆ ਜਾਂਦਾ ਹੈ ਪਰ ਬੱਚੀ ਦੇ ਜਨਮ ਤੋਂ ਪਹਿਲਾਂ ਤੋਂ ਹੀ ਉਨ੍ਹਾਂ ਵੱਲੋਂ ਕੀਤੇ ਜਾ ਰਹੇ ਟਵੀਟਸ ਨੇ ਉਨ੍ਹਾਂ ਦੀ ਭਾਵੁਕ ਛਵੀ ਨੂੰ ਵੀ ਉਜਾਗਰ ਕੀਤਾ ਹੈ।